Jeremi 29:14 - Sră Goh 2018

¹⁴ Yàng Jehôwa đơs: “Añ rơp ai bol mê in jòi bàn Añ, rơp bơtào wơl ală sre brê bol mê dê, mơ rơp tơrgòm bol mê bơh ală lơgar mơ bơh ală tiah Añ neh bơtrơh bol mê, mơ Añ rơp cèng brê bol mê wơl hơ tiah Añ neh tă bol mê.”

Jeremi 29:14 Mawu Ofanana

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

Đơs Crih 126:1

Tòm tŭ Yàng Jehôwa cèng ală cau kòl jàm Siôn dê rê wơl, Gen bol hi ò gơkrơi be cau gŏ mpau.

Đơs Crih 126:4

Ơ Yàng Jehôwa, dan cèng ală cau kòl jàm bol hi dê rê wơl, Be ală croh dà tòm Negep.

Đơs Crih 32:6

Bơh bơta hơ̆ lòi ală cau lơi dòn song ơn bơta hòi dan mơ Yàng tòm tŭ gơlòng bol glar, Tòm tŭ gơs dà kŏ gen gơ rơp ò tus di bol khai.

Đơs Crih 46:1

Yàng Tom Trồ la tiah kìng crŭ mơ bơta pràn kơldang bol he dê; Kơnràñ gơs mat nàng dong kòl tòm bơta bòl glar.

Esai 14:1

Mơya Yàng Jehôwa rơp nđàc sơngit di Jakôp; dô dơ̆ tai Kơnràñ rơp sac rwah Israel, mơ rơp ơn bol khai tòm lơgar tòm bol khai dê. Cau lơgar bơdìh rơp tus tòmklac mơ bol khai, mơ lơh gơs dô bă bal mơ hìu Jakôp dê.

Esai 43:5

Bañ rngòt, bơh Añ ơm bal mơ mê; Añ rơp cèng kòn sau mê tus bơh đah mattơngai lik, mơ pơjum mê bơh đah mattơngai mut.

Esai 43:6

Añ rơp đơs mơ đah đang lah: ‘Tơngklàs tĕ!’ mơ đah đơm: ‘Bañ kup bol khai.’ Cèng tĕ ală kòn klau Añ jê bơh tiah ngài, mơ ală kòn ùr Añ jê bơh ală tiah lồi dut plai ù dê,

Esai 45:19

Añ neh ò đơs ndơp ndơr, tòm dô nơm lơgar klam jơngo. Añ ò di neh đơs mơ jơi bơtiàn Jakôp lah: ‘Bol mê jòi Añ la ò kwơ.’ Añ la Yàng Jehôwa, đơs jơnau song, bơto yal jơnau di.”

Esai 55:6

Jòi jat tĕ Yàng Jehôwa tòm tŭ rgơi bàn Kơnràñ; hòi dan tĕ mơ Kơnràñ tòm tŭ Kơnràñ ơm rềp.

Jeremi 12:15

Mơya, tơnơ̆ mơ tŭ Añ neh dus rau, Añ rơp nđàc sơngit wơl di bol khai; mơ Añ rơp cèng bol khai wơl hơ sre brê bol khai dê, mơ jơh kòp nă tòm bol khai.

Jeremi 3:14

Yàng Jehôwa đơs: “Ơ kòn sau pơrlơ̆ dră, rê wơl tĕ! Bơh Añ la cau tòm bol mê dê. Añ rơp sac dô nă tòm kòp nơm ƀòn dờng, mơ bàr nă bơh kòp hìu nhă, Mơ Añ rơp cèng mê tus hơ Siôn.

Jeremi 30:10

Yàng Jehôwa đơs: ‘Ơ Jakôp, mê la dĭ gơna Añ, bañ rngòt. Ơ Israel, bañ rngòt rngơt! Añ rơp dong klàs mê bơh tiah ngài, Mơ jơi bơtiàn mê bơh lơgar kong kup cèng gơs dĭ. Jakôp rơp rê wơl geh ring lơngai mơ lơngap lơngai, Ò gơs cau lơi lơh khai in rngòt rngơt.’

Jeremi 30:18

Yàng Jehôwa đơs be do: ‘Añ rơp cèng ală sàl Jakôp rê wơl klàs bơh bơta kup cèng gơs dĭ, Añ rơp nđàc sơngit tiah ơm khai dê; Ƀòn do rơp bơt bơtào wơl hơđang tiah tơrlah tơrling gơ dê, Hìu gơlang rơp geh bơtào di tiah yau òr.

Jeremi 30:3

Yàng Jehôwa đơs lah: ‘Ală ngai nền cê ngan rơp tus, tŭ hơ̆ Añ rơp bơtào wơl sre brê làng bol Añ jê, Israel mơ Juda, Yàng Jehôwa đơs, mơ Añ rơp cèng bol khai in rê wơl tòm lơgar mơ Añ neh ai ồng pàng bol khai in, mơ bol khai rơp geh lơgar hơ̆ lơh gơs sre brê.’”

Jeremi 31:16

Yàng Jehôwa đơs be do: “Ơm tĕ, bañ ñìm tai, Dà mat bol mê bañ hòr tai, Bơh broă lơh bol mê dê rơp geh phan ƀàn; Bol khai rơp rê wơl bơh di lơgar cau sò tơm dê,” Yàng Jehôwa đơs behơ̆.

Jeremi 31:17

Yàng Jehôwa đơs lah: “Behơ̆ rơp gơs bơta gơn kơnòm tòm tơngai tơnơ̆ bol mê dê; Kòn sau bol mê rơp rê wơl hơ lơgar tòm bol khai dê.

Jeremi 31:23

Yàng Jehôwa Gơnap Gơnoar Dờng Làm Jơh la Yàng Tom Trồ Israel dê đơs be do: “Tòm tŭ añ cèng bol khai rê wơl bơh di tiah kong kup cèng pơrdô gen làng bol tòm lơgar Juda mơ tòm ală ƀòn dờng gơ dê rơp dô dơ̆ tai đơs ală jơnau do: ‘Dan Yàng Jehôwa ai lơngai mê in, Ơ tiah ơm bơta song ring, ơ mơnơm sàng goh.’

Jeremi 51:10

‘Yàng Jehôwa neh ràng tơlik bơta song ring bol he dê. Tus tĕ, yal tơnggit tòm Siôn Broă lơh Jehôwa Yàng Tom Trồ bol he dê.’

Jeremi 8:3

Bơta chơt geh kòñ rlau mơ bơta kis gơwèt mơ ală cau gam wơl bơh bơta iơh bơsak tòm jơh ală tiah Añ neh bơtrơh bol khai.” Yàng Jehôwa Gơnap Gơnoar đơs behơ̆.

Ejekiel 37:21

mơ đơs mơ bol khai lah: Jehôwa Yàng Tom Trồ đơs be do: ‘Añ rơp tă tơlik kòn sau Israel bơh digùl ală lơgar mơ bol khai neh lòt tus. Añ rơp pơjum tơrgòm bol khai bơh di jơh ală tiah gùt dar, mơ cèng bol khai rê wơl tòm lơgar tòm bol khai dê.

Ejekiel 39:25

Gen tàng, Jehôwa Yàng Tom Trồ đơs be do: “Tŭ do Añ rơp cèng Jakôp rê wơl bơh di tiah kong kup cèng pơrdô; Añ rơp nđàc sơngit di jơh hìu Israel, mơ Añ rơp ƀoah pơrhiat bơh sơnđan sàng goh Añ jê.

Amôs 9:14

Añ rơp cèng brê wơl làng bol Israel Añ jê neh kong kup cèng gơs dĭ; bol khai rơp bơt bơtào wơl ală ƀòn dờng neh kong tơnroh mơ ơm tòm ală ƀòn dờng hơ̆. Bol khai rơp tam ală suơn ño mơ ñô tơrnòm gơ dê; bol khai rơp lơh suơn mơ sa plai gơ dê.

Mice 4:12

Mơya bol khai ò git bơta kơlôi sơnơng Yàng Jehôwa dê, bol khai ò wă wơng bơta rơndap Kơnràñ dê, bơh Kơnràñ neh tơrgòm bol khai kung be ală cap kòi cèng tòm làn pơrjòt kòi.

Sôphôni 3:20

Tòm tŭ hơ̆, añ rơp pơjum tơrgòm ai wơl, tòm tŭ hơ̆ Añ rơp cèng ai rê hìu. Añ rơp lơh ai in geh tiơng pơnro mơ geh jòng ro digùl jơh ală làng bol tòm plai ù, tòm tŭ Añ brê wơl ală cau neh kong kup pơrdô ai dê ơm di đap mat ai.” Yàng Jehôwa đơs behơ̆.

Rôma 10:20

Mơ tai, Esai đơs dô bă khin cha lah: “Ală cau ò jòi jat Añ gen neh bàn Añ, Añ neh tơlik să di cau ò lùp jòi Añ.”

Yal Wơl 30:1

Tòm tŭ jơh ală bơta do neh gơlik gơs di bol mê, bơta lơngai mơ ală bơta srat sơntơm mơ añ neh ơn di đap bol mê, dilah bol mê kah wơl gơtòm tŭ bol mê gam ơm tòm ală lơgar mơ Jehôwa Yàng Tom Trồ bol mê dê neh bơtrơh bol mê,

Yal Wơl 30:3

gen Jehôwa Yàng Tom Trồ bol mê dê rơp tơm wơl phan mơna bol mê dê, mơ gơs nùs nđàc sơngit di bol mê, mơ pơjum tơrgòm bol mê bơh di ală lơgar mơ Kơnràñ neh rsìh bol mê.

Yal Wơl 30:5

Kơnràñ rơp cèng bol mê tus hơ lơgar gơrê bal mơ ală ồng pàng bol mê dê, mơ bol mê rơp dòp geh lơgar hơ̆ lơh gơs sre brê; Kơnràñ rơp lơh bol mê in geh pas gơs mơ rơ̆sơmpài ràipơjềng rlau mơ ală ồng pàng bol mê dê.

Yal Wơl 4:7

Bơh gơs làng bol dờng lơi ndai gơs dô nă yàng bol khai dê ơm rềp mơ bol khai be Jehôwa Yàng Tom Trồ bol he dê ơm rềp mơ bol he tòm tŭ bol he hòi dan mơ Kơnràñ sơl ơ?