Jeremi 29:12 - Sră Goh 2018

¹² Tòm tŭ bol mê hòi Añ, mơ tus mơ hòi dan mơ Añ, Añ rơp dòp jơnau.

Jeremi 29:12 Mawu Ofanana

II Yal Yau 33:13

Mơ tòm tŭ khai hòi dan mơ Kơnràñ, Yàng Jehôwa gơs nùs rngoh rngac nđàc sơngit di khai mơ iat jơnau khai rac dan; behơ̆ Kơnràñ cèng khai rê wơl hơ Jerusalem mơ hơ lơgar khai at bồ. Gen Manase đal git Yàng Jehôwa la Yàng Tom Trồ.

II Yal Yau 6:38

dilah bol khai jơh nùs jơh hwềng soàn git gơjrañ sang glài tòm lơgar bol khai neh kong kup cèng gơs dĭ mơ hòi dan wèt hơ lơgar mơ Kơnràñ neh ai ală ồng pàng bol khai in, ƀòn dờng mơ Kơnràñ neh sac rwah, hơ hìu duh khoai mơ añ neh bơt sơnđan Kơnràñ in;

Sră Jop 22:27

Ồng rơp hòi dan mơ Kơnràñ, Kơnràñ rơp iat ồng, Mơ ồng rơp tơm sir ală jơnau ho pơgon ồng dê.

Đơs Crih 10:17

Ơ Yàng Jehôwa, Kơnràñ rơp kơno jơnau kơp kòñ cau niam lơnhơn dê; Yàng rơp lơh nùs bol khai in kơ̆ cê, mơ kung rơp ai tồr iat,

Đơs Crih 145:19

Kơnràñ lơh hừh nùs jơh ală cau duh rngòt di Kơnràñ, Kung iat jơnau hòi dan bol khai dê mơ dong klàs bol khai.

Đơs Crih 50:15

Hòi dan tĕ mơ Añ tòm ngai bòl glar; Añ rơp dong tă mê, mơ mê rơp lơh gơklŏ Añ in.”

Esai 26:16

Ơ Yàng Jehôwa, tòm bơta bòl glar, bol khai jòi Kơnràñ. Bol khai tuh tơlik dô bơta hòi dan, tòm tŭ Kơnràñ lơh glài tơmàl bol khai.

Esai 30:19

Ơ làng bol Siôn la cau ơm tòm Jerusalem, bol mê rơp ò ñìm rac tai. Kơnràñ kòñ nđàc ngan, tòm tŭ bol mê dan Kơnràñ dong kòl! Tòm tŭ kơno, gen Kơnràñ rơp ho wơl bol mê in.

Esai 65:24

Lài mơ tŭ bol khai hòi dan Añ rơp ho wơl; tòm tŭ bol khai ơm đơs Añ rơp kơno.

Jeremi 31:9

Bol khai ñìm rac mơ tus, mơ Añ rơp tề lam tòm bơta rac dan; Añ rơp jun bol khai lòt rò gah ală hiòng, Jat gùng song ngan, ò kòl gơtup pừ. Bơh Añ neh lơh gơs bèp Israel in, Ai Epraim la kòn tơnhoa Añ jê.

Jeremi 33:3

‘Lùp tĕ Añ, Añ rơp ho wơl mê in; Añ rơp yal mê in ală broă dờng mơ ndơp ndơr, la ală broă mê òhềt tŭ lơi git.’

Jeremi 50:4

Yàng Jehôwa đơs: “Tòm ală ngai hơ̆ mơ tòm tŭ hơ̆, làng bol Israel mơ làng bol Juda dô bă bal rê wơl, lòt ndang ñìm ndang, jòi jat Jehôwa Yàng Tom Trồ bol khai dê.

Jeremi 51:50

Bol mê la cau neh pleh klàs bơh đào, Lòt tĕ, bañ dơh wơl! Bơh tiah ngài, pal kah tĕ Yàng Jehôwa, Mơ kơlôi sơnơng tĕ bơh Jerusalem!

Ejekiel 36:37

Jehôwa Yàng Tom Trồ đơs be do: ‘Añ kung rơp lòi hìu Israel dan Añ lơh bơta do bol khai in: Añ rơp bơtơl khà làng bol bol khai in gơlik gơs oă be mpồl belàt.

Sră Ôse 14:9

Ñcau la cau jak chài rơp đal git ală bơta do? Ñcau git kơlôi sơnơng rơp wă wơng ală bơta hơ̆? Bơh ală gùng dà Yàng Jehôwa dê la song ngan; mơ ală cau song ring rơp cơnđòa lòt tòm hơ̆, mơya ală cau tồi glài gen gơplơ̆ gơpừ tòm hơ̆.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”