Jeremi 29:11 - Sră Goh 2018

¹¹ Yàng Jehôwa đơs: “Bơh Añ git bơta kơlôi sơnơng Añ jê gơwèt mơ bol mê, la bơta kơlôi sơnơng lơngap lơngai, ò di la rung rài, nàng bol mê in geh bơta gơn kơnòm tòm ngai tơnơ̆ bol mê dê.

Jeremi 29:11 Mawu Ofanana

Sră Jop 23:13

Mơya Kơnràñ ntào is, gen ñcau rgơi kơryan Kơnràñ taih? Kơnràñ lơh bơta lơi nùs Kơnràñ kòñ.

Đơs Crih 33:11

Bơta bơyai Yàng Jehôwa dê ơm kơ̆ sùm sùm, Ală bơta kơlôi sơnơng tòm nùs Kơnràñ dê gam jơl jơh ală rài.

Đơs Crih 40:5

Ơ Jehôwa Yàng Tom Trồ añ jê, ală broă crih crài Yàng neh lơh, Mơ ală bơta kơlôi sơnơng Kơnràñ dê gơwèt mơ bol hi la oă ngan, Ò gơs cau lơi rgơi pơndròm mơ Yàng! Dilah añ kòñ yal tơlik đơs bơh ală broă hơ̆, Gen gơ la oă ngan, ò jai kòp.

Đơs Crih 85:9

Ngan bơta dong klàs Kơnràñ dê ơm rềp di ală cau duh rngòt di Kơnràñ, tồ bơta gơklŏ rgơi ơm tòm lơgar bol he.

Esai 27:4

Añ ò gơjrañ; dilah gơ cèng Añ in tòm lò mrơt! Añ rơp lòt tòmlơh mơ bol gơ; Añ rơp chu pơrguc gơ.

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Jeremi 23:6

Tòm rài bơtau hơ̆, Juda rơp geh dong klàs; Israel rơp ơm lơngap lơngai, Mơ cau rơp sơnđan Bơtau hơ̆ lah: ‘Yàng Jehôwa bơta song ring bol he dê!’”

Jeremi 24:5

“Jehôwa Yàng Tom Trồ Israel dê đơs be do: ‘Kung be ală plai chi ƀal niam do, Añ kung rơp sền ală cau kup cèng gơs dĭ Juda dê, mơ Añ neh bơtrơh bơh tềng do tus tòm lơgar cau Kalde, lòi bol khai in gơs kwơ.

Jeremi 30:10

Yàng Jehôwa đơs: ‘Ơ Jakôp, mê la dĭ gơna Añ, bañ rngòt. Ơ Israel, bañ rngòt rngơt! Añ rơp dong klàs mê bơh tiah ngài, Mơ jơi bơtiàn mê bơh lơgar kong kup cèng gơs dĭ. Jakôp rơp rê wơl geh ring lơngai mơ lơngap lơngai, Ò gơs cau lơi lơh khai in rngòt rngơt.’

Jeremi 30:9

Mơya bol khai rơp duh broă Jehôwa Yàng Tom Trồ bol khai dê, Mơ Dabit bơtau bol khai dê, Mơ Añ rơp tơngguh bol khai in.’

Jeremi 33:6

Mơya, Añ rơp ai pràn, mơ sơmbòi gơ in; Añ rơp sơm bol khai mơ ai bol khai in gŏ bơta tơngkah tơngkañ bơta lơngap lơngai mơ dong tă.

Ñìm Rac 3:26

Hơ̆ la niam cau in ơm mŏ mŏ kơp gơn bơta dong klàs Yàng Jehôwa dê.

Ejekiel 11:16

Behơ̆ gen, đơs tĕ lah: ‘Yàng Jehôwa At Bồ Hơđang Jơh đơs be do: Bulah Añ neh cèng bol khai tus di tiah ngài digùl ală làng bol, neh lơh bol khai in gơprah gơpring tòm ală lơgar, Añ kung gam la tiah sàng goh bol khai in tòm dô êt jŏ tòm ală lơgar mơ bol khai neh lòt tus.’

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Mice 4:12

Mơya bol khai ò git bơta kơlôi sơnơng Yàng Jehôwa dê, bol khai ò wă wơng bơta rơndap Kơnràñ dê, bơh Kơnràñ neh tơrgòm bol khai kung be ală cap kòi cèng tòm làn pơrjòt kòi.

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”