Jeremi 29:10 - Sră Goh 2018

¹⁰ Mơ tai, Yàng Jehôwa đơs be do: “Tŭ poh jơt sơnam neh tơl Babilôn in, Añ rơp lòt còp bol mê, rơp lơh wil tơl jơnau ho pơgon niam mơ bol mê, mơ cèng bol mê rê wơl hơ tiah do.”

Jeremi 29:10 Mawu Ofanana

II Yal Yau 36:21

Nàng gơlik di ngan be jơnau Yàng Jehôwa neh kơnòm dê bơr Jeremi, jơl tus di ù geh bơtào wơl ală nam Saƀat gơ dê. Jơh ală nam neh lòi srau, ù geh prap gàr ngai Saƀat jơl tus wil tơl poh jơt sơnam.

II Yal Yau 36:22

Tòm nam sơnròp Sirus bơtau Persia dê, nàng lơh gơlik gơs di ngan be jơnau Yàng Jehôwa neh đơs bơh bơr Jeremi, Yàng Jehôwa chồl hwềng nùs Sirus bơtau Persia, gen tàng khai neh pơyoa dô jơnau yal tơlik gơnoar sồr làm jơh lơgar in lah:

Ejra 1:1

Tòm nam sơnròp rài Sirus bơtau Persia, nàng jơnau Yàng Jehôwa dê kơnòm bơh bơr Jeremi pal gơlik di ngan. Kơnràñ chồl nùs Sirus bơtau Persia, gen tàng khai tơlik dô gơnoar sồr tòm làm jơh lơgar khai dê, mơ kung cih jơnau yal tơnggit lah:

Ejra 1:2

“Do la jơnau đơs bơtau Sirus lơgar Persia dê: ‘Yàng Jehôwa la Yàng Tom Trồ ală tap trồ dê neh ai añ in jơh ală lơgar tòm plai ù, mơ Kơnràñ neh jào broă añ in nàng bơt dô nơm hìu duh khoai Kơnràñ in tòm Jerusalem lơgar Juda.

Đơs Crih 102:14

Bơh ală cau duh broă Yàng dê kòñ gơboh ală pơnai lŭ Siôn dê, Mơ nđàc sơngit di kơmbuh ù gơ.

Jeremi 25:11

Jơh lơgar do rơp gơlik gơs tiah sang lòi ngềt ngơt cù kìr, ală lơgar do rơp dòn duh bơtau Babilôn tòm poh jơt sơnam.’

Jeremi 25:12

Yàng Jehôwa đơs: ‘Tŭ poh jơt sơnam hơ̆ neh rlau, Añ rơp lơh glài bơtau Babilôn mơ làng bol khai, tài bơh tồi glài iơh bơsak bol khai dê. Añ rơp lơh glài lơgar cau Kalde mơ lơh gơlik gơs tiah sang lòi ngềt ngơt sùm sùm.

Jeremi 27:22

‘Ală phan hơ̆ rơp kòl cèng hơ lơgar Babilôn, geh lòi tềng hơ̆ jơl tus di ngai Añ wèt sền bol khai; tŭ hơ̆ Añ rơp cèng ală phan hơ̆ rê wơl, ơn wơl tòm tiah do,’ Yàng Jehôwa đơs behơ̆.”

Jeremi 27:7

Jơh ală lơgar rơp dòn duh khai, kòn khai, sau khai, jơl tus di tŭ tơngai lơgar khai di neh tus; tŭ hơ̆ oă lơgar mơ ală bơtau dờng rơp kup khai dòn duh wơl.

Jeremi 29:28

Mơ tai, să tòm khai neh pơyoa jơnau tus hơ Babilôn đơs mơ bol hi lah: Bơta kong kup gơs dĭ gam jŏ ngai; bơt tĕ hìu nàng ơm; tam tĕ suơn nàng sa plai.’”

Jeremi 29:32

gen tàng Yàng Jehôwa đơs be do: ‘Añ rơp lơh glài Semaya, cau Nehelam, mơ jơi bơtiàn khai. Bơh jơi bơtiàn khai, khai rơp ò gơs cau lơi ơm digùl làng bol do gŏ bơta niam Añ rơp lơh làng bol Añ in, bơh khai neh đơs bơta tòmdră mơ Yàng Jehôwa,’” Yàng Jehôwa đơs behơ̆.

Jeremi 30:3

Yàng Jehôwa đơs lah: ‘Ală ngai nền cê ngan rơp tus, tŭ hơ̆ Añ rơp bơtào wơl sre brê làng bol Añ jê, Israel mơ Juda, Yàng Jehôwa đơs, mơ Añ rơp cèng bol khai in rê wơl tòm lơgar mơ Añ neh ai ồng pàng bol khai in, mơ bol khai rơp geh lơgar hơ̆ lơh gơs sre brê.’”

Jeremi 33:14

Yàng Jehôwa đơs tai: ‘Ală ngai nền cê ngan rơp tus, tŭ hơ̆ Añ rơp lơh wil tơl jơnau Añ neh ho mơ hìu Israel mơ hìu Juda.

Ejekiel 11:17

Behơ̆ gen, đơs tĕ lah: ‘Yàng Jehôwa đơs be do: Añ rơp pơjum bol mê wơl bơh digùl ală làng bol, Añ rơp cèng bol mê rê wơl bơh di ală lơgar mơ bol mê neh kong nrah nring, mơ Añ rơp ai wơl bol mê in lơgar Israel.

Daniel 9:2

tòm nam sơnròp at bồ khai dê, añ, Daniel, añ kơnòm di Sră Goh, mơ git lài khà ală sơnam, jat jơnau Yàng Jehôwa neh đơs lài mơ cau gơnoar hwơr Jeremi, pal gơlik gơs di ngan bơh ƀòn dờng Jerusalem pal kong sang lòi ngềt ngơt tòm poh jơt sơnam.

Sôphôni 2:7

Tiah di gah dàlềng rơp gơrê bal mơ ală cau gam wơl hìu Juda dê; tềng hơ̆ bol khai ê mpồl belàt, tòm trồ mang bol khai rơp bic rlô tòm ală hìu Askalôn dê. Bơh Jehôwa Yàng Tom Trồ bol khai dê rơp kơlôi rcang bol khai in, Kơnràñ rơp cèng brê wơl ală cau kong pơrdô bol khai dê.

Sacari 1:12

Gen cau gơnrơh Yàng Jehôwa dê đơs lah: “Ơ Yàng Jehôwa Gơnap Gơnoar Dờng Làm Jơh! Nđò jŏ tai Kơnràñ gam ò nđàc sơngit di Jerusalem mơ ală ƀòn dờng Juda dê mơ Kơnràñ neh gơhào gơjrañ tòm poh jơt sơnam taih?”

Sacari 7:5

“Lùp tĕ jơh làng bol tòm lơgar bal mơ ală cau gơnoar ơn phan duh khoai lah: ‘Tòm tŭ bol mê ơt sa mơ ñìm rac tòm kơnhai pram kơnhai poh neh poh jơt sơnam do rau, ngan sơl la tài bơh Añ mơ bol mê ơt sa hơ̆ sơl ơ?

Rutơ 1:6

Gen Naômi mơ bàr nă ƀan khai dê sơntòm lik bơh lơgar Môap, bơh khai neh kơno lah Yàng Jehôwa neh wèt sền làng bol Kơnràñ dê mơ neh ai bol khai in phan sa.