Jeremi 28:14 - Sră Goh 2018

¹⁴ Bơh Yàng Jehôwa Gơnap Gơnoar, Yàng Tom Trồ Israel dê, đơs be do: Añ neh ơn yô mơ lòs hơđang ngko kòp lơgar do, nàng bol khai pal duh broă Nebukatnessar, bơtau Babilôn. Mơ tai, bol khai pal duh broă khai, mơ Añ neh ai ală jơi phan poan jơng tòm brê khai in sơl.’”

Jeremi 28:14 Mawu Ofanana

Jeremi 15:12

Lòs mơ kòng rgơi lơh tơmpă, lòs bơh đah đang sơl?

Jeremi 27:4

Nting bol khai yal mơ cau tòm bol khai lah: Yàng Jehôwa Gơnap Gơnoar, Yàng Tom Trồ Israel dê, đơs be do: Bol mê yal tĕ cau tòm bol mê in lah:

Jeremi 27:8

Dilah làng bol lơi hala lơgar lơi ò duh broă bơtau hơ̆, la Nebukatnessar, bơtau Babilôn, mơ ò ơn yô bơtau Babilôn dê di ngko he dê, gen Añ rơp ngui đào tà, jơgloh rung mơ bơta rung rài mơ lơh glài làng bol hơ̆, jơl tus di tŭ tê bơtau Nebukatnessar neh tơnroh jơh bol khai, Yàng Jehôwa đơs behơ̆.

Jeremi 40:4

Mơya, ngai do mê gŏ lah añ neh dong mê klàs che sreng bơh di tê mê. Dilah mê kòñ lòt bal mơ añ tus hơ Babilôn la di, gen lòt tĕ, añ rơp sền gàr mê, dilah mê ò kòñ lòt bal mơ añ tus hơ Babilôn, gen bañ lòt, do làm jơh lơgar ơm di đap mê, mê sền tiah lơi niam mơ di nàng lòt, gen lòt tĕ.”

Ñìm Rac 1:14

Tồi glài añ jê neh kơt tòm dô nơm yô, bơh tê Kơnràñ neh tàñ gơ bal mơ gơp, Bol khai kơr di ngko añ, Kơnràñ neh tò tơlik bơta pràn añ. Yàng neh jào añ tòm tê ală cau mơ añ ò rgơi tòmdră jai!

Daniel 2:38

Kơnràñ neh jào tòm tê bơtau dê jơi kòn mơnus, ală phan poan jơng tòm brê, mơ ală sềm par hơđang trồ. Bulah bol gơ ơm tiah lơi, Kơnràñ kung neh ai bơtau in at bồ jơh, behơ̆ bơtau la bồ mơ màh.

Sră Ôse 10:11

Epraim la kung be dô nơm kơnrồ dra jak dòn bơr, kòñ pơrjòt kòi; mơ Añ rơp rcang lòi ngko lơmă gơ dê. Mơya Añ rơp ơn ngal Epraim dê; Juda pal lơòr ù, mơ Jakôp pal pŏ ù.

Yal Wơl 28:48

gen tàng tòm ngai jơgloh mơ tơhìr, ơm kuh mơ dồn sa rƀah, bol mê rơp duh broă ală cau sò tơm mơ Yàng Jehôwa neh sồr tus tòmdră mơ bol mê. Kơnràñ rơp ơn dô nơm yô mơ lòs di ngko bol mê dê jơl tus di tŭ Kơnràñ neh tơnroh bol mê.

Yal Wơl 4:20

Mơya đah pơnah mơ bol mê gen Yàng Jehôwa neh tă tơlik bol mê bơh di bơnhă ồs gơm lề lòs, lik bơh di Ejiptơ nàng gơs dô nơm làng bol gơrê is mơ Kơnràñ kung be neh gơs tòm ngai do.