Jeremi 27:9 - Sră Goh 2018

⁹ Behơ̆ gen, bañ iat ală cau gơnoar hwơr, cau sền dà, yal gơtha mpau, cau sền sơmañ, cau juh proh bol mê dê, la ală cau đơs mơ bol mê lah: Bol mê rơp ò dòn duh bơtau Babilôn ò.

Jeremi 27:9 Mawu Ofanana

Lik Ejiptơ 22:18

Bañ lòi kis cau ùr gơs gru bơjơu.

Lik Ejiptơ 7:11

Gen Pharaôn sồr hòi ală cau jak chài, ală cau gru bơjơu, mơ ală cau juh proh Ejiptơ dê; bol khai kung lơh tòm toh behơ̆ kơnòm di ală bơta chài rgơi ndơp ndơr bol khai dê.

Jơnau Pơnđik 19:27

Ơ kòn bañ lòt tìs nrah ngài mơ ală jơnau jak chài nàng kòn geh kơno bơta bơto sồr.

Esai 8:19

Tŭ do, dilah gơs cau đơs mơ mê lah: “Lòt tĕ lùp ală cau sền dà mơ cau gru cau bơjơu, la ală cau đơs òm mơ đơs chều,” gen pal ho lah: “Dô nơm làng bol ò di pal hòi lùp ală yàng bol khai dê, cau chơt ai sơnđan cau gam kis,

Jeremi 14:14

Yàng Jehôwa đơs tai mơ añ lah: “Ală cau gơnoar hwơr ai sơnđan Añ mơ đơs hwơr blac, Añ ò tŭ lơi sồr bol khai, hala òhềt ai gơnoar sồr mơ òhềt đơs mơ bol khai. Bol khai đơs hwơr bol mê in bơh dô bơta gơtơnggŏ ma blac, bơta juh proh roh lơm, mơ bơta blac pơrlồm bơh nùs is bol khai dê!”

Jeremi 23:16

Yàng Jehôwa Gơnap Gơnoar dờng đơs be do: “Bañ iat ală jơnau ală cau gơnoar hwơr hơ̆ đơs hwơr mơ bol mê. Bol khai bơto bol mê in ală bơta gơn kơnòm ò kwơ, Mơ đơs bơta gơtơnggŏ bơh nùs is bol khai dê, ò di bơh bơr Yàng Jehôwa.

Jeremi 23:25

Añ neh kơno bơta ală cau gơnoar hwơr do đơs, bol khai ai sơnđan Añ mơ đơs hwơr ma blac lah: ‘Añ neh mpau; ngan añ neh mpau!’

Jeremi 23:32

Yàng Jehôwa đơs: “Do, Añ tòmdră mơ ală cau ai bơta mpau ma blac mơ đơs hwơr Yàng Jehôwa đơs, ală cau sồr bol khai mơ ală cau tề lam làng bol Añ lòt tìs gùng bơh bơta pơrlồm mơ đơs jòng să bol khai dê; bơh Añ ò sồr mơ ò bơtào bol khai; behơ̆ bol khai ò lơh kwơ dô êt lơi làng bol do in.” Yàng Jehôwa đơs behơ̆.

Jeremi 29:8

Yàng Jehôwa Gơnap Gơnoar, Yàng Tom Trồ Israel dê, đơs be do: “Bañ lòi ală cau gơnoar hwơr ma blac ơm digùl bol mê mơ ală cau sền dà pơrlồm bol mê; kung bañ iat ală bơta yal blac bơh mpau bol khai neh gŏ.

Ejekiel 21:29

Bulah gơs ală bơta gơtơnggŏ ma blac bơh broă bol mê, mơ bơta sền dà đơs blac bơh bol mê, gơ rơp ơn di ngko ală cau iơh bơsak rơp kong sreh chơt, ngai bol khai neh tus, tŭ tơngai lơh glài neh di rau.

Daniel 4:7

Tòm tŭ ală cau jak chài Babilôn dê, ală cau gru bơjơu, ală cau sền sơmañ mơ ală cau sền dà lòt tus hơ añ, añ yal bơta mpau bol khai in, mơya bol khai ò rgơi yal tơlik jơnau gơtha gơ dê añ in.

Mice 3:7

Ală cau sền dà rơp ƀàssìl, mơ ală cau juh proh rơp kong sền òsơp. Jơh tơl nă bol khai rơp jơm lơmpiat bol khai dê, tài bơh ò gơs jơnau ho wơl bơh di Yàng Tom Trồ.

Sacari 10:2

Tài bơh ală rùp ràk đơs bơta blac pơrlồm. Ală cau sền dà gŏ bơta gơtơnggŏ ma blac; bol khai yal bơta mpau ò song, mơ ai bơta pơndòm pơniang ò kwơ. Behơ̆ tàng làng bol nrah nring kung be belàt, kong rồn bơklơn tài bơh ò gơs cau ê.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Broă 8:11

Bol hơ̆ iat jơnau khai, bơh neh jŏ rau khai lơh bol hơ̆ in ai lơh crih crài bơh bơta juh proh khai dê.

Ephesô 5:6

Bañ lòi cau lơi ai jơnau roh lơm mơ pơrlồm oh mi, tài bơh ală bơta hơ̆ mơ bơta gơjrañ dờng Yàng Tom Trồ dê dùh hơđang ală cau ò dòn bơr Yàng.

Yal Wơl 13:2

mơ dilah tềl is hala bơta krơi mơ khai neh đơs gơlik gơs di ngan, mơ khai đơs lah: “Bol he lòt tĕ jat ală yàng ndai” (la ală yàng mơ bol mê ò git), “mơ bol he duh khoai tĕ bol gơ,”

Yal Wơl 18:14

Ală làng bol mơ bol mê rơp ting bơtrơh la ală làng bol dòn jat ală cau gru bơjơu hala cau sền dà. Mơya đah mơ bol mê, Jehôwa Yàng Tom Trồ bol mê dê ò ai gơnoar bol mê in lơh jat behơ̆.

Jôsue 13:22

Bal mơ ală cau neh kòl làng bol Israel tơnchơt tòm tŭ tòmlơh, gơs Balaam, kòn klau Beô, khai la cau juh proh.

Yal Tơlik 18:23

Bơta àng ồs đèng ò gơs tŭ lơi pơnđàng sòl tai di tiah ai dê; tềng hơ̆ ò gơs tŭ lơi kơno tai jơnau đơs cau bơrtơu mơ ƀan dê. Bơh ală cau neh kă bro di tiah ai dê la ală cau dờng ryŭ tòm ù; jơh ală làng bol neh kòl pơrlồm tài bơh bơta juh proh pơlìn ai dê.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.

Yal Tơlik 9:21

Bol khai kung ò gơjrañ sang glài bơh ală glài bol khai dê la tơnchơt cau, juh proh pơlìn, rềs àr bơrnàn, mơ ntung kơñau.