Jeremi 27:7 - Sră Goh 2018

⁷ Jơh ală lơgar rơp dòn duh khai, kòn khai, sau khai, jơl tus di tŭ tơngai lơgar khai di neh tus; tŭ hơ̆ oă lơgar mơ ală bơtau dờng rơp kup khai dòn duh wơl.

Jeremi 27:7 Mawu Ofanana

Đơs Crih 37:13

Mơya Yàng Jehôwa dơñŏ di cau iơh bơsak, Bơh Kơnràñ gŏ ngai lơh glài khai mòr tus.

Esai 13:1

Do la jơnau đơs hwơr bơh Babilôn mơ Esai, kòn klau Amôs, neh gŏ:

Esai 21:9

Sền ne, gơs cau ling hào ơseh tus, cau hào ơseh mơ yô mơ yô! Khai ho lah: ‘Babilôn neh tơrlơm rau, neh tơrlơm rau! Jơh ală rùp ràk yàng gơ dê, bic bơcah lề hơđang ù tiah!’”

Jeremi 27:22

‘Ală phan hơ̆ rơp kòl cèng hơ lơgar Babilôn, geh lòi tềng hơ̆ jơl tus di ngai Añ wèt sền bol khai; tŭ hơ̆ Añ rơp cèng ală phan hơ̆ rê wơl, ơn wơl tòm tiah do,’ Yàng Jehôwa đơs behơ̆.”

Jeremi 34:1

Gơs jơnau bơh Yàng Jehôwa đơs mơ Jeremi, tòm tŭ Nebukatnessar, bơtau Babilôn, bal mơ jơh mpồl ling khai dê, ală lơgar tòm dunnia, mơ ală làng bol ơm hơđơm gơnoar khai dê, gam tòmlơh tòmdră mơ ƀòn dờng Jerusalem mơ ală ƀòn dờng ndai gơrê bal mơ gơ.

Jeremi 44:30

Yàng Jehôwa đơs be do: ‘Do, Añ rơp phi Pharaôn Hôpra bơtau Ejiptơ, tòm tê cau sò tơm khai mơ cau jòi bơta kis khai, kung be Añ neh phi Jedekia bơtau Juda, tòm tê Nebukatnessar bơtau Babilôn, la cau sò tơm mơ jòi bơta kis khai.’”

Jeremi 46:13

Do la jơnau Yàng Jehôwa đơs mơ cau gơnoar hwơr Jeremi, bơh bơta Nebukatnessar, bơtau Babilôn, rơp tus lơh lơgar Ejiptơ:

Jeremi 52:31

Nam dơ̆ pe jơt poh, tơnơ̆ mơ tŭ bơtau Juda la Jehôyakin kòl kup, hơ̆ la nam dơ̆ sơnròp bơtau Babilôn la Ebinmerôdak pa nggui hơđang sơbàn, ngai bàr jơt pram kơnhai jơt bàr, bơtau do ai bơta nđàc Jehôyakin bơtau Juda in, mơ cèng tơlik bơh hìu jàm;

Ejekiel 30:24

Añ rơp bơtơl pràn ală tơwòr tê bơtau Babilôn dê mơ ơn đào Añ jê tòm tê khai; mơya Añ rơp dơrpă ală tơwòr tê Pharaôn dê, khai rơp ñìm rơnđơh di đap bơtau ne, kung be dô nă cau kong sồt mòr chơt behơ̆ sơl.

Daniel 2:37

Ơ bơtau, bơtau la bơtau ală bơtau dê, bơh Yàng Tom Trồ ơm hơđang trồ neh ai bơtau in lơgar, gơnoar at bồ, gơnoar pràn mơ bơta gơklŏ.

Daniel 4:22

Ơ bơtau, tòm chi hơ̆ la să tòm bơtau, bơtau neh gơlik dờng mơ pràn kơldang; bơta dờng ryŭ bơtau dê gơtơngguh tus hơ trồ, mơ gơnoar at bồ bơtau dê gơ lòt tus di lồi dut nhàr ù tiah dê.

Habakuk 2:7

Ală cau tòm dồs mê dê rơp ò guh nisơna, Bol khai rơp ò kah rngal mơ lơh mê in rơm să ơ? Gen mê rơp gơlik gơs ală phan tòmpìt geh bol khai in.

Habakuk 2:8

Tài bơh mê neh phà tòmpìt oă lơgar, ală làng bol gam kis rơp phà tòmpìt mê. Bơh mê neh lơh gơhòr mhàm cau; mê neh lơh jàñ bơsak mơ ală lơgar, ală ƀòn dờng mơ jơh tơl nă cau ơm tòm hơ̆.

Yal Tơlik 14:8

Cau gơnrơh dơ̆ bàr lòt jat mơ đơs lah: “Babilôn dờng ne neh tơrlah rau, tơrlah rau, gơ neh lơh jơh ală làng bol in ñô tơrnòm bơta rềs àr bơrnàn gơ dê.”

Yal Tơlik 16:19

Ƀòn dờng tơrlah gơlik gơs pe pơnah, mơ ală ƀòn ală làng bol dê tơrlah tơrling jơh, mơ Yàng Tom Trồ kah wơl Babilôn dờng gen ai gơ in ñô mơngàn bơta gơjrañ dờng gơhào khuh ngan Kơnràñ dê.