Jeremi 27:6 - Sră Goh 2018

⁶ Tŭ do, Añ neh phi ală lơgar do tòm tê Nebukatnessar, bơtau Babilôn dĭ gơna Añ; Añ kung ai ală phan poan jơng tòm brê nàng dong broă khai sơl.

Jeremi 27:6 Mawu Ofanana

II Ală Bơtau 25:28

Khai đơs jơnau lơbơn niam mơ Jehôyakin, mơ ơn sơbàn khai gơs gơnoar rlau mơ ală cau bơtau bal mơ khai tòm Babilôn.

II Yal Yau 36:23

“Sirus bơtau Persia đơs be do: ‘Yàng Jehôwa la Yàng Tom Trồ hơđang trồ, neh ai añ in jơh ală lơgar tòm plai ù mơ Kơnràñ neh pồ bơtào añ nàng bơt bơtào dô nơm hìu duh khoai Kơnràñ in tòm Jerusalem tòm Juda. Cau lơi digùl bol mê la làng bol Kơnràñ dê, gen guh tĕ hơ Jerusalem, mơ dan Jehôwa Yàng Tom Trồ khai dê ơm bal mơ khai!’”

Esai 44:28

đơs bơh Sirus lah: ‘Khai la cau ê belàt Añ jê; mơ rơp lơh gơlik gơs jơh ală bơta Añ niam nùs;’ Kơnràñ rơp đơs bơh Jerusalem lah: ‘Lòi gơ rơp geh bơt bơtào wơl,’ mơ đơs bơh hìu duh khoai lah: ‘Mơnàng mê dê rơp geh bơt.’”

Jeremi 21:7

Yàng Jehôwa đơs: ‘Tơnơ̆ mơ hơ̆, Añ rơp jào Jedekia, bơtau Juda, dĭ gơna mơ làng bol khai dê, hơ̆ la ală cau gam wơl tòm ƀòn dờng, neh klàs bơh pluh plàng, pềs tà, jơgloh rung, Añ rơp phi bol khai tòm tê Nebukatnessar, bơtau Babilôn, tòm tê ală cau sò tơm bol khai dê mơ ală cau kòñ jòi bơta kis bol khai dê. Nebukatnessar rơp tơnchơt bol khai mơ đào, ò pơlai, ò kòñ nđàc, ò git nđàc sơngit.’

Jeremi 22:25

Añ rơp jào mê tòm tê ală cau kòñ jòi bơta kis mê, tòm tê ală cau mơ mê rngòt, hơ̆ la tòm tê Nebukatnessar, bơtau Babilôn, mơ tòm tê cau Kalde.

Jeremi 24:1

Yàng Jehôwa yal tơnggit añ in, ne, gơs bàr nơm bài plai chi ƀal ơn di đap hìu duh khoai Yàng Jehôwa. Hơ̆ la tơnơ̆ mơ tŭ Nebukatnessar, bơtau Babilôn, neh kup Jekônia, kòn klau Jehôyakim, bơtau Juda, ală cau kwang at bồ Juda, ală cau chài lơh ală broă mơ ală cau chài tiar lòs bơh ƀòn dờng Jerusalem cèng hơ Babilôn.

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 28:14

Bơh Yàng Jehôwa Gơnap Gơnoar, Yàng Tom Trồ Israel dê, đơs be do: Añ neh ơn yô mơ lòs hơđang ngko kòp lơgar do, nàng bol khai pal duh broă Nebukatnessar, bơtau Babilôn. Mơ tai, bol khai pal duh broă khai, mơ Añ neh ai ală jơi phan poan jơng tòm brê khai in sơl.’”

Jeremi 43:10

Mê pal yal tĕ bol khai in lah: Yàng Jehôwa Gơnap Gơnoar, Yàng Tom Trồ Israel dê, đơs be do: ‘Añ rơp sồr mơ cèng dĭ gơna Añ la Nebukatnessar bơtau Babilôn, mơ khai rơp ơn sơbàn bơtau khai dê hơđang ală lŭ do mơ Añ pa pồn; bơtau hơ̆ rơp cang ală kơrnìng hơđang.

Jeremi 49:30

Yàng Jehôwa đơs: “Ơ làng bol Hajor, dô mhar tĕ! Pleh ngài tĕ! Pồn tĕ să tòm ală tiah jrô, Bơh Nebukatnessar, bơtau Babilôn, Neh rơndap broă tòmdră mơ bol mê, Lơh nền lơh iơh di bol mê.”

Ejekiel 29:12

Añ rơp lơh lơgar Ejiptơ gơlik gơs dô nơm lơgar srau gòi ơm digùl ală lơgar srau gòi, mơ ală ƀòn dờng gơ dê rơp ơm srau gòi tòm poan jơt sơnam digùl ală ƀòn dờng tơrlah tơrling. Añ rơp lơh nrah nring cau Ejiptơ tòm ală làng bol, mơ rsìh bol khai tòm ală lơgar.

Ejekiel 30:24

Añ rơp bơtơl pràn ală tơwòr tê bơtau Babilôn dê mơ ơn đào Añ jê tòm tê khai; mơya Añ rơp dơrpă ală tơwòr tê Pharaôn dê, khai rơp ñìm rơnđơh di đap bơtau ne, kung be dô nă cau kong sồt mòr chơt behơ̆ sơl.

Daniel 4:12

Nha gơ hàng mơnĕ, plai gơ li la oă ngan, gơs tơl ală jơi in sa; ală jơi phan poan jơng tòm ƀlàng kìng crŭ tòm tiah mƀur gơ; ală sềm lơh rsòn di ntê gơ, jơh ală jơi gơs bơta kis kơnòm di gơ nàng geh ròng siam.

Daniel 4:22

Ơ bơtau, tòm chi hơ̆ la să tòm bơtau, bơtau neh gơlik dờng mơ pràn kơldang; bơta dờng ryŭ bơtau dê gơtơngguh tus hơ trồ, mơ gơnoar at bồ bơtau dê gơ lòt tus di lồi dut nhàr ù tiah dê.