Jeremi 27:22 - Sră Goh 2018

²² ‘Ală phan hơ̆ rơp kòl cèng hơ lơgar Babilôn, geh lòi tềng hơ̆ jơl tus di ngai Añ wèt sền bol khai; tŭ hơ̆ Añ rơp cèng ală phan hơ̆ rê wơl, ơn wơl tòm tiah do,’ Yàng Jehôwa đơs behơ̆.”

Jeremi 27:22 Mawu Ofanana

II Ală Bơtau 25:13

Mpồl ling Kalde pòng bơcah jơh ală jrong kòng, mpàn kòng, mơ tơnau ơn dà mơ kòng tòm hìu duh khoai Yàng Jehôwa dê, mơ cèng kòng hơ̆ hơ Babilôn.

II Yal Yau 36:21

Nàng gơlik di ngan be jơnau Yàng Jehôwa neh kơnòm dê bơr Jeremi, jơl tus di ù geh bơtào wơl ală nam Saƀat gơ dê. Jơh ală nam neh lòi srau, ù geh prap gàr ngai Saƀat jơl tus wil tơl poh jơt sơnam.

Ejra 1:11

Tơrgòm ală phan ngui mơ màh mơ priă la pram rbô poan rhiang nơm. Sesbajar cèng bal jơh ală phan do bơh Babilôn, tòm tŭ ală cau neh kong kup rê wơl tus hơ Jerusalem.

Ejra 7:19

Ală phan ngui neh jào mê in tòm bơta duh broă hìu Yàng Tom Trồ mê dê, mê pal jào di đap Yàng Tom Trồ tòm Jerusalem.

Ejra 7:9

Tòm ngai dùl kơnhai dùl, bơta lòt gùng bơh Babilôn neh sơntòm, mơ tòm ngai dùl kơnhai pram khai neh tus hơ Jerusalem, bơh tê kòñ nđàc Yàng Tom Trồ dê neh ơm hơđang khai.

Jơnau Pơnđik 21:30

Ò gơs bơta jak chài, bơta git jak, hala kai gơrmơ̆i, mơ rgơi tòmdră jai mơ Yàng Jehôwa.

Jeremi 20:5

Añ kung phi jơh ală bơta pas sơm ƀòn dờng do, bal mơ ală cồng nha neh lơh gơlik gơs, jơh ală phan màng gơrê mơ ƀòn dờng; ngan Añ rơp phi ală phan màng ală bơtau Juda tòm tê ală cau sò tơm bol khai dê, bol khai rơp ai kung be phan phà kup mơ cèng hơ Babilôn.

Jeremi 27:21

ngan, Yàng Jehôwa Gơnap Gơnoar, Yàng Tom Trồ Israel dê, đơs be do bơh ală phan ngui gam wơl tòm hìu Yàng Jehôwa, tòm gơlang bơtau Juda mơ tòm Jerusalem:

Jeremi 27:7

Jơh ală lơgar rơp dòn duh khai, kòn khai, sau khai, jơl tus di tŭ tơngai lơgar khai di neh tus; tŭ hơ̆ oă lơgar mơ ală bơtau dờng rơp kup khai dòn duh wơl.

Jeremi 29:10

Mơ tai, Yàng Jehôwa đơs be do: “Tŭ poh jơt sơnam neh tơl Babilôn in, Añ rơp lòt còp bol mê, rơp lơh wil tơl jơnau ho pơgon niam mơ bol mê, mơ cèng bol mê rê wơl hơ tiah do.”

Jeremi 32:5

Bơtau hơ̆ rơp cèng Jedekia tus hơ Babilôn, khai rơp ơm tềng hơ̆ jơl tus di tŭ Añ lơh gơlik gơs ală bơta gơwèt hơ khai, dilah bol mê tòmlơh mơ cau Babilôn, bol mê rơp ò geh cồng nha.’ Yàng Jehôwa đơs behơ̆.”

Jeremi 34:2

Jehôwa Yàng Tom Trồ Israel dê, đơs be do: “Lòt yal tĕ mơ Jedekia, bơtau Juda lah: Yàng Jehôwa đơs lah: ‘Do, Añ rơp phi ƀòn do tòm tê bơtau Babilôn, khai rơp ai ồs chu gơ.

Jeremi 34:3

Să tòm mê rơp ò klàs bơh tê khai; mơ ngan rơp kong kup, mơ kòl jào tòm tê khai. Mê rơp sền gŏ bơtau Babilôn; mat tòm mat, mơ mê rơp lòt tus hơ lơgar Babilôn.’

Jeremi 34:5

Mê rơp chơt tòm lơngap lơngai. Cau rơp chu sơnơm ƀô bơlhu mê in be neh chu ồng pàng mê in, hơ̆ la ală bơtau lài mơ mê, mơ rơp ñìm ƀồc mê in. Să tòm Añ neh đơs jơnau do, Yàng Jehôwa đơs behơ̆.’”

Daniel 5:23

Gơsơlơ̆u wơl, bơtau neh pơnhừ să tòmdră mơ Yàng hơđang trồ, mơ sồr cèng di đap bơtau ală phan ngui tòm hìu duh khoai Kơnràñ dê mơ ngui nàng ñô tơrnòm bal mơ ală cau kwang dờng, ală bau ùr mơ ală bau cồng bơtau dê. Bơtau kung neh jòng ro ală yàng mơ priă, mơ màh, mơ kòng, mơ lòs, mơ chi, mơ lŭ, la ală yàng ò gŏ, ò kơno, mơ ò git wă bơta lơi. Bơtau ò jòng ro Yàng Tom Trồ la Bơtau at tòm tê Kơnràñ dê nhơm tă mơ jơh ală gùng dà bơtau dê.

Daniel 9:2

tòm nam sơnròp at bồ khai dê, añ, Daniel, añ kơnòm di Sră Goh, mơ git lài khà ală sơnam, jat jơnau Yàng Jehôwa neh đơs lài mơ cau gơnoar hwơr Jeremi, pal gơlik gơs di ngan bơh ƀòn dờng Jerusalem pal kong sang lòi ngềt ngơt tòm poh jơt sơnam.