Jeremi 27:21 - Sră Goh 2018

²¹ ngan, Yàng Jehôwa Gơnap Gơnoar, Yàng Tom Trồ Israel dê, đơs be do bơh ală phan ngui gam wơl tòm hìu Yàng Jehôwa, tòm gơlang bơtau Juda mơ tòm Jerusalem:

Jeremi 27:21 Mawu Ofanana

II Ală Bơtau 20:17

‘Ală ngai rơp tus, tòm tŭ ală phan ơm tòm gơlang bơtau, ală phan mơ ồng pàng bơtau dê neh prap lòi tòm đam jàr jơl tus di ngai do, gen rơp kong cèng tus hơ Babilôn, rơp ò gơs phan lơi gam wơl.

II Yal Yau 36:18

Jơh ală phan ngui tòm hìu duh khoai Yàng Tom Trồ dê, dờng mơ dềt, mơ ală phan màng tòm hìu duh khoai Yàng Jehôwa dê mơ ală phan màng cau bơtau dê mơ ală cau kwang duh broă khai dê, cèng jơh ală phan hơ̆ hơ Babilôn.

Ejra 1:11

Tơrgòm ală phan ngui mơ màh mơ priă la pram rbô poan rhiang nơm. Sesbajar cèng bal jơh ală phan do bơh Babilôn, tòm tŭ ală cau neh kong kup rê wơl tus hơ Jerusalem.

Ejra 1:7

Să tòm bơtau Sirus kung cèng tơlik ală phan ngui bơh di hìu duh khoai Yàng Jehôwa dê mơ Nebukatnessar neh tă cèng bơh Jerusalem mơ ơn tòm hìu duh khoai ală yàng khai dê.

Esai 39:6

‘Ală ngai rơp tus, tòm tŭ jơh ală phan tòm gơlang bơtau dê mơ jơh ală phan mơ ồng pàng bơtau dê neh prap lòi jơl tus di ngai do rơp cèng pơrdô jơh hơ Babilôn; ò gam dô nơm phan lơi!’ Yàng Jehôwa đơs behơ̆.

Jeremi 20:5

Añ kung phi jơh ală bơta pas sơm ƀòn dờng do, bal mơ ală cồng nha neh lơh gơlik gơs, jơh ală phan màng gơrê mơ ƀòn dờng; ngan Añ rơp phi ală phan màng ală bơtau Juda tòm tê ală cau sò tơm bol khai dê, bol khai rơp ai kung be phan phà kup mơ cèng hơ Babilôn.

Jeremi 27:20

ală phan mơ Nebukatnessar, bơtau Babilôn òhềt cèng, tŭ khai kup Jekônia kòn klau Jehôyakim bơtau Juda, bal mơ ală cau màng ryŭ tòm lơgar Juda bal mơ Jerusalem nàng cèng hơ lơgar Babilôn gơs dĭ sơl;

Jeremi 27:22

‘Ală phan hơ̆ rơp kòl cèng hơ lơgar Babilôn, geh lòi tềng hơ̆ jơl tus di ngai Añ wèt sền bol khai; tŭ hơ̆ Añ rơp cèng ală phan hơ̆ rê wơl, ơn wơl tòm tiah do,’ Yàng Jehôwa đơs behơ̆.”

Ñìm Rac 1:10

Cau sò tơm neh pò tê bol khai dê hơđang ală phan kas màng khai dê; tian gơs khai neh gŏ ală làng bol phà tơnroh tiah sàng goh khai dê. La làng bol Kơnràñ neh bơkơ̆u ò geh mut tòm mpồl jơnum Kơnràñ dê.