Jeremi 27:20 - Sră Goh 2018

²⁰ ală phan mơ Nebukatnessar, bơtau Babilôn òhềt cèng, tŭ khai kup Jekônia kòn klau Jehôyakim bơtau Juda, bal mơ ală cau màng ryŭ tòm lơgar Juda bal mơ Jerusalem nàng cèng hơ lơgar Babilôn gơs dĭ sơl;

Jeremi 27:20 Mawu Ofanana

II Ală Bơtau 24:12

Gen Jehôyakin, bơtau Juda, jào să tòm khai bơtau Babilôn in, bal mơ mè khai, ală dĭ gơna khai, ală kwang at bồ ling, mơ ală kwang kơndời khai dê. Bơtau Babilôn kup khai cèng jàm tòm nam dơ̆ phàm rài Bơtau Babilôn at bồ.

II Yal Yau 36:10

Tòm kơnhai bơkào chi che bơtau Nebukatnessar sồr cau kup khai cèng tus hơ Babilôn, bal mơ ală phan ngui kas màng bơh di hìu duh khoai Yàng Jehôwa dê, mơ bơtào wa khai la Jedekia gơs bơtau at bồ hơđang Juda mơ Jerusalem.

II Yal Yau 36:18

Jơh ală phan ngui tòm hìu duh khoai Yàng Tom Trồ dê, dờng mơ dềt, mơ ală phan màng tòm hìu duh khoai Yàng Jehôwa dê mơ ală phan màng cau bơtau dê mơ ală cau kwang duh broă khai dê, cèng jơh ală phan hơ̆ hơ Babilôn.

Esai 34:12

Cau rơp sơnđan tiah hơ̆ la Ò Gơs Lơgar Bơtau Tềng Hơ̆, mơ jơh ală cau kwang at bồ bol khai dê rơp ò kwơ.

Jeremi 22:28

Behơ̆ Jekônia do ngan la dô nơm gri bơcah mơ kong sền òsơp sơl? Dô nơm gri ò gơs cau lơi kòñ ơ? Ñchi bơh tài khai mơ kòn sau khai kong sang tơlik, Kong sang ngài tus tòm dô nơm lơgar bol khai òhềt tŭ lơi git taih?

Jeremi 24:1

Yàng Jehôwa yal tơnggit añ in, ne, gơs bàr nơm bài plai chi ƀal ơn di đap hìu duh khoai Yàng Jehôwa. Hơ̆ la tơnơ̆ mơ tŭ Nebukatnessar, bơtau Babilôn, neh kup Jekônia, kòn klau Jehôyakim, bơtau Juda, ală cau kwang at bồ Juda, ală cau chài lơh ală broă mơ ală cau chài tiar lòs bơh ƀòn dờng Jerusalem cèng hơ Babilôn.

Jeremi 27:21

ngan, Yàng Jehôwa Gơnap Gơnoar, Yàng Tom Trồ Israel dê, đơs be do bơh ală phan ngui gam wơl tòm hìu Yàng Jehôwa, tòm gơlang bơtau Juda mơ tòm Jerusalem:

Jeremi 29:2

tơnơ̆ mơ tŭ Jekônia, mè cau bơtau, kwang kơndời, ală kwang dờng at bồ Juda mơ Jerusalem dê, cau chài lơh broă mơ cau chài tiar neh lik lòt ngài bơh Jerusalem rau.

Jeremi 35:1

Tòm rài Jehôyakim, kòn klau Jôsia, bơtau Juda, gơs jơnau bơh Yàng Jehôwa đơs mơ Jeremi lah:

Daniel 1:2

Yàng Jehôwa jào Jehôyakim bơtau Juda tòm tê Nebukatnessar bal mơ dô pơnah ală phan ngui tòm hìu duh khoai Yàng Tom Trồ dê. Bơtau Babilôn sồr cèng ală phan ngui hơ̆ tus tòm tiah Sinar, mơ prap tòm đam jàr hìu duh khoai ală yàng khai dê.

Mathiơ 1:11

Jôsia tơnggơs Jekônia mơ ală oh mi khai, di tŭ gơtìp cau cèng hơ Babilôn.

Mathiơ 1:12

Dơ̆ neh gơtìp cau cèng hơ Babilôn rau, gen Jekônia tơnggơs Salathiel, Salathiel tơnggơs Jerubabel,

Mathiơ 1:17

Behơ̆, bơh Abraham tus dê Dabit jơh ală la jơt poan rài, bơh Dabit tus dê tŭ gơtìp cau cèng hơ Babilôn la jơt poan rài, mơ bơh dê tŭ gơtìp cau cèng hơ Babilôn tus dê Bơtau Krist la jơt poan rài sơl.