Jeremi 26:5 - Sră Goh 2018

⁵ Ò iat jơnau ală dĭ gơna Añ jê, la ală cau gơnoar hwơr Añ sồr tus mơ bol mê jal ngan, mơya bol mê ò bài iat bol khai,

Jeremi 26:5 Mawu Ofanana

II Ală Bơtau 17:13

Bulah Yàng Jehôwa yal tơnggit Israel mơ Juda in, bơh di ală cau gơnoar hwơr mơ ală cau git lài, lah: “Pơrlac tĕ bơh di ală gùng iơh bơsak bol mê dê, kơrmap gàr tĕ bơta sồr lam mơ bơta boh lam Añ jê, jat be jơh ală bơta boh lam Añ neh nting sồr ală ồng pàng bol mê dê, mơ Añ neh sồr bol mê bơh ală dĭ gơna Añ jê la ală cau gơnoar hwơr.”

II Ală Bơtau 17:23

jơl tus di tŭ Yàng Jehôwa neh bơtrơh tơlik bol khai bơh di đap Kơnràñ, tòm toh be Kơnràñ neh yal lài bơh ală cau gơnoar hwơr dĭ gơna Kơnràñ dê. Behơ̆, Israel kong cèng pơrdô ngài bơh lơgar, ơm dĭ tòm lơgar Asiri jơl tus di ngai do.

II Ală Bơtau 24:2

Yàng Jehôwa chồl ală mpồl ling Kalde, ling Aram, ling Môap, mơ ling Ammôn dê tus tòmlơh mơ tơnroh Juda, jat be jơnau Yàng Jehôwa neh đơs bơh di ală cau gơnoar hwơr, la dĭ gơna Kơnràñ dê.

II Ală Bơtau 9:7

Mê rơp tơnchơt hìu Ahap, cau tòm mê; mơ Añ rơp sal tê hơđang Jesebel bơh mhàm ală cau gơnoar hwơr dê, dĭ gơna Añ, bal mơ mhàm jơh ală dĭ gơna Yàng Jehôwa dê.

Ejra 9:11

mơ Kơnràñ neh kơnòm di ală cau duh broă Kơnràñ dê la ală cau gơnoar hwơr mơ đơs lah: ‘Lơgar mơ bol mê rơp mut nàng dòp leng la dô nơm lơgar neh gơlik ƀơ̆ ƀơl bơh bơta tồi glài ală làng bol gơ dê. Bơh ală broă lơh cù kìr bol khai dê, bol khai neh lơh lơgar in bềng lìu bơta ƀơ̆ ƀơl bol khai dê bơh đah do tus hơ đah ne.

Jeremi 11:7

Añ neh kràñ cê bơto tơngkah ồng pàng bol mê, tòm tŭ Añ cèng bol khai lik bơh lơgar Ejiptơ jơl tus ngai do. Añ neh kơ̆ nùs bơto tơngkah bol khai lah: ‘Lơh jat tĕ jơnau Añ!’

Jeremi 29:19

Yàng Jehôwa đơs: “Hơ̆ la tài bơh bol khai ò iat jơnau Añ, tŭ Añ neh kong ơt mơ sồr dĭ gơna Añ, la ală cau gơnoar hwơr, ai jơnau hơ̆ lòt tus mơ bol khai; mơya bol mê ò bài iat,” Yàng Jehôwa đơs behơ̆.

Jeremi 32:33

Bol khai ò wèt mat mơ Añ, mơya wèt ngkòi. Bulah Añ neh bơto sồr bol khai, guh gòñ mơ bơto tơngkah, mơya bol khai ò bài iat, ò dòp bơta bơto sồr.

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Jeremi 35:17

Gen tàng, Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Do, Añ rơp dùh hơđang Juda mơ jơh làng bol Jerusalem in ală bơta rung rài mơ Añ neh yal lài tòmdră mơ bol khai; bơh Añ đơs mơ bol khai ò bài iat, Añ hòi mơ bol khai ò ho wơl.’”

Jeremi 44:4

Ngan, Añ neh ơt ơl sồr ală dĭ gơna Añ la ală cau gơnoar hwơr, lòt tus mơ bol mê mơ đơs lah: ‘Bañ lơh bơta cù kìr mơ Añ gơjrañ hơ̆.’

Jeremi 7:13

Yàng Jehôwa đơs: ‘Mơ tŭ do, bơh bol mê neh lơh ală broă hơ̆, Añ neh guh gòñ bơh àng drim bơto sồr bol mê, mơya bol mê ò iat; mơ tòm tŭ Añ hòi bol mê, mơya bol mê ò ho wơl,

Jeremi 7:25

Bơh ngai ồng pàng bol mê dê lik bơh lơgar Ejiptơ jơl tus di ngai do, Añ neh kong sồr ală cau duh broă Añ jê la ală cau gơnoar hwơr, lòt tus mơ bol khai; kòp ngai Añ guh gòñ sồr bol khai tus.

Ejekiel 38:17

“Jehôwa Yàng Tom Trồ đơs be do: ‘Mê ò di la cau mơ Añ neh đơs tòm ală ngai lài òr kơnòm di cau duh broă Añ jê la ală cau gơnoar hwơr Israel dê, la ală cau tòm tŭ hơ̆ neh đơs hwơr tòm jŏ nam lah Añ rơp cèng mê tus tòmdră mơ bol khai ơ?

Amôs 3:7

Ngan Jehôwa Yàng Tom Trồ ò lơh dô bơta lơi mơ ò yal tơlik bơta ndơp ndơr Kơnràñ dê mơ ală cau duh broă Kơnràñ in la ală cau gơnoar hwơr.

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”

Yal Tơlik 10:7

mơya tus di ală ngai cau gơnrơh dơ̆ poh rơp uh kơlwòk, gen bơta ndơp ndơr Yàng Tom Trồ dê pal gơlik di ngan, jat be jơnau Kơnràñ neh yal mơ ală dĭ gơna Kơnràñ dê la ală cau gơnoar hwơr.

Yal Tơlik 11:18

Ală làng bol gơhào gơjrañ, mơya bơta gơjrañ dờng Kơnràñ dê neh tus. Do la tŭ ală cau chơt kong cahrña, la tŭ ai phan ƀàn ală dĭ gơna Kơnràñ dê la ală cau gơnoar hwơr, ală cau sàng goh mơ ală cau in duh rngòt di sơnđan Kơnràñ, ală cau dềt mơ ală cau dờng; mơ la tŭ tơnroh ală cau tơnroh plai ù.”