Jeremi 26:2 - Sră Goh 2018

² Yàng Jehôwa đơs be do: “Ntào tĕ tòm rơng hìu Yàng Jehôwa, mơ đơs ală jơnau Añ sồr mê đơs mơ ală cau tòm ală ƀòn Juda neh tus nàng duh khoai tòm hìu Yàng Jehôwa dê; bañ pơndut dô jơnau lơi.

Jeremi 26:2 Mawu Ofanana

Jeremi 1:17

Behơ̆, mê kơt tĕ but, ñă ntào, yal bol khai in git ală bơta Añ neh ai gơnoar sồr mê in. Bañ rngòt di bol khai, rngòt Añ rơp lơh mê in rngòt rngơt di đap bol khai.

Jeremi 1:7

Mơ Yàng Jehôwa đơs tai: “Bañ đơs: Añ la kơnòm dềt; Bơh mê rơp lòt tus hơ ală cau lơi Añ sồr mê lòt, Mơ rơp đơs ală jơnau Añ sồr mê đơs.

Jeremi 19:14

Tòm tŭ Jeremi rê bơh Tôphet, la tiah Yàng Jehôwa neh sồr khai lòt đơs hwơr; gen khai ñă tòm tiah rơng hìu Yàng Jehôwa dê, mơ đơs mơ jơh ală làng bol lah:

Jeremi 23:28

Lòi cau gơnoar hwơr lơi gơs mpau yal tĕ mpau; ai cau lơi neh dòp leng jơnau Añ, yal wơl tĕ jơnau Añ dô bă dòn song! Rhe ngan gơs pơnah bal mơ kòi mi ơ?” Yàng Jehôwa đơs behơ̆.

Jeremi 25:2

la jơnau mơ cau gơnoar hwơr Jeremi neh đơs di đap làng bol Juda mơ jơh ală làng bol tòm Jerusalem lah:

Jeremi 28:5

Tŭ hơ̆, cau gơnoar hwơr Jeremi đơs mơ cau gơnoar hwơr Hanania, di đap ală cau gơnoar ơn phan duh khoai mơ jơh làng bol ơm ntào tòm hìu Yàng Jehôwa.

Jeremi 36:10

Gen Baruk sền jơh làng bol in iat ală jơnau Jeremi bơh tòm dap sră, tòm hìu Yàng Jehôwa, tòm ơdŭ Gemaria, kòn klau Saphan cau gơnoar cih, tòm rơng hìu hơđang, di gùng mut Mpồng Pa hìu Yàng Jehôwa dê.

Jeremi 42:4

Gen cau gơnoar hwơr Jeremi ho lah: “Añ kơno rau! Do, añ rơp hòi dan Jehôwa Yàng Tom Trồ bol mê dê, jat be jơnau bol mê dan, bơta lơi Yàng Jehôwa ho wơl, añ rơp yal bol mê in git, ò pồn dô êt lơi mơ bol mê.”

Jeremi 7:2

“Ntào tĕ di đap mpồng hìu Yàng Jehôwa, mơ tềng hơ̆ yal tơlik tĕ jơnau do mơ đơs lah: ‘Iat tĕ jơnau Yàng Jehôwa dê, ơ jơh tơl nă bol mê la cau Juda, la ală cau mut bơh mpồng do nàng duh khoai Yàng Jehôwa.

Jeremi 7:27

“Behơ̆ mê rơp đơs jơh ală jơnau do bol khai in, mơya bol khai rơp ò iat mê. Mê rơp hòi, mơ bol khai rơp ò ho wơl.

Ejekiel 3:10

Kơnràñ đơs mơ añ lah: “Ơ kòn mơnus, iat tĕ nền nền mơ prap tĕ tòm nùs jơh ală jơnau Añ đơs mơ mê.

Ejekiel 33:7

Behơ̆ mê, ơ kòn mơnus, Añ neh bơtào mê lơh gơs cau drơng kơp gàr hìu Israel in; behơ̆ tòm tŭ mê kơno dô jơnau bơh di bơr Añ jê, mê rơp yal tơnggit lài bol khai in jơnau Añ jê.

Ejekiel 40:4

Khai đơs mơ añ lah: “Ơ kòn mơnus, ai tĕ mat sền nền, ai tĕ tồr iat nền, mơ ơn tĕ nùs kơlôi bơh kòp bơta mơ añ rơp sơnio mê in, bơh hơ̆ la tơnggume mơ mê geh cèng tus tềng do; yal wơl tĕ hìu Israel in jơh ală bơta mê gŏ.”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Luka 19:47

Kòp ngai Kơnràñ bơto sồr tòm hìu duh khoai. Ală cau gơnoar lam bồ ơn phan duh khoai, ală cau bơto bơta boh lam, mơ ală cau kwang kra tòm làng bol jòi bơta nàng tơnchơt Kơnràñ,

Jang 18:20

Yàng Jesu ho lah: “Añ neh đơs loh làng mơ dunnia, Añ òs bơto sồr sùm tòm hìu jum mơ tòm hìu duh khoai, la tiah jơh ală cau Juda pơjum, Añ ò đơs bơta lơi ndơp ndơr ò.

Jang 8:2

Rìng àng drim, Kơnràñ rê wơl hơ hìu duh khoai. Jơh làng bol lòt tus hơ Kơnràñ, Kơnràñ nggui bơto sồr bol khai.

Broă 20:20

Añ bơto yal ală bơta gơs kwơ oh mi in, mơ bơto oh mi di đap ƀòn lơgar hala bơh hìu do tus hơ hìu ne.

Broă 20:27

Bơh añ bơto yal oh mi in git jơh nùs kòñ Yàng Tom Trồ dê ò prap lòi bơta lơi.

Broă 5:25

Mơya gơs cau tus yal mơ bol khai lah: Iat tĕ “Ne, ală cau mơ ală ồng neh kup jàm, gen tŭ do bol khai ơm tòm hìu duh khoai bơto sồr làng bol!”

Broă 5:42

Kòp ngai tòm hìu duh khoai hala bơh hìu do tus hìu ne, bol khai kư̆ bơto mơ bơto yal sùm bơh Yàng Jesu la Bơtau Krist.

Yal Wơl 12:32

Bol mê kơrhia tĕ lơh jat jơh ală jơnau añ sồr bol mê; bañ bơtơl jơnau lơi hala tă pơndut jơnau lơi bơh di gơ.

Yal Wơl 12:5

Mơya bol mê pal jòi jat tiah mơ Jehôwa Yàng Tom Trồ bol mê dê rơp sac rwah bơh digùl jơh ală jơi bơtiàn bol mê dê nàng ơn sơnđan Kơnràñ dê tềng hơ̆ lơh gơs tiah ơm sùm Kơnràñ dê. Bol mê pal lòt tus tiah hơ̆;

Yal Wơl 4:2

Bañ bơtơl jơnau lơi hơđang ală jơnau mơ añ sồr bol mê mơ kung bañ pơndut jơnau lơi bơh di ală jơnau hơ̆, mơya prap gàr tĕ ală jơnau sồr Jehôwa Yàng Tom Trồ bol mê dê mơ añ ai bol in.

Jôsue 8:35

Ò gơs dô jơnau lơi tòm jơh ală jơnau Môise nting sồr mơ Jôsue ò sền di đap mpồl jơnum Israel dê, gơs ală cau ùr, cau kơnòm, mơ cau làng bơdìh ơm digùl bol khai.

Yal Tơlik 22:19

Dilah cau lơi tă sang bơta lơi bơh ală jơnau tòm sră gơnoar hwơr do, gen Yàng Tom Trồ kung rơp tă sang pơnah khai dê bơh chi bơta kis mơ bơh ƀòn dờng sàng goh, la bơta neh cih tòm sră do.