Jeremi 26:19 - Sră Goh 2018

¹⁹ Ejekia bơtau Juda, mơ jơh Juda, neh tơnchơt khai sơl? Ò di Ejekia neh duh rngòt Yàng Jehôwa mơ rac dan bơta nđàc Yàng Jehôwa dê ò ơ? Behơ̆ gen Yàng Jehôwa neh tòmgơl bơh bơta rung rài mơ Kơnràñ neh yal tơnggit tòmdră mơ bol khai. Ngai do dilah bol he tơnchơt Jeremi, hơ̆ la tìs glài kơnjơ̆ gen rơp toès wơl bơta rung rài să tòm he in.”

Jeremi 26:19 Mawu Ofanana

II Samuel 24:16

Tòm tŭ cau gơnrơh pò tê nàng tơnroh Jerusalem, Yàng Jehôwa moat jrùng bơh bơta rung rài hơ̆, gen đơs mơ cau gơnrơh lơh tơnroh làng bol lah: “Tơl rau! Dơh wơl tĕ tê mê dê.” Tŭ hơ̆ cau gơnrơh Yàng Jehôwa dê ơm di làn jă kòi Arauna, cau Jebusit dê.

II Yal Yau 32:20

Bơtau Ejekia mơ cau gơnoar hwơr Esai kòn klau Amôs ai jơnau dờng hòi dan guh tus hơđang trồ bơh bơta do.

II Yal Yau 34:21

“Lòt tĕ hòi lùp Yàng Jehôwa añ in mơ làng bol gam wơl tòm Israel mơ Juda in bơh jơnau neh cih tòm dap sră neh jòi bàn do. Bơta gơjrañ dờng Yàng Jehôwa dê rơp dùh hơđang bol he tài bơh ală ồng pàng bol he dê ò prap gàr jơnau Yàng Jehôwa dê, bol khai ò lơh jat tòm toh be jơh ală jơnau neh cih tòm dap sră do.”

Lik Ejiptơ 32:14

Gen Yàng Jehôwa nđàc mơ ò đùh hơđang làng bol Kơnràñ dê bơta rung rài mơ Kơnràñ neh khơm rơp đùh hơđang bol khai.

Esai 26:21

Bơh Yàng Jehôwa lik bơh di tiah Kơnràñ dê nàng lơh glài làng bol hơđang plai ù bơh tồi glài bol khai dê. Plai ù rơp ràng tơlik mhàm neh tuh hơđang gơ; mơ rơp ò gam jơm ndơp tai ală cau neh kòl tơnchơt gơ dê.

Esai 37:1

Tòm tŭ bơtau Ejekia kơno jơnau hơ̆ gen crè ào khai dê, soh ƀào sơnò kiat, mơ mut tòm hìu duh khoai Yàng Jehôwa dê.

Esai 37:4

Digơlan Jehôwa Yàng Tom Trồ ồng dê neh kơno ală jơnau đơs Rapsake dê mơ cau tòm khai la bơtau Asiri neh sồr tus nàng bơrsèl tơnhial di Yàng Tom Trồ gam kis sùm sùm; Kơnràñ rơp lơh glài khai jat be ală jơnau Jehôwa Yàng Tom Trồ ồng dê neh kơno. Behơ̆ gen hòi dan tĕ ală cau gam ơm wơl mơ gam kis in!’”

Jeremi 26:15

Mơya pal git nền la dilah oh mi tơnchơt añ, gen oh mi bal mơ ƀòn do mơ làng bol gơ rơp àñ mhàm ò gơs glài. Bơh Yàng Jehôwa ngan neh sồr añ tus mơ oh mi, sồr đơs ală jơnau do tòm tồr oh mi dê.”

Jeremi 26:3

Digơlan bol khai rơp iat mê, mơ kòp nă rơp sang gùng iơh bol khai dê; tồ Añ in rơp tòmgơl nùs bơh bơta rung rài mơ Añ neh lơh nền tuh hơđang bol khai, bơh broă iơh bol khai neh lơh.

Jeremi 44:7

Tŭ do Jehôwa, Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Ñchi bơh tài bol mê lơh bơta iơh dờng behơ̆ tòmdră mơ bơta kis să tòm bol mê, tian gơs ală cau klau, cau ùr, cau kòn, kòn dềt gam pô, kong tơnroh bơh digùl Juda ò gam wơl dô êt lơi;

Amôs 7:3

Behơ̆ Yàng Jehôwa tơmù nùs bơh bơta do, Yàng Jehôwa đơs lah: “Bơta hơ̆ rơp ò gơlik tus.”

Habakuk 2:10

Mê neh bơyai rơndap bơta ƀàssìl hìu mê dê, bơh mê tơnroh oă làng bol; mơ neh tơnroh bơta kis mê dê.

Sacari 7:2

Làng bol tòm Betel neh sồr Sarejer mơ Regem Melek, bal mơ ală cau jat bol khai lòt tus rac dan bơta nđàc Yàng Jehôwa dê,

Khà Làng Bol 16:38

ală gri ơn kơlhô ală cau neh tìs glài mơ roh bơta kis bol khai dê. Klơn ală gri ơn kơlhô lơh gơs ală pang lơho nàng ƀềp cơnòng ơn phan duh khoai, bơh gơ neh geh ơn Yàng Jehôwa in mơ neh gơlik gơs goh. Lòi tĕ gơlơh gơs dô nơm tềl cau Israel in.”

Mathiơ 23:35

Tồ jơh ală mhàm cau song ring neh gơhòr hơđang ù gơtuh hơđang bol mê, bơh mhàm Abel la cau song ring, tus dê mhàm Sacari kòn Baraci dê mơ bol mê neh tơnchơt digùl Tiah Sàng Goh mơ cơnòng duh khoai.

Broă 5:39

mơya dilah gơlik bơh Yàng Tom Trồ gen bol mê ò rgơi tơnroh ală cau hơ̆ ò, rngòt bol mê kung be tòmlơh mơ Yàng Tom Trồ mòn.” Behơ̆ bol hơ̆ iat jơnau bơto tơngkah Gamaliel dê.

Yal Tơlik 16:6

Bơh bol khai neh lơh gơhòr mhàm ală cau sàng goh mơ ală cau gơnoar hwơr dê, gen Kơnràñ neh ai bol khai in hùc mhàm, la di pal ngan!”