Jeremi 26:18 - Sră Goh 2018

¹⁸ “Mice ơm tòm Môreset, la cau đơs hwơr bơh rài Ejekia, bơtau Juda, neh đơs mơ jơh làng bol Juda lah: Yàng Jehôwa Gơnap Gơnoar đơs be do: ‘Siôn rơp kong troă kung be sre, Jerusalem rơp gơlik gơs kung be gơnru lŭ, Mơnơm Hìu duh khoai rơp gơlik gơs tiah brê dơr.’

Jeremi 26:18 Mawu Ofanana

II Ală Bơtau 19:25

Mê òhềt gơs tŭ lơi kơno lah Bơta do Añ neh lơh nền jŏ rau ơ? Añ neh rơndap nền bơh rài yau, Tŭ do, Añ lơh bơta hơ̆ gơlik gơs, Nàng mê in phà tơrlah ală ƀòn kơ̆ cê gơlik dô gơnru lề lac.

II Yal Yau 32:26

Gen Ejekia tơnliah să bơh bơta pơnhừ să tòm nùs khai dê, làng bol Jerusalem kung lơh behơ̆, gen tàng bơta gơjrañ dờng Yàng Jehôwa dê neh ò tus hơđang bol khai tòm rài Ejekia dê.

Nehemi 4:2

Mơ đơs di đap ală cau lơh gơs dô mpồl bal mơ khai mơ di đap mpồl ling Samari dê lah: “Ñchi ală cau Juda òsô ò soàn hơ̆ ơm lơh taih? Bol khai rơp bơt wơl ală bơta sơl ơ? Bol khai rơp ơn phan duh khoai ơ? Bol khai rơp lơh sir tòm dô ngai ơ? Bol khai rơp ai ală lŭ gam wơl tòm gơnru thul ơmul hơ̆ mơ ai dô nơm lŭ neh ồs sa hơ̆ nàng lơh ơ?”

Đơs Crih 79:1

Ơ Yàng Tom Trồ, ală làng bol bơdìh neh mut tòm sre brê Yàng dê, Lơh ƀơ̆ ƀơl Hìu Duh Khoai Sàng Goh Yàng dê, Mơ lòi Jerusalem in gơlik gơs lề lac.

Jeremi 17:3

Ơ mơnơm Añ jê tòm lơgar, Añ rơp jào bơta pas sơm, mơ jơh ală phan màng mê lơh gơs phan phà kup; Be jền tơngai bơh tồi glài mê neh tìs tòm làm jơh lơgar bol mê dê.

Jeremi 51:37

Babilôn rơp gơlik gơs gơnru tơrlah tơrlơm, Trồm so rhau ơm, Tiah ƀơ̆ iơh mơ bơrsèl tơnhial, Ò gơs làng bol ơm tai.

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Mice 1:1

Jơnau Yàng Jehôwa neh tus mơ Mice, cau Môreset, tòm rài at bồ Jôtham, Aca, mơ Ejekia, la ală cau bơtau Juda dê, hơ̆ la bơta gơtơnggŏ khai neh gŏ bơh Samari mơ Jerusalem.

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Mice 4:1

Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào hơđang tiah jơnhoa rlau jơh ală mơnơm dê, gơ rơp geh yò tơngguh hơđang ală dòr, mơ ală làng bol rơp lòt tus tềng hơ̆ kung be dà hòr.

Sacari 8:3

Yàng Jehôwa đơs be do: “Añ rơp rê wơl hơ Siôn, mơ ơm sùm digùl Jerusalem; Jerusalem rơp geh sơnđan la Ƀòn Dờng dòn song, mơ mơnơm Yàng Jehôwa Gơnap Gơnoar Dờng Làm Jơh dê rơp geh sơnđan la Mơnơm Sàng Goh.”