Jeremi 26:11 - Sră Goh 2018

¹¹ Gen ală cau gơnoar ơn phan duh khoai mơ ală cau gơnoar hwơr đơs mơ ală cau kwang at bồ mơ làng bol lah: “Cau do pal chơt; bơh neh đơs hwơr tòmdră mơ ƀòn do, kung be tồr bol mê dê neh kơno.”

Jeremi 26:11 Mawu Ofanana

Jeremi 18:23

Ơ Yàng Jehôwa, Kơnràñ git jơh kai gơrmơ̆i bol khai dê nàng tơnchơt añ. Dan bañ toh bơta iơh bơsak bol khai dê, Bañ jùt tồi glài bol khai dê bơh di đap mat Kơnràñ; Lòi bol khai gơtup pừ di đap Kơnràñ; Dan lơh di bol khai tòm ngai gơhào gơjrañ Kơnràñ dê!

Jeremi 26:16

Ală kwang at bồ mơ jơh làng bol, đơs mơ ală cau gơnoar ơn phan duh khoai mơ ală cau gơnoar hwơr lah: “Cau do ò di pal chơt; bơh khai ai sơnđan Jehôwa Yàng Tom Trồ bol he dê mơ đơs mơ bol he.”

Jeremi 38:4

Ală kwang at bồ yal mơ bơtau lah: “Dan sồr tơnchơt tĕ cau do, bơh khai đơs ală jơnau behơ̆, lơh tê ală cau ling tòmlơh ơm wơl tòm ƀòn mơ jơh ală làng bol gơlik lơbơn lơño; bơh cau do ò jòi bơta dong kòl làng bol mơya jòi bơta roh gơprah.”

Mathiơ 26:66

Mbe bol mê kơlôi taih?” Bol khai ho lah: “Khai pal chơt.”

Jang 18:30

Bol khai ho lah: “Dilah cau do ò di la cau lơh iơh bơsak, gen bol hi ò bơtào khai ồng in.”

Jang 19:7

Cau Juda ho lah: “Bol hi gơs dô bơta boh lam, jat bơta boh lam hơ̆ khai pal chơt, tài bơh khai neh sơnđan is să khai la Kòn Yàng Tom Trồ.”

Broă 22:22

Bol khai iat Pol tus di jơnau hơ̆, gen hòi driau lah: “Tơnroh tĕ cau be do bơh di plai ù! Khai ò di pal kis tai!”

Yal Wơl 18:20

Mơya dô nă cau gơnoar hwơr lơi ai sơnđan mơ đơs jơnau lơi Añ ò sồr khai đơs, hala dô nă cau gơnoar hwơr lơi ai sơnđan ală yàng ndai mơ đơs gen pal kong tơnchơt.”

Ală Kwang Cahrña 6:30

Gen ală cau klau tòm ƀòn dờng đơs mơ Jôas lah: “Lam tơlik tĕ kòn klau mê dê, khai pal chơt tài bơh khai neh sòr tơrlah cơnòng duh khoai Baal dê mơ neh pòng dơrpă jrong duh khoai Asera ơm di gah gơ.”