Jeremi 25:9 - Sră Goh 2018

⁹ do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 25:9 Mawu Ofanana

II Ală Bơtau 24:2

Yàng Jehôwa chồl ală mpồl ling Kalde, ling Aram, ling Môap, mơ ling Ammôn dê tus tòmlơh mơ tơnroh Juda, jat be jơnau Yàng Jehôwa neh đơs bơh di ală cau gơnoar hwơr, la dĭ gơna Kơnràñ dê.

II Yal Yau 29:8

Gen tàng, bơta gơjrañ Yàng Jehôwa dê neh tus hơđang Juda mơ Jerusalem; Kơnràñ neh lơh bol khai in gơlik gơs dô nơm phan rngòt rngơt cù kìr, ai lơh krơi mơ dơñŏ tơnhial be bol mê rgơi gŏ mơ mat tòm bol mê dê.

II Yal Yau 36:21

Nàng gơlik di ngan be jơnau Yàng Jehôwa neh kơnòm dê bơr Jeremi, jơl tus di ù geh bơtào wơl ală nam Saƀat gơ dê. Jơh ală nam neh lòi srau, ù geh prap gàr ngai Saƀat jơl tus wil tơl poh jơt sơnam.

Jơnau Pơnđik 21:1

Nùs bơtau dê ơm tòm tê Yàng Jehôwa ò gơkrơi be hiòng dà hòr; Kơnràñ lơh sơrkềng đah lơi jat nùs kòñ Kơnràñ dê.

Esai 10:5

Bòl glar Asiri in la gai bơta gơjrañ Añ jê, gai mơng tòm tê bol khai la bơta gơhào gơjrañ Añ jê!

Esai 13:3

Añ, să tòm Añ neh ai jơnau gơnoar sồr ală cau sàng goh Añ jê; Añ neh hòi pơjum ală cau ling tòmlơh Añ jê, cau hòn să Añ jê, nàng lơh gơlik gơs bơta gơjrañ dờng Añ jê.

Esai 39:7

‘Dô pơnah tòm ală kòn sau bơtau dê, la ală cau rơp geh deh bơtau in, bol khai rơp kong kup cèng mơ rơp lơh gơs kwang kơndời tòm gơlang bơtau Babilôn dê.’”

Esai 44:28

đơs bơh Sirus lah: ‘Khai la cau ê belàt Añ jê; mơ rơp lơh gơlik gơs jơh ală bơta Añ niam nùs;’ Kơnràñ rơp đơs bơh Jerusalem lah: ‘Lòi gơ rơp geh bơt bơtào wơl,’ mơ đơs bơh hìu duh khoai lah: ‘Mơnàng mê dê rơp geh bơt.’”

Jeremi 1:14

Yàng Jehôwa đơs: “Hơ̆ la bơta rung rài bơh đah đang rơp dùh hơđang jơh ală làng bol tòm lơgar do.

Jeremi 1:15

Behơ̆ gen, Añ rơp hòi jơh ală jơi bơtiàn ală làng bol đah đang, Yàng Jehôwa đơs behơ̆; bol khai rơp tus, mơ cau lơi kung ơn sơbàn he dê di mpồng dờng Jerusalem, gơrwàng lơh ală dơrñang gùt dar gơ, mơ sò tơm ală ƀòn Juda dê.

Jeremi 10:22

Iat tĕ, dô sap đơs! Iat tĕ, gơ neh tus, gơs bơta nggồr nggàc dờng tus bơh đah đang, lơh ală ƀòn Juda dê gơlik gơs tiah lòi srau, gơlik gơs trồm so rhau ơm.

Jeremi 12:14

Yàng Jehôwa đơs be do: “Ală cau gơp ƀòn iơh Añ jê, la cau tòmpìt sre brê mơ Añ neh ai làng bol Añ in, la Israel, lơh gơs phan jơtài: Añ rơp dus bol khai bơh digùl ù tiah bol khai dê, mơ rơp dus hìu Juda bơh digùl bol khai.

Jeremi 18:16

Gen tàng lơgar bol khai gơlik ngềt ngơt, Lơh gơs bơta dơñŏ tơnhial sùm sùm; Kòp nă cau lòt gan gen mơp dơl Mơ rtơs bồ.

Jeremi 2:15

Ală klìu triă neh ơluh ơhùm tòmdră mơ khai, Bol gơ ơluh ơhùm dờng ngan, Mơ gơlơh ù tiah khai dê gơlik gơs ngềt ngơt. Ală ƀòn dờng khai gơkòl tơnroh gơprah, ò gơs cau ơm.

Jeremi 20:4

Bơh Yàng Jehôwa đơs be do: ‘Añ rơp phi mê lơh gơs bơta rngòt rngơt să tòm mê in mơ jơh ală cau bơyô mê dê sơl; bol khai rơp chơt bơh đào cau sò tơm bol khai dê, mat mê rơp sền gŏ. Añ rơp phi jơh làng bol Juda tòm tê bơtau Babilôn, khai rơp cèng bol khai tus tòm Babilôn gơs dĭ, mơ ngui đào tơnchơt bol khai.

Jeremi 24:9

Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

Jeremi 25:8

Behơ̆ gen, Yàng Jehôwa Gơnap Gơnoar đơs be do: ‘Tài bơh bol mê ò bài iat jơnau Añ,

Jeremi 29:18

Añ rơp ai pềs tà, jơgloh rung mơ pluh plàng ting jat bol khai, rơp lơh bol khai in gơlik dô bơta rngòt rngơt digùl ală lơgar tòm dunnia, lơh gơs bơta srat sơntơm, cù kìr, dơñŏ tơnhial, ƀàssìl ƀàsso digùl ală làng bol mơ Añ neh bơtrơh bol khai tus.”

Jeremi 35:11

Mơya, tŭ Nebukatnessar bơtau Babilôn tus tòmlơh mơ lơgar do, bol hi đơs bal lah: ‘Guh tĕ hơ Jerusalem, bơh rngòt di mpồl ling cau Kalde mơ mpồl ling Siri dê.’ Gen tàng bol hi tus ơm tòm Jerusalem.”

Jeremi 36:2

“Ai tĕ dô dap sră, cih wơl tòm hơ̆ ală jơnau Añ neh đơs mơ mê tòmdră mơ Israel, Juda, mơ jơh ală lơgar, bơh ngai Añ rơp sơntòm đơs mơ mê, bơh rài Jôsia, jơl tus ngai do.

Jeremi 36:29

Ai bơh să tòm Jehôyakim, bơtau Juda, gen mê pal đơs lah: Yàng Jehôwa đơs be do: ‘Mê neh chu dap sră do mơ đơs lah: Ñchi bơh tài mê neh cih lah bơtau Babilôn ngan rơp tus, phà lơgar do mơ tơnroh kòn mơnus mơ phan poan jơng?’

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Jeremi 40:2

Cau lam bồ mpồl ling kơp gàr bơtau dê sồr lam Jeremi tus mơ đơs lah: “Jehôwa Yàng Tom Trồ mê neh lơh nền cèng bơta rung rài tiah do in;

Jeremi 43:10

Mê pal yal tĕ bol khai in lah: Yàng Jehôwa Gơnap Gơnoar, Yàng Tom Trồ Israel dê, đơs be do: ‘Añ rơp sồr mơ cèng dĭ gơna Añ la Nebukatnessar bơtau Babilôn, mơ khai rơp ơn sơbàn bơtau khai dê hơđang ală lŭ do mơ Añ pa pồn; bơtau hơ̆ rơp cang ală kơrnìng hơđang.

Jeremi 46:20

Ejiptơ la dô nơm kơnrồ dra niam mơnĕ, mơya kòl dô nơm tòt bơh đah đang tus cik gơ.

Jeremi 49:19

Gơ kung be klìu triă guh bơh ală brê me Jordan dê guh tus hơ ală ƀlàng ñhơt tơlir sùm. Nisơna Añ rơp lơh Edôm in ntoat dô, mơ Añ rơp bơtào cau mơ Añ neh sac rwah nàng at bồ gơ: Bơh ñcau be Añ taih? Ñcau khin pơrlòng mơ Añ taih? Gơs cau ê belàt lơi rgơi ntào di đap Añ sơl?

Jeremi 6:1

“Ơ ală kòn sau Benjamin, Lik dô tĕ bơh Jerusalem nàng geh lơngap lơngai. Uh kơlwòk tĕ tòm Tekôa, pò tơngguh bồng bi hơđang Bethakkerem; bơh mƀur bơta iơh tus bơh đah đang, Mơ bơta roh gơprah dờng ngan.

Jeremi 8:16

Ntas sap ơseh hòi neh kơno bơh Dan; kơno sap ơseh tòmlơh ơhih, làm jơh ù tiah lơnggơr; Bơh bol khai neh tus, sa loan ù mơ ală phan gơlik bơh ù, sa loan ƀòn mơ jơh làng bol ơm tòm gơ.

Ejekiel 12:20

Ală ƀòn dờng gơs cau ơm rơp kòl sang lòi srau gòi, mơ ù tiah rơp kong sang lòi ngềt ngơt. Gen bol mê rơp git lah Añ la Yàng Jehôwa.’”

Ejekiel 16:40

Bol khai rơp cèng tus dô mpồl cau tòmdră mơ ai, rơp cơm lŭ di ai mơ ngui đào koh ai rpot rpet.

Ejekiel 21:11

Đào neh geh ai nàng geh tho goh, nàng geh sơmbat kơ̆ mơ tê; gơ neh geh tồl sồt mơ tho goh, nàng ơn tòm tê cau sreh tơnchơt.

Ejekiel 26:7

Bơh Jehôwa Yàng Tom Trồ đơs be do: ‘Añ rơp cèng Nebukatnessar, bơtau Babilôn, bơtau ală bơtau dê, bal mơ ală ơseh, ală rơndeh lòs tòmlơh, ală cau ling hào ơseh, mơ dô mpồl ling gal ngan mơ pràn kơldang, bơh đah đang tus tòmdră mơ Tirơ.

Ejekiel 36:5

Gen tàng Jehôwa Yàng Tom Trồ đơs be do: ‘Añ neh đơs tòm bơta ƀoah pơrhiat dờng Añ jê, tòmdră mơ ală làng bol gam wơl, tòmdră mơ jơh Edôm, la ală cau neh jơh nùs hòn chò sền òsơp, neh tòmpìt ù tiah Añ jê lơh gơs phan tòm bol khai dê, nàng tòmpìt ai ƀlàng ñhơt gơ dê.’

Daniel 5:18

Ơ bơtau, Yàng Tom Trồ Hơđang Rlau Jơh neh ai sơbàn bơtau, gơnoar dờng, bơta jòng ro mơ bơta ryŭ ryơm bèp bơtau in la Nebukatnessar.

Habakuk 1:12

Kơnràñ ò di neh gơs bơh rài yau la gam sùm sùm ò lồi sơl ơ? Ơ Jehôwa Yàng Tom Trồ añ jê, Bơtau sàng goh añ jê? Kơnràñ rơp ò chơt. Ơ Yàng Jehôwa, Kơnràñ neh lơh nền bol khai in nàng cahrña; Ơ Pơnai Lŭ Klềr añ jê! Kơnràñ neh bơtào bol khai nàng lơh glài.

Habakuk 1:17

Mbe khai prap gàr sùm bơtơng gòi khai dê, mơ kư̆ tơnroh ală lơgar ò nđàc sơngit sơl ơ?

Yal Wơl 28:37

Bol mê rơp gơlik gơs dô nơm phan rngòt cù kìr mơ dô nơm tơnggume lah pơrhơng mơ dơñŏ tơnhial jơh ală ƀòn lơgar in mơ Yàng Jehôwa neh bơtrơh bol mê tus.