Jeremi 25:32 - Sră Goh 2018

³² Yàng Jehôwa Gơnap Gơnoar đơs be do: ‘Sền tĕ, bơta rung rài neh rsìh làm jơh, Bơh lơgar do tus hơ lơgar ne; Mơ càl rbut dờng neh gơlơnggac. Bơh tiah ngài rlau jơh plai ù dê.’

Jeremi 25:32 Mawu Ofanana

II Yal Yau 15:6

Bol khai bơcah lề lac lơgar do rồn bơklơn lơgar ndai, ƀòn dờng do rồn bơklơn ƀòn dờng ne, tài bơh Yàng Tom Trồ lơh dơrcul bol khai mơ oă bơta bòl glar kalke.

Esai 30:30

Yàng Jehôwa rơp lơh cau in kơno sap đơs ryŭ ryơm Kơnràñ dê, mơ rơp ai bol khai in sền gŏ tơwòr tê Kơnràñ dê tơndùh bơta gơjrañ dờng bal mơ ồs sa pơrguc, càl khồm druh, càl rbut dờng, mơ mìu piar.

Esai 34:2

Bơh Yàng Jehôwa gơhào nùs tòmdră mơ ală lơgar; bơta gơjrañ dờng Kơnràñ dê tòmdră mơ jơh ală mpồl ling bol khai dê; Kơnràñ lơh bol khai in gơkòl tơnroh, Kơnràñ rơp jào bol khai tòm bơta hàl tơnchơt.

Esai 5:28

Kam sơna bol khai dê sơmplàñ, jơh àtak bol khai dê neh wàr; kơnđias ơseh bol khai dê kră be lŭ tơrneh, kong rơndeh bol khai dê kung be càl rbut.

Esai 66:18

Bơh Añ git ală broă lơh bol khai dê mơ ală bơta kơlôi sơnơng bol khai dê; Añ rơp tus mơ pơjum tơrgòm jơh ală làng bol mơ ală jơnau đơs; bol khai rơp tus mơ gŏ bơta gơklŏ Añ jê.

Jeremi 23:19

Sền ne, càl rbut Yàng Jehôwa dê! Hơ̆ la bơta gơjrañ dờng Yàng Jehôwa dê neh gơhào, Kung be càl wàl bong, Gơ neh khồm druh hơđang bồ ală cau iơh bơsak dê.

Jeremi 30:23

Ne sền, càl rbut dờng Yàng Jehôwa dê! Bơta gơjrañ dờng Kơnràñ dê neh tơngguh, Dô nơm càl wàl bong, gơ rơp khồm druh hơđang bồ cau iơh.

Jeremi 6:22

Yàng Jehôwa đơs be do: “Ne, dô làng bol tus bơh lơgar đah đang; Dô lơgar dờng bơtào tơngguh bơh tiah lồi plai ù dê.

Jeremi 6:23

Bol khai jơh tơl nă at àtak mơ đào, bol khai iơh bơsak ngan, ò gơs nùs nđàc sơngit. Sap bol khai nggồr kung be dàlềng, Bol khai hào hơđang ală ơseh; rcang rơndap sèng kung be cau ling lòt tòmlơh Mơ tòmdră mơ ai, Ơ kòn ùr Siôn!”

Sôphôni 3:8

Gen tàng, Yàng Jehôwa đơs lah: “Kơp gơn tĕ Añ, jơl tus ngai Añ rơp ñă ntào nàng lơh cơng sơnio glài. Bơh Añ neh lơh nền pơjum tơrgòm ală làng bol mơ pơjum bal ală lơgar, mơ tuh tơlik bơta gơjrañ dờng Añ jê hơđang bol khai, la jơh ală bơta gơjrañ duh hơng Añ jê. Bơh jơh plai ù rơp kong chu pơrguc tòm ồs bơta gơjrañ ƀoah pơrñat Añ jê.

Luka 21:10

Kơnràñ đơs tai mơ bol khai lah: “Làng bol do rơp bơtào tòmsò mơ làng bol ne, lơgar do tòmlơh mơ lơgar ndai,

Luka 21:25

Rơp gơs ală tềl krơi tòm mattơngai, kơnhai mơ ală sơmañ; ai tòm ù gen ală làng bol jê sồt bòl glar, ò git mbe kòñ lơh bơh dàlềng mơ ryà gơ nggồr ur ur.