Jeremi 25:3 - Sră Goh 2018

³ “Neh bàr jơt pe nam, bơh nam dơ̆ jơt pe rài Jôsia, kòn klau Ammôn, bơtau Juda dê, jơl tus di ngai do jơnau Yàng Jehôwa dê neh đơs mơ añ. Añ neh ò dơh đơs mơ oh mi; mơya oh mi ò bài iat añ.

Jeremi 25:3 Mawu Ofanana

Sơnròp Gơlik Gơs 22:3

Abraham guh bơh drim, kơt ừn di alàng, cèng bàr nă cau dĭ mơ kòn klau khai la Isak mơ lòt. Khai kung koh lòng nàng chu phan duh khoai, gen lòt tus hơ tiah mơ Yàng Tom Trồ neh sồr.

I Ală Bơtau 22:3

Bơtau Israel đơs mơ dĭ gơna khai lah: “Bol mê ò git lah Ramôt tòm Galaat gơrê bal mơ bol he ò ơ? Mơya bol he ò lơh bơta lơi nàng tă gơ bơh di tê bơtau Aram ơ!”

II Ală Bơtau 17:13

Bulah Yàng Jehôwa yal tơnggit Israel mơ Juda in, bơh di ală cau gơnoar hwơr mơ ală cau git lài, lah: “Pơrlac tĕ bơh di ală gùng iơh bơsak bol mê dê, kơrmap gàr tĕ bơta sồr lam mơ bơta boh lam Añ jê, jat be jơh ală bơta boh lam Añ neh nting sồr ală ồng pàng bol mê dê, mơ Añ neh sồr bol mê bơh ală dĭ gơna Añ jê la ală cau gơnoar hwơr.”

II Yal Yau 24:19

Bulah Yàng Jehôwa sồr ală cau gơnoar hwơr lòt tus hơ làng bol nàng cèng bol khai rê wơl hơ Kơnràñ, mơ bulah bol khai lơh cơng tòmdră mơ làng bol, mơya làng bol ò bài iat.

II Yal Yau 34:1

Jôsia neh tơl phàm nam tòm tŭ khai sơntòm at bồ, mơ khai at bồ pe jơt dùl nam tòm Jerusalem.

II Yal Yau 34:3

Tòm nam dơ̆ phàm rài at bồ khai dê, tòm tŭ khai gam pơnu, khai sơntòm jòi jat Yàng Tom Trồ ồng pàng khai dê la Dabit. Tòm nam dơ̆ jơt bàr khai sơntòm lơh sàng goh Juda mơ Jerusalem bơh di ală tiah jơnhoa duh khoai, ală jrong duh khoai Asera, ală rùp ràk pac sềr mơ ală rùp tŏ duh khoai.

II Yal Yau 34:8

Tòm nam dơ̆ jơt phàm rài at bồ Jôsia dê, tòm tŭ khai lơh sàng goh lơgar mơ hìu duh khoai, khai sồr Saphan kòn klau Ajalia mơ Maaseya cau kwang at bồ ƀòn dờng bal mơ Jôa kòn klau Jôaca la cau cih sră yal broă, rcang niam wơl hìu duh khoai Jehôwa Yàng Tom Trồ dê.

II Yal Yau 36:15

Jehôwa Yàng Tom Trồ ală ồng pàng bol khai dê neh kong ơt di bol khai mơ kơnòm di ală cau kong sồr Kơnràñ dê, tài bơh Kơnràñ kòñ nđàc hơđang làng bol Kơnràñ dê, mơ hơđang tiah ơm sùm Kơnràñ dê.

Đơs Crih 81:13

Ô! Kơp kòñ làng bol Añ jê iat jơnau Añ, Kơp kòñ Israel lòt tòm ală gùng dà Añ jê!

Lik Ejiptơ 8:20

Tơnơ̆ mơ hơ̆, Yàng Jehôwa đơs mơ Môise lah: “Guh gòñ tĕ tòm àng drim mơ lòt tòm mat mơ Pharaôn tòm tŭ khai lòt tus di gah hiòng, mơ đơs mơ khai lah: Yàng Jehôwa neh đơs be do: ‘Lòi tĕ làng bol Añ jê lik lòt, nàng bol khai duh khoai Añ.

Esai 55:2

Ñchi bơh tài bol mê tơm jền nàng blơi phan ò di la piang lă, mơ kong bòl glar lơh broă nàng geh phan ò lơh hòm klung taih? Kơrhia tĕ, Iat tĕ Añ! Mơ sa tĕ phan niam, mơ lơh să tòm bol mê hòn chò bơh phan bơkah rlau jơh.

Jeremi 1:2

Jơnau Yàng Jehôwa đơs mơ khai tòm rài Jôsia, kòn klau Ammôn bơtau Juda, sơnam dơ̆ jơt pe rài bơtau hơ̆ dê;

Jeremi 11:7

Añ neh kràñ cê bơto tơngkah ồng pàng bol mê, tòm tŭ Añ cèng bol khai lik bơh lơgar Ejiptơ jơl tus ngai do. Añ neh kơ̆ nùs bơto tơngkah bol khai lah: ‘Lơh jat tĕ jơnau Añ!’

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 22:21

Añ neh đơs mơ mê tòm tŭ mê ơm tòm bơta bơtoah bơtoài; mơya mê đơs lah: ‘Añ ò bài iat.’ Do la gùng dà mê bơh tŭ kơnòm să, Mê neh ò dòn jơnau Añ.

Jeremi 25:4

Yàng Jehôwa neh kong ơt sồr ală dĭ gơna Kơnràñ, la ală cau gơnoar hwơr, mơya oh mi ò bài iat jơnau, ò ơn tồr iat.

Jeremi 26:5

Ò iat jơnau ală dĭ gơna Añ jê, la ală cau gơnoar hwơr Añ sồr tus mơ bol mê jal ngan, mơya bol mê ò bài iat bol khai,

Jeremi 29:19

Yàng Jehôwa đơs: “Hơ̆ la tài bơh bol khai ò iat jơnau Añ, tŭ Añ neh kong ơt mơ sồr dĭ gơna Añ, la ală cau gơnoar hwơr, ai jơnau hơ̆ lòt tus mơ bol khai; mơya bol mê ò bài iat,” Yàng Jehôwa đơs behơ̆.

Jeremi 32:33

Bol khai ò wèt mat mơ Añ, mơya wèt ngkòi. Bulah Añ neh bơto sồr bol khai, guh gòñ mơ bơto tơngkah, mơya bol khai ò bài iat, ò dòp bơta bơto sồr.

Jeremi 35:14

Jơnau Jônadap, kòn klau Rekap, neh bơto sồr kòn sau khai lah bañ ñô tơrnòm, gen gơlik gơs di ngan; bol khai ò ñô tơrnòm jơl tus di ngai do, bơh neh dòn jat gơnoar sồr pàng he dê. Ai Añ, neh kong ơt đơs mơ bol mê, mơ bol mê ò bài iat Añ.

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Jeremi 36:1

Nam dơ̆ poan rài Jehôyakim, kòn klau Jôsia, bơtau Juda, gơs jơnau Yàng Jehôwa dê đơs mơ Jeremi lah:

Jeremi 36:2

“Ai tĕ dô dap sră, cih wơl tòm hơ̆ ală jơnau Añ neh đơs mơ mê tòmdră mơ Israel, Juda, mơ jơh ală lơgar, bơh ngai Añ rơp sơntòm đơs mơ mê, bơh rài Jôsia, jơl tus ngai do.

Jeremi 44:4

Ngan, Añ neh ơt ơl sồr ală dĭ gơna Añ la ală cau gơnoar hwơr, lòt tus mơ bol mê mơ đơs lah: ‘Bañ lơh bơta cù kìr mơ Añ gơjrañ hơ̆.’

Jeremi 7:13

Yàng Jehôwa đơs: ‘Mơ tŭ do, bơh bol mê neh lơh ală broă hơ̆, Añ neh guh gòñ bơh àng drim bơto sồr bol mê, mơya bol mê ò iat; mơ tòm tŭ Añ hòi bol mê, mơya bol mê ò ho wơl,

Jeremi 7:25

Bơh ngai ồng pàng bol mê dê lik bơh lơgar Ejiptơ jơl tus di ngai do, Añ neh kong sồr ală cau duh broă Añ jê la ală cau gơnoar hwơr, lòt tus mơ bol khai; kòp ngai Añ guh gòñ sồr bol khai tus.

Ejekiel 33:4

gen dilah cau lơi kơno ntas kơlwòk mơ ò bài dòp bơta tơnggit lài, mơ tŭ đào tus tơnchơt khai, gen mhàm bol khai rơp gơtuh hơđang bồ bol khai dê.

Sacari 1:4

Bañ lơh kung be ồng pàng bol mê dê la cau mơ ală cau gơnoar hwơr tòm rài yau neh yal tơnggit bol khai in lah: Yàng Jehôwa Gơnap Gơnoar Dờng Làm Jơh đơs be do: ‘Pơrlac sang tĕ bơh di gùng iơh mơ bơh broă lơh iơh bol mê dê.’ Mơya bol khai ò bài iat, mơ kung ò ơn nùs tồr iat Añ, Yàng Jehôwa đơs behơ̆.

Jơnau Niam Jat Mak 1:35

Rìng àng ngai tơnơ̆, trồ gam jơngo, Kơnràñ guh, lik lòt tòm tiah ngềt ngơt mơ hòi dan tềng hơ̆.

Jang 8:2

Rìng àng drim, Kơnràñ rê wơl hơ hìu duh khoai. Jơh làng bol lòt tus hơ Kơnràñ, Kơnràñ nggui bơto sồr bol khai.

Jang 8:47

Cau lơi lik bơh Yàng Tom Trồ, gen iat jơnau Yàng Tom Trồ. Bơh bol mê ò iat tài bơh bol mê ò gơrê bal mơ Yàng Tom Trồ.”

II Timôthe 4:2

Bơto yal tĕ jơnau Yàng, bơto sùm bulah bơtoah hala ò bơtoah, bơto pơndòm, lah pơrhơng, chồl bơtrut, jơh nùs kong ơt tòm bơta bơto sồr.