Jeremi 25:28 - Sră Goh 2018

²⁸ Dilah bol khai ò bài dòp mơngàn bơh tê mê nàng ñô, gen mê pal đơs lah: Yàng Jehôwa Mpồl Ling dê đơs be do: ‘Ngan bol mê pal ñô!

Jeremi 25:28 Mawu Ofanana

Sră Jop 34:33

Gen Kơnràñ rơp tơm wơl jat be jơnau ồng đơs, tài bơh ồng neh sang lòi gơ ơ? Bơh ồng pal sac rwah, ò di añ; gen tàng yal tơlik tĕ bơta lơi ồng git.

Jeremi 25:17

Behơ̆ Añ ai mơngàn lik bơh tê Yàng Jehôwa, mơ lơh kòp nơm lơgar mơ Yàng Jehôwa sồr Añ tus ñô gơ:

Jeremi 27:8

Dilah làng bol lơi hala lơgar lơi ò duh broă bơtau hơ̆, la Nebukatnessar, bơtau Babilôn, mơ ò ơn yô bơtau Babilôn dê di ngko he dê, gen Añ rơp ngui đào tà, jơgloh rung mơ bơta rung rài mơ lơh glài làng bol hơ̆, jơl tus di tŭ tê bơtau Nebukatnessar neh tơnroh jơh bol khai, Yàng Jehôwa đơs behơ̆.

Jeremi 4:28

Tài bơh hơ̆, ù do rơp moat jrùng ñìm ƀồc, mơ ală tap trồ hơđang gơlik jù cik; Bơh Añ neh đơs, Añ neh lơh nền, Añ rơp ò tòmgơl nùs, hala Añ kung ò tòmgơl jơnau.”

Jeremi 49:12

Yàng Jehôwa đơs be do: “Ală cau ò di hùc mơngàn do, ngan rơp hùc gơ; mơ mê rgơi klàs bơh bơta lơh glài ơ? Mê rơp ò klàs bơh bơta lơh glài, mê ngan rơp hùc mơngàn hơ̆.”

Jeremi 51:29

Ù tiah lơnggơr mơ jê sồt, bơh nùs kòñ Yàng Jehôwa tòmdră mơ Babilôn geh ntào kơ̆, Nàng lơh tiah Babilôn in ngềt ngơt, Ò gơs làng bol ơm.

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Apdia 1:16

Bơh bol mê neh ñô mơngàn bơta lơh glài hơđang mơnơm sàng goh Añ jê. Mơ jơh ală làng bol gùt dar bol mê kung rơp ñô ò dơh; bol khai rơp ñô mơ loan rau, gen bol khai rơp kong tơnroh be òhềt gơs bol khai.

Broă 4:28

nàng lơh gơlik gơs ală broă gơnap gơnoar mơ nùs kòñ Kơnràñ dê neh lơh nền lài.

Ephesô 1:11

Hơ̆ la tòm Bơtau Krist mơ bol he neh dòp geh sre brê, jat be bơta lơh nền lài Yàng Tom Trồ dê, la Bơtau rgơi lơh wil tơl jơh ală bơta jat nùs kòñ Kơnràñ dê.