Jeremi 25:15 - Sră Goh 2018

¹⁵ Jehôwa Yàng Tom Trồ Israel dê neh đơs mơ añ be do: “Ai tĕ mơngàn tơrnòm bơta gơjrañ lik bơh tê Añ, mơ ală làng bol mơ Añ neh sồr mê tus pal ñô gơ.

Jeremi 25:15 Mawu Ofanana

Sră Jop 21:20

Lòi mat tòm bol khai dê sền gŏ bơta roh rui bol khai, mơ lòi khai hùc bơta gơjrañ dờng Bơtau Gơnap Gơnoar Làm Jơh dê.

Đơs Crih 11:6

Kơnràñ rơp tơndùh ồs mơ siau kung be mìu hơđang cau iơh bơsak; Dô ròs càl duh trơàl rơp la pơnah bol khai in.

Đơs Crih 60:3

Kơnràñ neh lơh làng bol Kơnràñ in kong bơta jê sồt bòl glar, Yàng ai bol hi ñô tơrnòm mơ lơh bol hi in bơñul.

Đơs Crih 75:8

Bơh tòm tê Yàng Jehôwa gơs mơngàn tơrnòm gơlik kơmbuh, Tơrnòm hơ̆ neh crài ring, Kơnràñ êt hòr lik bơh gơ, mơ jơh ală cau iơh bơsak tòm ù rơp ñô tơrnòm hơ̆ tus di but mơngàn.

Đơs Crih 75:9

Mơya añ rơp hòn chò gam sùm sùm. Kung rơp đơs chò jòng ro Yàng Tom Trồ Jakôp dê.

Esai 14:26

Do la bơta rơndap neh lơh nền jơh lơgar dunnia in; do la tê pò tơlik hơđang jơh ală làng bol.

Esai 34:2

Bơh Yàng Jehôwa gơhào nùs tòmdră mơ ală lơgar; bơta gơjrañ dờng Kơnràñ dê tòmdră mơ jơh ală mpồl ling bol khai dê; Kơnràñ lơh bol khai in gơkòl tơnroh, Kơnràñ rơp jào bol khai tòm bơta hàl tơnchơt.

Esai 51:17

Ơ Jerusalem, Guh tĕ, guh mơ ntào tĕ! Bol mê neh hùc bơh di tê Yàng Jehôwa mơngàn bơta gơjrañ dờng Kơnràñ dê, bol mê neh hùc tus di soat mơngàn lơh cau in gơsèng.

Esai 51:22

Yàng Jehôwa At Bồ Hơđang Jơh bol mê dê, la Yàng Tom Trồ bol mê dê mơ la Bơtau dong tò làng bol Kơnràñ dê đơs be do: “Sền do, Añ neh tă bơh di tê bol mê mơngàn lơh cau in lòt gơsèng; bol mê rơp ò hùc mơngàn bơta gơjrañ dờng Añ jê tai.

Esai 51:23

Añ rơp ơn mơngàn hơ̆ tòm tê ală cau lơh bòl glar jê sồt di bol mê, hơ̆ la ală cau đơs mơ bol mê lah: ‘Bic tĕ hơđơm nàng bol hi lòt hơđang bol mê.’ Mơ bol mê neh lơh ngkòi bol mê dê gơlik gơs be ù, mơ kung be gùng bol khai in lòt hơđang.”

Jeremi 1:5

“Lài mơ tŭ crơng mòn mê tòm kơndul mè, Añ neh git mê rau; Lài mơ tŭ mê geh deh, Añ neh ơn is mê, bơtào mê lơh gơs cau gơnoar hwơr ală lơgar in.”

Jeremi 36:2

“Ai tĕ dô dap sră, cih wơl tòm hơ̆ ală jơnau Añ neh đơs mơ mê tòmdră mơ Israel, Juda, mơ jơh ală lơgar, bơh ngai Añ rơp sơntòm đơs mơ mê, bơh rài Jôsia, jơl tus ngai do.

Jeremi 43:11

Bơtau hơ̆ rơp tus, lơh lơgar Ejiptơ Ală cau pal kong pluh plàng gen chơt bơh pluh plàng, Ală cau pal lơh dĭ gen kup cèng gơs dĭ, Ală cau pal kong chơt bơh pềs tà gen phi pềs tà in!

Jeremi 45:5

Ai mê, mê gam jòi broă dờng he in ơ? Bañ jòi tai, bơh do, Añ rơp tơndùh bơta rung rài hơđang jơh ală jơi poac să in; ai mê, bulah mê lòt tiah lơi, Añ kung rơp sền gàr bơta kis mê be phan dòp geh bơh bơta tòmlơh.’” Yàng Jehôwa đơs behơ̆.

Jeremi 46:1

Gơs jơnau Yàng Jehôwa đơs mơ cau gơnoar hwơr Jeremi bơh ală làng bol.

Jeremi 48:26

Lơh tĕ gơ in bơñul, bơh gơ neh yò tơngguh să he nàng tòmdră mơ Yàng Jehôwa. Môap rơp tram să tòm bơta gơtuh hă, kung lơh gơs kai cau in dơñŏ tơnhial.

Jeremi 49:12

Yàng Jehôwa đơs be do: “Ală cau ò di hùc mơngàn do, ngan rơp hùc gơ; mơ mê rgơi klàs bơh bơta lơh glài ơ? Mê rơp ò klàs bơh bơta lơh glài, mê ngan rơp hùc mơngàn hơ̆.”

Jeremi 51:7

Babilôn la dô nơm mơngàn màh tòm tê Yàng Jehôwa, Lơh jơh ală lơgar tòm plai ù in bơñul; Ală lơgar neh ñô tơrnòm gơ, Tài bơh hơ̆ tàng ală lơgar gơlik lu sơnrang.

Ejekiel 23:32

Jehôwa Yàng Tom Trồ đơs be do: ‘Ai rơp hùc mơngàn bi ùr ai dê, la mơngàn dờng mơ jrô; gơ rơp cèng tus bơta sền òsơp mơ bơta dơñŏ tơnhial, ơn oă ngan tòm gơ.

Ejekiel 23:33

Ai rơp gơs bềng bơta bơñul lơmbè mơ moat jrùng, hơ̆ la mơngàn rơngòt rngơt mơ sang lòi ngềt ngơt, mơngàn bi ùr Samari ai dê.

Ejekiel 29:12

Añ rơp lơh lơgar Ejiptơ gơlik gơs dô nơm lơgar srau gòi ơm digùl ală lơgar srau gòi, mơ ală ƀòn dờng gơ dê rơp ơm srau gòi tòm poan jơt sơnam digùl ală ƀòn dờng tơrlah tơrling. Añ rơp lơh nrah nring cau Ejiptơ tòm ală làng bol, mơ rsìh bol khai tòm ală lơgar.

Ejekiel 36:5

Gen tàng Jehôwa Yàng Tom Trồ đơs be do: ‘Añ neh đơs tòm bơta ƀoah pơrhiat dờng Añ jê, tòmdră mơ ală làng bol gam wơl, tòmdră mơ jơh Edôm, la ală cau neh jơh nùs hòn chò sền òsơp, neh tòmpìt ù tiah Añ jê lơh gơs phan tòm bol khai dê, nàng tòmpìt ai ƀlàng ñhơt gơ dê.’

Apdia 1:16

Bơh bol mê neh ñô mơngàn bơta lơh glài hơđang mơnơm sàng goh Añ jê. Mơ jơh ală làng bol gùt dar bol mê kung rơp ñô ò dơh; bol khai rơp ñô mơ loan rau, gen bol khai rơp kong tơnroh be òhềt gơs bol khai.

Habakuk 2:16

Mê rơp geh bềng bơta ƀàssìl ala bơta gơklŏ. Tŭ do tus di mê! Ñô tĕ, mơ lòt gơsèng! Mơngàn tòm tê ma Yàng Jehôwa dê rơp tus gùt dar mê, mơ bơta ƀàssìl rơp jơm hơđang bơta gơklŏ mê dê!

Yal Tơlik 14:10

gen cau hơ̆ kung rơp ñô tơrnòm bơta gơjrañ dờng ò crài Yàng Tom Trồ dê mơ êt di mơngàn bơta gơjrañ Kơnràñ dê, mơ khai rơp kong jê sồt tòm ồs mơ siau di đap ală cau gơnrơh sàng goh mơ di đap Belàt Kòn.

Yal Tơlik 14:19

Gen cau gơnrơh tơyơr mơ̆ khai dê tòm ù mơ siat plai ño ù dê, mơ sơrbì tòm mpal dờng pat tơrnòm bơta gơjrañ dờng Yàng Tom Trồ dê.