Jeremi 25:10 - Sră Goh 2018

¹⁰ Rlau mơ hơ̆, añ rơp tă bơh mpồl bol khai jơh sap driau chò mơ hòn chò, jơh sap bơrtơu pa mơ ƀan pa, jơh jơnau ntas mpal piah mơ bơta àng ồs đèng dê.

Jeremi 25:10 Mawu Ofanana

Este 3:13

Ală sră hơ̆ geh pơyoa bơh ală cau ling cèng tus hơ jơh ală kơnhwàl lơgar cau bơtau dê, cih gơnoar sồr nàng tơnroh, tơnchơt mơ pơndut tơnlồi jơh ală cau Juda, cau pơnu mơ cau kra, cau ùr mơ kơnòm dềt, mìng tòm dô ngai la ngai jơt pe kơnhai jơt bàr la kơnhai Adar, mơ phà kơñau ală phan mơna bol khai dê.

Este 7:4

Bơh bol hi neh gơkòl tac, añ mơ làng bol añ jê rơp gơkòl tơnroh, tơnchơt mơ lơh roh rui jơh. Dilah bol hi mìng gơkòl tac nàng gơs dĭ klau dĭ ùr gen añ neh ơm mŏ mŏ, mơya bơta cau sò tơm di bol hi tơm bơtau in ò rgơi pơndròm mơ bơta roh gơcoh mơ bơtau pal kong.”

Este 8:11

Bơh ală sră pơyoa do bơtau ai gơnoar cau Juda ơm tòm kòp nơm ƀòn dờng pơjum bal mơ sền gàr bơta kis bol khai dê, geh gơnoar tơnroh, tơnchơt mơ lơh roh rui jơh ală gơnoar pràn gơrê mơ làng bol lơi hala kơnhwàl lơi at phan brồ lơh bol khai bal mơ bau kòn bol khai dê, mơ kung geh gơnoar tòmpìt ai phan mơna bol khai sơl.

Esai 47:2

Ai tĕ mpal lŭ gì kơmbuh phe; tă tĕ chèo gòm mat, srŭi tĕ ồi mbơn ai dê, lòi jơng gòi; nàng tiă dà hiòng.

Jeremi 16:9

Bơh Yàng Jehôwa Gơnap Gơnoar, Yàng Tom Trồ Israel dê, đơs be do: ‘Do, di đap bol mê, tòm rài bol mê, Añ rơp tă tơlik bơh lơgar do ală sap chò hòp mơ hòn chò, ò gam kơno sap cau bơrtơu mơ cau ƀan dê.’

Jeremi 48:33

Bơta chò hòp mơ hòn chò tă ngài, Tòm sre mơ ù tiah niam Môap dê; Añ neh pơndut tơrnòm bơh cơnòng pat ño; Bol khai rơp ò driau chò mơ pat ño tai; Bơta driau dờng bol khai dê ò di la driau chò.

Jeremi 7:34

Mơ Añ rơp tơnlồi sap bơta chò hòp mơ bơta hòn chò, sap cau bơrtơu pa mơ ƀan pa tòm ală ƀòn dờng Juda dê mơ tòm ală gùng ƀòn dờng Jerusalem dê, bơh lơgar do rơp gơlik gơs tiah lòi srau gòi.”

Ñìm Rac 5:15

Bơta hòn chò nùs bol hi dê neh dơh wơl; Bơta tòmya gơlik gơs bơta ñìm ƀồc.

Ejekiel 26:13

Añ rơp lơh ngềt ngơt jơnau đơs chò mê dê, mơ cau rơp ò tai kơno ntas ală kơñi pĕ mê dê tai.

Sră Ôse 2:11

Añ rơp pơndut jơh ală bơta pơjum chò hòp khai dê, ală ngai pơjum sa kòp nam, ală ngai Dùl lik, ală ngai Saƀat, mơ jơh ală ngai pơjum sa ndai jat be neh lơh nền.