Jeremi 24:9 - Sră Goh 2018

⁹ Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

Jeremi 24:9 Mawu Ofanana

I Ală Bơtau 9:7

gen Añ rơp tă tơlik Israel bơh di ù tiah Añ neh ai bol khai in, mơ rơp tă tơlik bơh di đap mat Añ hìu mơ Añ neh ơn is sàng goh sơnđan Añ in, mơ Israel rơp gơlik gơs jơnau đơs pơnđik mơ bơta dơñŏ tơnhial digùl jơh ală làng bol.

II Yal Yau 7:20

gen Añ rơp tă tơlik Israel bơh di lơgar mơ Añ neh ai bol khai in, mơ rơp sang lòi hìu duh khoai mơ añ neh ơn is Sơnđan Añ in. Añ rơp lơh gơ in gơlik gơs dô jơnau dơñŏ tơnhial mơ dô nơm phan sền òsơp digùl jơh ală làng bol.

Đơs Crih 69:11

Tòm tŭ añ ai bài sơnò kiat lơh gơs phan soh añ in, Gen añ gơlik gơs jơnau pơnđik bol khai in.

Esai 43:28

Behơ̆ tàng Añ rơp lơh ƀàssìl ală cau lam bồ tòm hìu duh khoai mê dê, Añ rơp phi Jakôp nàng kong tơnroh, mơ Israel nàng kong lah sơrpah.”

Esai 65:15

Bol mê rơp lòi wơl sơnđan bol mê lơh gơs dô jơnau srat rma ală cau mơ Añ neh sac rwah; mơ Jehôwa Yàng Tom Trồ rơp tơnchơt bol mê; mơya ală cau duh broă Añ jê rơp ai dô sơnđan krơi.

Jeremi 15:4

Tài bơh Manase, kòn klau Ejekia, bơtau Juda, mơ bơh ală broă khai neh lơh tòm Jerusalem, Añ rơp lơh bol khai in gơlik bơta rngòt rngơt tòm ală lơgar dunnia dê.

Jeremi 19:8

Añ rơp lơh ƀòn dờng do gơlik gơs dô nơm phan cau in dơñŏ tơnhial bơh ală bơta rung rài gơ dê.

Jeremi 25:18

Ai Jerusalem mơ ală ƀòn Juda dê, ală bơtau mơ ală kwang at bồ gơ dê, lơh bol gơ in gơlik gơs tiah sang lòi ngềt ngơt, kong sền òsơp, kong srat sơntơm kung be ngai do;

Jeremi 26:6

gen Añ rơp lơh hìu do gơlik gơs kung be Silô, mơ rơp lơh ƀòn do gơlik gơs bơta srat rma jơh ală lơgar hơđang plai ù in.’”

Jeremi 29:18

Añ rơp ai pềs tà, jơgloh rung mơ pluh plàng ting jat bol khai, rơp lơh bol khai in gơlik dô bơta rngòt rngơt digùl ală lơgar tòm dunnia, lơh gơs bơta srat sơntơm, cù kìr, dơñŏ tơnhial, ƀàssìl ƀàsso digùl ală làng bol mơ Añ neh bơtrơh bol khai tus.”

Jeremi 29:22

Kòp nă cau Juda kong kup cèng ngài tòm Babilôn rơp ai bàr nă cau hơ̆ lơh gơs dô sèng srat rma, mơ lah: ‘Dan Yàng Jehôwa lơh mê in kung be Jedekia mơ Ahap, mơ bơtau Babilôn neh buh tòm ồs!’

Jeremi 34:17

Behơ̆ gen, Yàng Jehôwa đơs be do: ‘Bol mê neh ò iat Añ, kòp nă yal oh mi he in, cau gơp ƀòn he geh khat gơboh.’ Yàng Jehôwa đơs: ‘Do, Añ yal bơta khat gơboh bol mê in, hơ̆ la lòi bol mê in khat gơboh tòm pềs tà, pluh plàng, jơgloh rung, lòi bol mê kong rngòt rngơt digùl ală lơgar tòm dunnia.

Jeremi 42:18

Ngan behơ̆, Yàng Jehôwa Gơnap Gơnoar, Yàng Tom Trồ Israel dê, đơs be do: ‘Kung be bơta gơjrañ mơ bơta gơjrañ dờng Añ jê neh dùh hơđang làng bol Jerusalem mbe lơi, gen tŭ bol mê mut tòm Ejiptơ, bơta gơjrañ Añ kung rơp tuh tơlik bol mê in kàr hơ̆; tềng hơ̆ bol mê rơp lơh kai cau in srat sơntơm, cù kìr, srat rma, mơ sền òsơp; mơ bol mê kung rơp ò gŏ tiah do tai.’

Jeremi 44:12

Añ rơp ai cau Juda gam wơl, hơ̆ la ală cau neh lơh nền lòt hơ Ejiptơ nàng ơm tềng hơ̆; jơh tơl nă bol khai rơp kong tơnroh tềng hơ̆. Tòm Ejiptơ, bol khai rơp chơt bơh bơta kơlìn hala jơgloh rung, cau dềt bal mơ cau dờng rơp chơt bơh đào mơ jơgloh rung, lơh kai cau in dơñŏ tơnhial, cù kìr, sền òsơp.

Jeremi 44:13

Añ rơp lơh glài ală cau ơm tòm lơgar Ejiptơ, kung be neh lơh glài Jerusalem mơ pềs tà, jơgloh rung, mơ pluh plàng,

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Ejekiel 23:46

Jehôwa Yàng Tom Trồ đơs be do: ‘Cèng tĕ dô mpồl cau oă tòmsò mơ bol khai, mơ jào phi tĕ bol khai tòm bơta rngòt rngơt mơ tòmpìt tòmhà.

Ejekiel 25:3

Đơs tĕ mơ cau Ammôn lah: ‘Iat tĕ jơnau Jehôwa Yàng Tom Trồ dê. Jehôwa Yàng Tom Trồ đơs be do: Tài bơh mê neh đơs lah: “Ha ha!” bơh tiah sàng goh Añ jê, tòm tŭ gơ neh gơkòl sền òsơp, mơ hơđang lơgar Israel tòm tŭ gơ kong lơh gơs tiah sang lòi srau gòi, mơ bơh cau Juda tòm tŭ khai neh kòl kup cèng pơrdô,

Ejekiel 26:2

“Ơ kòn mơnus, tài bơh Tirơ neh đơs bơh Jerusalem lah: ‘Ha ha! Mpồng dờng ală làng bol dê neh tơrlah rau! Ală mpồng gơ dê neh pò añ in; tŭ do gơ neh kòl tơnroh jơh hir mơ añ rơp geh gơbơtơl tai.’

Ejekiel 5:8

Gen tàng, Jehôwa Yàng Tom Trồ đơs be do: ‘Añ, să tòm Añ tus tòmdră mơ mê, Añ rơp cahrña mê di đap ală làng bol.

Yal Wơl 28:25

Yàng Jehôwa rơp lòi bol mê kong alah di đap ală cau sò tơm bol mê dê. Bol mê rơp bơh dô đah brồ lơh bol khai mơya rơp ntoat dô tòm poh đah, mơ bol mê rơp gơlik gơs dô nơm phan cù kìr di đap jơh ală lơgar hơđang ù.

Yal Wơl 28:37

Bol mê rơp gơlik gơs dô nơm phan rngòt cù kìr mơ dô nơm tơnggume lah pơrhơng mơ dơñŏ tơnhial jơh ală ƀòn lơgar in mơ Yàng Jehôwa neh bơtrơh bol mê tus.