Jeremi 24:7 - Sră Goh 2018

⁷ Añ rơp ai bol khai in nùs đal git Añ la Yàng Jehôwa. Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai; bơh bol khai rơp jơh nùs rê wơl mơ Añ.’

Jeremi 24:7 Mawu Ofanana

II Yal Yau 6:38

dilah bol khai jơh nùs jơh hwềng soàn git gơjrañ sang glài tòm lơgar bol khai neh kong kup cèng gơs dĭ mơ hòi dan wèt hơ lơgar mơ Kơnràñ neh ai ală ồng pàng bol khai in, ƀòn dờng mơ Kơnràñ neh sac rwah, hơ hìu duh khoai mơ añ neh bơt sơnđan Kơnràñ in;

Đơs Crih 119:2

Lơngai ală cau in prap gàr ală jơnau sồr kràñ cê Kơnràñ dê, Hơ̆ la cau jơh nùs jòi jat Kơnràñ.

Esai 51:16

Añ neh ơn ală jơnau đơs Añ jê tòm bơr bol mê, mơ neh pồn bol mê tòm mƀur mpàng tê Añ jê. Añ neh lì ală tap trồ, mơ neh lă ală mơnàng plai ù dê, mơ đơs mơ Siôn lah: ‘Bol mê la làng bol Añ jê.’”

Jeremi 11:4

la bơta Añ neh sồr ồng pàng bol mê in, tòm tŭ Añ cèng bol khai lik bơh lơgar Ejiptơ, bơh di bơnhă gơm lòs, mơ đơs lah: Iat tĕ jơnau Añ, mơ lơh jat tĕ jơh bơta Añ sồr bol mê. Behơ̆ bol mê rơp lơh gơs làng bol Añ jê, Añ rơp lơh gơs Yàng Tom Trồ bol mê dê;

Jeremi 29:10

Mơ tai, Yàng Jehôwa đơs be do: “Tŭ poh jơt sơnam neh tơl Babilôn in, Añ rơp lòt còp bol mê, rơp lơh wil tơl jơnau ho pơgon niam mơ bol mê, mơ cèng bol mê rê wơl hơ tiah do.”

Jeremi 3:10

Bulah behơ̆, oh ùr lac lèo khai dê la Juda, kung ò rê wơl mơ Añ dô bă jơh nùs, mìng lơh ma blac lơm,” Yàng Jehôwa đơs behơ̆.

Jeremi 30:22

Behơ̆ gen, bol mê rơp lơh gơs làng bol Añ, Añ rơp lơh gơs Yàng Tom Trồ bol mê.’”

Jeremi 7:23

Mơya, gơnoar sồr do Añ neh ai bol khai: ‘Iat tĕ jơnau Añ, gen Añ rơp lơh gơs Yàng Tom Trồ bol mê dê, bol mê rơp lơh gơs làng bol Añ jê; mìng lòt tĕ tòm gùng dà Añ neh sồr bol mê, nàng bol mê in geh lơngai lơngò.’

Ejekiel 11:17

Behơ̆ gen, đơs tĕ lah: ‘Yàng Jehôwa đơs be do: Añ rơp pơjum bol mê wơl bơh digùl ală làng bol, Añ rơp cèng bol mê rê wơl bơh di ală lơgar mơ bol mê neh kong nrah nring, mơ Añ rơp ai wơl bol mê in lơgar Israel.

Ejekiel 14:11

Gen làng bol Israel rơp ò tai lòt tìs nrah bơh di Añ, kung ò tai lơh ƀơ̆ ƀơl să tòm bol khai bơh jơh ală bơta tồi glài bol khai dê. Bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê, Jehôwa Yàng Tom Trồ đơs behơ̆.”’”

Ejekiel 16:62

Behơ̆, Añ rơp bơtào bơta ho bal Añ jê mơ ai, mơ ai rơp git Añ la Yàng Jehôwa.

Ejekiel 37:23

Bol khai rơp ò tŭ lơi lơh ƀơ̆ ƀơl is să tòm bol khai dê bơh ală rùp ràk mơ bơta lơi lơh bol khai in gơlik ngkòr ngkàc, hala bơh dô nơm tồi glài lơi bol khai dê, bơh Añ rơp dong tă bol khai klàs bơh di jơh ală bơta bol khai neh tìs glài, mơ Añ rơp lơh goh bol khai. Bol khai rơp lơh gơs làng bol Añ jê mơ Añ rơp lơh gơs Yàng Tom Trồ bol khai dê.

Ejekiel 37:27

Tiah ơm sùm Añ jê rơp gơs digùl bol khai; Añ rơp gơs Yàng Tom Trồ bol khai dê, bol khai rơp gơs làng bol Añ jê.

Ejekiel 39:22

Hìu Israel rơp git Añ la Jehôwa Yàng Tom Trồ bol khai dê, bơh ngai hơ̆ tus di ală ngai rơp tus.

Sră Ôse 2:22

Ù tiah rơp ho wơl mơ kòi mbo, mơ tơrnòm pa, mơ mơñà, mơ bol gơ rơp ho wơl mơ Jejreel.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Sacari 8:8

Añ rơp cèng brê bol khai wơl nàng ơm tòm Jerusalem, bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê tòm bơta dòn song mơ song ring.”

Rôma 6:17

Mơya ưnngài Yàng Tom Trồ, bơh tơnơ̆ mơ tŭ oh mi neh ơm dĭ gơna tồi glài dê, gen neh jơh nùs dòn bơr kơr sơnoa bơta bơto dê neh jào oh mi in.

Hebrơ 11:16

Mơya tŭ do bol khai jơh nùs kơp kòñ dô nơm lơgar niam rlau, hơ̆ la lơgar hơđang trồ; gen tàng Yàng Tom Trồ ò ƀàssìl geh sơnđan la Yàng Tom Trồ bol khai dê, bơh Kơnràñ neh rcang sir bol khai in dô nơm ƀòn dờng.

Hebrơ 8:10

Yàng đơs tai lah: “Do la bơta ho bal Añ rơp bơtào bal mơ hìu Israel, Tơnơ̆ mơ ală ngai hơ̆: Añ rơp ơn bơta boh lam Añ jê tòm dơngoh bol khai dê, Mơ cih gơtòm nùs bol khai; Añ rơp la Yàng Tom Trồ bol khai dê, Mơ bol khai rơp la làng bol Añ jê.

I Samuel 7:3

Samuel đơs mơ jơh hìu Israel lah: “Dilah ală bol mê jơh nùs rê wơl hơ Yàng Jehôwa, gen sang tĕ ală yàng lơgar bơdìh mơ Astarte bơh digùl bol mê, ơn tĕ song nùs bol mê dê Yàng Jehôwa in, mơ mìng duh broă Kơnràñ lơm, gen Kơnràñ rơp dong tă bol mê bơh di tê cau Philistin.”