Jeremi 24:2 - Sră Goh 2018

² Dô nơm tòm bàr nơm bài geh ơn ală plai chi ƀal niam ngan, kung be plai chi ƀal bồ sơnam; ai dô nơm bài ne gen ơn plai ò niam dô êt lơi, iơh ngan tian gơs ò rgơi sa.

Jeremi 24:2 Mawu Ofanana

Esai 5:4

Ñchi Añ rơp lơh tai suơn ño Añ in mơ Añ ò lơh gơ in taih? Tòm tŭ Añ kơp gơn plai ño niam, ñchi bơh tài gơlik plai ño brê behơ̆ taih?

Esai 5:7

Suơn ño Yàng Jehôwa Gơnap Gơnoar Dờng dê, hơ̆ la hìu Israel, mơ làng bol Juda la ală chi tam Kơnràñ kòñ gơboh. Kơnràñ kơp gơn bơta song ngan, mơya neh gŏ bơta lơh gơhòr mhàm; kơp gơn bơta song ring, mơya neh kơno jơnau nggà ñìm jê sồt bòl glar.

Jeremi 29:17

Behơ̆, do la jơnau Yàng Jehôwa Gơnap Gơnoar đơs: “Ngan, Añ rơp sồr pềs tà, jơgloh rung, mơ pluh plàng tus hơđang bol khai, rơp lơh bol khai in tòm toh be ală plai chi ƀal ồm, tian gơs cau ò rgơi sa.

Sră Ôse 9:10

Tòm tŭ Añ jòi bàn Israel, kung be jòi bàn tơrkum plai ño tòm ƀlàng ngềt ngơt; tòm tŭ Añ gŏ ală ồng pàng bol mê dê, gen kung be gŏ plai chi ƀal gơlik plai sơnròp tòm bồ sơnam. Mơya bol khai neh lòt tus hơ Baal Pheô, bol khai ơn să tòm bol khai rùp ràk ƀàssìl ƀàsso in, mơ gơlik gơs cù kìr kung be phan mơ bol khai neh kòñ gơboh.

Mice 7:1

Bòl glar añ in! Bơh añ be dô nă cau dòñ plai tơnơ̆ mơ kơnhai prang, tơnơ̆ mơ tŭ cau neh pic plai ño neh dòñ plai ño; ò gơs dô dơrkum lơi nàng sa, plai ƀal bồ sơnam mơ hwềng nùs añ kơp kòñ kung ò geh.

Nahum 3:12

Jơh ală theng kơ̆ cê ai la kung be ală tòm chi ƀal gơs plai bồ sơnam neh dum, dilah cau rơnggô gơ gen plai gơrung gơdùh tơn di bơr cau sa gơ.

Khà Làng Bol 18:13

Jơh ală plai bồ sơnam lơgar dê mơ bol khai cèng Yàng Jehôwa in gen gơrê bal mơ mê. Kòp nă cau tòm hìu nhă mê dê geh goh jat bơta sồr lam duh khoai gen rgơi sa gơ.

Mathiơ 5:13

“Bol mê la boh ù dê, mơya dilah roh ƀă, gen ai ñchi nàng lơh gơ in bă wơl taih? Gơ ò diơng ngui tai, mìng sang hơ bơdìh mơ cau jă dê gơ.