Jeremi 24:10 - Sră Goh 2018

¹⁰ Añ rơp sồr pềs tà, jơgloh rung, pluh plàng tus hơđang bol khai, jơl tus di tŭ bol khai kong tơnroh jơh hir bơh lơgar Añ neh ai bol khai in bal mơ ồng pàng bol khai dê.’”

Jeremi 24:10 Mawu Ofanana

I Ală Bơtau 14:15

Yàng Jehôwa rơp pòng lơh Israel, be dô nơm tòm proh ơwañ tòm dà, Kơnràñ rơp dus Israel bơh lơgar niam do mơ Kơnràñ neh ai ồng pàng bol khai in, mơ sơmprih bol khai đah ne hiòng Ơphrat, tài bơh bol khai neh bơtào jrong Asera, bơrcek Yàng Jehôwa gơjrañ.

Esai 51:19

Bàr bơta rung rài do gơdùh hơđang bol mê, ñcau rgơi nđàc sơngit di bol mê taih? bơta tơrlah tơrlơm mơ bơta tơnroh, bơta jơgloh rung mơ pềs tà, ñcau rgơi pơndòm pơniang bol mê taih?

Jeremi 14:12

Bulah bol khai ơt sa, Añ rơp ò iat jơnau hòi dan bol khai dê; tŭ bol khai ơn phan ơn chu mơ phan ơn kòi mbo, Añ ò dòp bol khai sơl; mơya Añ rơp tơnroh bol khai mơ đào, jơgloh rung, mơ pluh plàng.”

Jeremi 15:2

Dilah bol khai lùp mê lah: ‘Ntềng đah bol hi rơp lòt taih?’ gen đơs tĕ mơ bol khai lah: Yàng Jehôwa đơs be do: ‘Ală cau neh rcang lòi pluh plàng in, pal kong pluh plàng; Ală cau neh kong pềs tà in, pal kong pềs tà; Ală cau neh rcang lòi jơgloh rung in, pal kong jơgloh rung; Ală cau neh rcang lòi kong kup cèng pơrdô ngài, pal kong kup cèng pơrdô.’”

Jeremi 16:4

“Bol khai rơp kong pluh plàng mơ chơt; bol khai rơp ò gơs cau ñìm ƀồc mơ kung ò gơs cau tơp; ƀồc bol khai gam wơl kung be phan jă brê hơđang ù. Bol khai rơp kong tơnroh bơh pềs tà mơ jơgloh rung; ƀồc bol khai dê rơp lơh gơs phan sa sềm trồ mơ jơi phan poan jơng hơđang ù in.”

Jeremi 19:7

Tòm tiah do Añ rơp lơh roh bơta rơndap Juda dê mơ Jerusalem dê. Añ rơp lơh bol khai in gơpừ bơh đào di đap cau sò tơm, mơ bơh tê ală cau kòñ tơnroh bơta kis bol khai dê; Añ rơp phi ƀồc bol khai ală sềm trồ mơ jơi phan poan jơng tòm ù lơh gơs phan sa.

Jeremi 21:9

Cau lơi kư̆ ơm wơl tòm ƀòn dờng do rơp chơt bơh pềs tà, jơgloh rung, mơ pluh plàng; mơya cau lơi lik, kong alah mơ cau Kalde, hơ̆ la cau ơm gơrwàng bol mê; gen rơp kis, mơ bol khai rơp geh bơta kis.’

Jeremi 27:8

Dilah làng bol lơi hala lơgar lơi ò duh broă bơtau hơ̆, la Nebukatnessar, bơtau Babilôn, mơ ò ơn yô bơtau Babilôn dê di ngko he dê, gen Añ rơp ngui đào tà, jơgloh rung mơ bơta rung rài mơ lơh glài làng bol hơ̆, jơl tus di tŭ tê bơtau Nebukatnessar neh tơnroh jơh bol khai, Yàng Jehôwa đơs behơ̆.

Jeremi 29:17

Behơ̆, do la jơnau Yàng Jehôwa Gơnap Gơnoar đơs: “Ngan, Añ rơp sồr pềs tà, jơgloh rung, mơ pluh plàng tus hơđang bol khai, rơp lơh bol khai in tòm toh be ală plai chi ƀal ồm, tian gơs cau ò rgơi sa.

Jeremi 29:18

Añ rơp ai pềs tà, jơgloh rung mơ pluh plàng ting jat bol khai, rơp lơh bol khai in gơlik dô bơta rngòt rngơt digùl ală lơgar tòm dunnia, lơh gơs bơta srat sơntơm, cù kìr, dơñŏ tơnhial, ƀàssìl ƀàsso digùl ală làng bol mơ Añ neh bơtrơh bol khai tus.”

Jeremi 32:24

Ne, ală theng gơrwàng kơ̆ cê neh geh bơt gùt dar ƀòn nàng tòmpìt ai gơ. Tài bơh pềs tà, jơgloh rung, pluh plàng, gen tàng ƀòn kong phi tòm tê cau Kalde tòmlơh mơ bol khai. Bơta Kơnràñ đơs neh gơlik gơs, be Kơnràñ neh gŏ!

Jeremi 32:25

Ơ Yàng Jehôwa, Kơnràñ neh đơs mơ añ lah: “Ai tĕ khà priă blơi sre do, mơ jà ală cau lơh cơng.” Mơ ne, ƀòn dờng neh kong phi tòm tê cau Babilôn!’”

Jeremi 34:17

Behơ̆ gen, Yàng Jehôwa đơs be do: ‘Bol mê neh ò iat Añ, kòp nă yal oh mi he in, cau gơp ƀòn he geh khat gơboh.’ Yàng Jehôwa đơs: ‘Do, Añ yal bơta khat gơboh bol mê in, hơ̆ la lòi bol mê in khat gơboh tòm pềs tà, pluh plàng, jơgloh rung, lòi bol mê kong rngòt rngơt digùl ală lơgar tòm dunnia.

Jeremi 42:17

Behơ̆ gen, dilah cau lơi wèt mat mut tòm lơgar Ejiptơ nàng ơm tòp tềng hơ̆, gen rơp chơt bơh pềs tà, jơgloh rung, mơ pluh plàng. Tòm mpồl bol khai, ò gơs cau lơi gam wơl; ò gơs cau lơi klàs bơh bơta rung rài mơ Añ cèng tus hơđang bol khai.’

Jeremi 42:22

Tŭ do, pal git loh lah oh mi rơp chơt bơh pềs tà, jơgloh rung, pluh plàng, tòm tiah mơ oh mi kòñ tus mơ ơm.”

Jeremi 5:12

Bol khai neh pơndang sang Yàng Jehôwa, Mơ đơs lah: “Kơnràñ rơp ò lơh bơta lơi! Bơta rung rài rơp ò tus hơđang bol he; mơ bol he rơp ò sền gŏ đào hala bơta jơgloh rung.”

Jeremi 9:15

Behơ̆ gen tàng, Yàng Jehôwa Gơnap Gơnoar, Yàng Tom Trồ Israel dê, đơs be do: “Añ rơp ai làng bol do sa chi bơtang, mơ hùc dà gơs bih khih.

Jeremi 9:16

Añ rơp rsìh bol khai digùl ală làng bol mơ bol khai mơ ồng pàng bol khai dê òhềt git; Añ rơp sồr đào ting jat, jơl tus di tŭ neh tơnroh jơh bol khai.”

Ejekiel 33:27

Đơs tĕ bơta do mơ bol khai lah: Jehôwa Yàng Tom Trồ đơs be do: ‘Ngan be Añ kis, ală cau gam ơm tòm tiah sang lòi ngềt ngơt rơp gơpừ bơh đào, mơ ală cau ơm tòm ƀlàng gen Añ rơp jào phan brê in kap crè; mơ ai ală cau ơm tòm ală theng kơ̆ cê mơ tòm ală rgồng lŭ gen rơp chơt pluh.

Ejekiel 6:11

Jehôwa Yàng Tom Trồ đơs be do: “Tàp tĕ tê mơ ntrơm tĕ jơng mơ hòi driau lah: ‘Ơ hơh! Hơ̆ la tài bơh jơh ală bơta iơh mơ broă lơh cù kìr hìu Israel dê! Bơh khai rơp pừ chơt bơh đào, jơgloh rung mơ pluh plàng.’

Ejekiel 7:15

Đào đah bơdìh, pluh plàng mơ jơgloh rung đah dơlam; ală cau ơm tòm ƀlàng rơp chơt bơh đào; ală cau ơm tòm ƀòn dờng rơp kong bơta jơgloh rung mơ kòp jê pluh plàng sa loan.

Yal Wơl 28:21

Yàng Jehôwa rơp đùh ală bơta kòp jê jơl tus di tŭ Kơnràñ neh tơnroh bol mê bơh di ù tiah mơ bol mê neh mut mơ dòp geh.

Yal Tơlik 6:8

Mơ añ gŏ, ne, gơs dô nơm ơseh pàl pàl. Cau hào ơseh hơ̆ sơnđan la Bơta chơt, mơ Lơgar Làng ƀồc jat bơh tơnơ̆ khai. Neh ai bol khai in geh gơnoar tơnchơt dô pơnah poan tòm plai ù, la tơnchơt mơ đào, mơ jơgloh rung, mơ pluh plàng mơ ală phan poan jơng jàñ bơsak tòm plai ù.