Jeremi 24:1 - Sră Goh 2018

¹ Yàng Jehôwa yal tơnggit añ in, ne, gơs bàr nơm bài plai chi ƀal ơn di đap hìu duh khoai Yàng Jehôwa. Hơ̆ la tơnơ̆ mơ tŭ Nebukatnessar, bơtau Babilôn, neh kup Jekônia, kòn klau Jehôyakim, bơtau Juda, ală cau kwang at bồ Juda, ală cau chài lơh ală broă mơ ală cau chài tiar lòs bơh ƀòn dờng Jerusalem cèng hơ Babilôn.

Jeremi 24:1 Mawu Ofanana

II Ală Bơtau 24:10

Tòm tŭ hơ̆, ală dĭ gơna Nebukatnessar, bơtau Babilôn, lòt tus hơ Jerusalem mơ gơrwàng ƀòn dờng.

II Yal Yau 36:10

Tòm kơnhai bơkào chi che bơtau Nebukatnessar sồr cau kup khai cèng tus hơ Babilôn, bal mơ ală phan ngui kas màng bơh di hìu duh khoai Yàng Jehôwa dê, mơ bơtào wa khai la Jedekia gơs bơtau at bồ hơđang Juda mơ Jerusalem.

Esai 13:1

Do la jơnau đơs hwơr bơh Babilôn mơ Esai, kòn klau Amôs, neh gŏ:

Jeremi 13:19

Ală ƀòn dờng Negep gen neh til wơl, ò gơs cau lơi pò bol gơ. Jơh Juda kong kup cèng pơrdô, Jơh tơl nă kong kup cèng pơrdô.

Jeremi 27:20

ală phan mơ Nebukatnessar, bơtau Babilôn òhềt cèng, tŭ khai kup Jekônia kòn klau Jehôyakim bơtau Juda, bal mơ ală cau màng ryŭ tòm lơgar Juda bal mơ Jerusalem nàng cèng hơ lơgar Babilôn gơs dĭ sơl;

Jeremi 28:4

Yàng Jehôwa đơs: ‘Añ kung rơp cèng Jekônia, kòn klau Jehôyakim, bơtau Juda, mơ kòp nă cau Juda gơkòl kup cèng lơh dĭ tus tòm lơgar Babilôn, gen kung rê wơl tòm tiah do tai sơl; bơh Añ rơp dơrpă yô bơtau Babilôn dê.’”

Jeremi 29:1

Do la ală jơnau tòm sră pơyoa cau gơnoar hwơr Jeremi dê bơh ƀòn Jerusalem, pơyoa ală cau kwang kra kòl kup cèng lơh dĭ in, bal mơ ală cau gơnoar ơn phan duh khoai, ală cau gơnoar hwơr, bal mơ jơh ală làng bol mơ bơtau Nebukatnessar neh kup cèng bơh Jerusalem rê hơ Babilôn,

Jeremi 29:2

tơnơ̆ mơ tŭ Jekônia, mè cau bơtau, kwang kơndời, ală kwang dờng at bồ Juda mơ Jerusalem dê, cau chài lơh broă mơ cau chài tiar neh lik lòt ngài bơh Jerusalem rau.

Jeremi 37:1

Jedekia, kòn klau Jôsia geh bơtau Babilôn la Nebukatnessar bơtào lơh gơs cau bơtau lơgar Juda, at bồ ala Jekônia, kòn klau Jehôyakim.

Ejekiel 17:4

gơ tơrpă cồng chi pa sơmbut mơ pơrdô gơ tus hơ dô nơm lơgar cau kă bro, mơ ơn gơtòm dô nơm ƀòn dờng cau kă bro dê.

Ejekiel 19:9

Bol khai ngui gai kơlnĕ lòs mơ hwài tơmut gơtòm wàng, lồc behơ̆ cèng tus hơ bơtau lơgar Babilôn. Bol khai krơ̆ gơtòm hìu jàm, behơ̆ sap ơluh ơhùm gơ dê ò tai kơno hơđang ală mơnơm Israel.

Amôs 3:7

Ngan Jehôwa Yàng Tom Trồ ò lơh dô bơta lơi mơ ò yal tơlik bơta ndơp ndơr Kơnràñ dê mơ ală cau duh broă Kơnràñ in la ală cau gơnoar hwơr.

Amôs 7:1

Do la bơta mơ Jehôwa Yàng Tom Trồ neh sơnio añ in: Kơnràñ lơh gơs srah nting di di tŭ ñhơt sơntòm hòn wơl, hơ̆ la ñhơt hòn wơl tơnơ̆ mơ tŭ koh ñhơt bơtau dê.

Amôs 7:4

Do la bơta Jehôwa Yàng Tom Trồ sơnio añ in: Jehôwa Yàng Tom Trồ neh hòi mìu ồs nàng lơh glài; gơ sa jơh thòng dờng jrô mơ sa jơh lơgar.

Amôs 7:7

Do la bơta Kơnràñ neh sơnio añ in: Yàng Jehôwa ntào di gah dô nơm dơrñang neh bơt song mơ che rnoas mơ trà, mơ tòm tê Kơnràñ at dô dang che rnoas mơ trà.

Sacari 1:20

Gen Yàng Jehôwa sơnio añ in sền poan nă cau chài tiar

Sacari 3:1

Gen Yàng Jehôwa sơnio añ in sền gŏ cau gơnoar dờng lam bồ ơn phan duh khoai Jôsua ntào di đap cau gơnrơh Yàng Jehôwa dê, mơ Satan ñă ntào di đah ma khai nàng yă khai.