Jeremi 23:21 - Sră Goh 2018

²¹ Añ òhềt sồr ală cau gơnoar hwơr do, Mơ bol khai neh ntoat; Añ òhềt đơs mơ bol khai, Mơya bol khai neh đơs hwơr.

Jeremi 23:21 Mawu Ofanana

Esai 6:8

Gen añ kơno sap Yàng Jehôwa đơs lah: “Añ rơp sồr ñcau taih? Mơ ñcau rơp lòt bol he in taih?” Añ đơs lah: “Gơs añ do, dan sồr añ lòt!”

Jeremi 14:14

Yàng Jehôwa đơs tai mơ añ lah: “Ală cau gơnoar hwơr ai sơnđan Añ mơ đơs hwơr blac, Añ ò tŭ lơi sồr bol khai, hala òhềt ai gơnoar sồr mơ òhềt đơs mơ bol khai. Bol khai đơs hwơr bol mê in bơh dô bơta gơtơnggŏ ma blac, bơta juh proh roh lơm, mơ bơta blac pơrlồm bơh nùs is bol khai dê!”

Jeremi 23:32

Yàng Jehôwa đơs: “Do, Añ tòmdră mơ ală cau ai bơta mpau ma blac mơ đơs hwơr Yàng Jehôwa đơs, ală cau sồr bol khai mơ ală cau tề lam làng bol Añ lòt tìs gùng bơh bơta pơrlồm mơ đơs jòng să bol khai dê; bơh Añ ò sồr mơ ò bơtào bol khai; behơ̆ bol khai ò lơh kwơ dô êt lơi làng bol do in.” Yàng Jehôwa đơs behơ̆.

Jeremi 27:14

Behơ̆, bañ iat ală jơnau mpồl cau gơnoar hwơr đơs lah: ‘Bol mê rơp ò duh broă bơtau Babilôn!’ Hơ̆ la bol khai đơs hwơr ma blac bol mê in.

Jeremi 27:15

Yàng Jehôwa đơs: ‘Añ ò tŭ lơi sồr bol khai, mơya bol khai ai sơnđan Añ đơs hwơr blac; tồ Añ in bơtrơh bol mê, mơ lồi dut bol mê kong tơnroh, bol mê bal mơ ală cau gơnoar hwơr đơs hwơr bol mê in.’”

Jeremi 28:15

Chòp, cau gơnoar hwơr Jeremi đơs mơ cau gơnoar hwơr Hanania lah: “Ơ Hanania, iat tĕ! Yàng Jehôwa òhềt sồr mê, mơya mê lơh làng bol do in dòn kơnòm di bơta ma blac.

Jeremi 29:31

“Sồr yal tĕ ală bơta do kòp nă cau kong kup cèng ngài bơh lơgar in git lah: Yàng Jehôwa đơs bơh Semaya ơm tòm Nehelam be do: ‘Bơh Semaya neh đơs hwơr bol mê in, mơ Añ òhềt tŭ lơi sồr khai, mơ khai neh lơh bol mê in kơnòm di bơta ma blac,’

Jeremi 29:8

Yàng Jehôwa Gơnap Gơnoar, Yàng Tom Trồ Israel dê, đơs be do: “Bañ lòi ală cau gơnoar hwơr ma blac ơm digùl bol mê mơ ală cau sền dà pơrlồm bol mê; kung bañ iat ală bơta yal blac bơh mpau bol khai neh gŏ.

Jeremi 29:9

Tài bơh bol khai ai sơnđan Añ mơ đơs hwơr ma blac bol mê in. Añ ò tŭ lơi sồr bol khai.” Yàng Jehôwa đơs behơ̆.

Jang 20:21

Yàng Jesu đơs tai mơ bol khai lah: “Lơngap lơngai bol mê in! Bèp neh sồr Añ lòt tus be lơi, gen Añ kung sồr bol mê lòt tus behơ̆ sơl.”

Broă 13:4

Geh Yàng Hwềng Goh sồr lòt, Sol mơ Banaba mù hơ Selơsi, bơh tềng hơ̆ hào ơhò tus hơ bồt pơlào Ciprus.

Rôma 10:15

Mơ dilah ò gơs cau geh sồr lòt, gen mbe rgơi bơto yal taih? Be neh cih lah: “Ală mpàng jơng cau bơto yal Jơnau Niam la hàng mơnĕ ò git lơh!”