Jeremi 23:2 - Sră Goh 2018

² Behơ̆ gen, gơwèt hơ ală cau ê gàr làng bol Kơnràñ, gen Jehôwa Yàng Tom Trồ Israel dê đơs be do: ‘Bol mê la ală cau lơh nrah nring mpồl belàt la làng bol Añ jê mơ neh bơtrơh bol gơ, ò kơlôi rcang bơh bol gơ. Añ rơp lơh glài bol mê bơh ală broă iơh bol mê neh lơh,’ Yàng Jehôwa đơs behơ̆.

Jeremi 23:2 Mawu Ofanana

Lik Ejiptơ 32:34

Tŭ do, lòt tĕ, lam làng bol lòt tus di tiah Añ neh đơs, mơ cau gơnrơh Añ jê rơp lòt lài mơ mê. Bulah behơ̆, tòm tŭ tus di tŭ tơngai lơh glài gen Añ rơp lơh glài tài bơh tồi glài bol khai dê.”

Jeremi 10:21

Ală cau ê belàt la tùl gơla, Ò jòi jat Yàng Jehôwa. Gen tàng bol khai ò geh bơtào tơngguh, Mơ jơh ală mpồl belàt bol khai dê gen gơprah gơpring jơh.

Jeremi 11:22

Behơ̆ tàng, Yàng Jehôwa Gơnap Gơnoar đơs be do: “Do, Añ rơp lơh glài bol khai; ală cau klau pơnu rơp chơt bơh đào, ală kòn klau kòn ùr bol khai rơp chơt bơh bơta jơgloh rung;

Jeremi 13:17

Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Jeremi 13:20

Pò tĕ mat ai hơđang mơ sền; ală cau tus bơh đah đang. Ntềng đah mpồl belàt neh jào ai in? Mpồl belàt niam mơnĕ ai dê?

Jeremi 13:21

Ñchi ai rơp đơs tòm tŭ bol khai geh at bồ hơđang ai, la ală cau mơ ai neh bơto Lơh gơs cau dô bă bal mơ ai? Bơta jê sồt rơp ò sơmbat kup ai, Kung be cau ùr jê deh ơ?

Jeremi 17:10

Añ, Yàng Jehôwa, sền sơwì tòm dơngoh, Lòng tòm nùs, Tơm wơl kòp nă cau in jat gùng bol khai lòt, Cồng nha jat ală broă lơh bol khai dê.”

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 23:34

Ai ală cau gơnoar hwơr, cau gơnoar ơn phan duh khoai, mơ làng bol đơs ‘Ơnòng kơnjơ̆ Yàng Jehôwa dê,’ gen Añ rơp lơh glài cau hơ̆ mơ hìu khai dê.

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Jeremi 5:29

Yàng Jehôwa đơs: “Añ rơp ò lơh glài bol khai bơh ală bơta hơ̆ ơ? Mơ Añ rơp ò cèng bơta sal tê hơđang dô nơm lơgar behơ̆ ơ?

Jeremi 5:9

Añ rơp ò lơh glài bơh ală bơta hơ̆ ơ? mơ Añ rơp ò cèng bơta sal tê lơh glài, hơđang dô nơm lơgar behơ̆ ơ? Yàng Jehôwa đơs behơ̆.

Jeremi 8:12

Bol khai neh lơh broă ƀàssìl ngan, bol khai tìs bơta cù kìr, mơya bol khai ò git ƀàssìl ƀàsso bol khai ò gơlơh dum mat sơl. Behơ̆ gen tàng, bol khai rơp gơpừ bal mơ ală cau gơtup pừ. Tus di ngai Añ lơh glài bol khai, bol khai rơp kong tuh tơlup.’” Yàng Jehôwa đơs behơ̆.

Ejekiel 34:5

Behơ̆ bol gơ nrah nring tài bơh ò gơs cau ê; mơ tòm tŭ neh nrah nring gen bol gơ gơlik gơs phan sa jơh ală phan brê in.

Sră Ôse 2:13

Añ rơp lơh glài khai bơh ală ngai mơ khai neh chu kơlhô ală rùp ràk Baal in, khai bơka să mơ bơno tồr bal mơ ală lŭ màng, khai lòt jat ală cau khai tòmtir, ai Añ gen khai neh lòi hŭi.” Yàng Jehôwa đơs behơ̆.

Mice 7:4

Cau niam rlau jơh tòm bol khai la kung be lò mrơt, cau song ring rlau jơh la iơh rlau mơ pơnggàr lò. Ngai ală cau kơp gàr bol khai dê, hơ̆ la ngai bơta lơh glài bol khai dê neh tus rau. Tŭ do bơta sơlồng sơlàng bol khai dê neh tus rềp rau.

Sacari 10:3

Bơta gơjrañ mañ Añ jê neh gơguh tòmdră mơ ală cau ê, mơ Añ rơp lơh glài ală cau at bồ; bơh Yàng Jehôwa Gơnap Gơnoar Dờng Làm Jơh rơp kơlôi rcang bơh mpồl belàt Kơnràñ dê la hìu Juda, mơ lơh bol khai in gơlik gơs kung be ơseh jak tòm bơta tòmlơh.

Sacari 11:16

Bơh Añ rơp bơtào tơngguh dô nă cau ê tòm lơgar, la cau ê rơp ò jòi belàt neh roh, ò kơlôi rcang belàt kòn, ò sơm belàt sồt rmàñ, ò siam belàt pràn, mơya rơp sa poac belàt niam rlau jơh, crè ală nđias jơng gơ dê.”

Mathiơ 25:36

Añ ơm kuh, bol mê tơnsoh Añ in, Añ kòp jê, bol mê lòt còp Añ; Añ kòl jàm, bol mê tus còp Añ.’

Mathiơ 25:43

Añ la cau nac crih, bol mê ò wă rò Añ; Añ ơm kuh, bol mê ò tơnsoh Añ in; Añ kòp jê mơ kòl jàm, bol mi ò lòt còp Añ.’

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.