Jeremi 23:19 - Sră Goh 2018

¹⁹ Sền ne, càl rbut Yàng Jehôwa dê! Hơ̆ la bơta gơjrañ dờng Yàng Jehôwa dê neh gơhào, Kung be càl wàl bong, Gơ neh khồm druh hơđang bồ ală cau iơh bơsak dê.

Jeremi 23:19 Mawu Ofanana

Đơs Crih 58:9

Lài mơ tŭ ală glah mê dê òhềt kơno duh ồs lòng mơ lò, Gen dan Kơnràñ pơs tơlik bol khai, bulah lòng gam ris hala ồs gam sa!

Jơnau Pơnđik 1:27

Tòm tŭ bơta rngòt rngơt tus hơđang bol mê be càl rbut, Bơta rung rài dùh hơđang bol mê be càl wàl bong, Bơta bòl glar moat jrùng mơ bơta kơlôi dơrcul tus hơ bol mê.

Jơnau Pơnđik 10:25

Tŭ càl rbut lòt gan, cau iơh bơsak ò gam tai: Mơya cau song ring geh bơtào kơ̆ gam sùm sùm.

Esai 21:1

Jơnau đơs hwơr bơh Ƀlàng ngềt ngơt di gah dàlềng: Be càl wàl bong khồm pơs tòm Negep, gơ tus bơh ƀlàng bràs, bơh dô nơm lơgar rngòt rngơt,

Esai 40:24

Tòm tŭ bol khai pa geh tam, pa geh sih, pa hòn ryas tòm ù, gen Kơnràñ khồm hơđang bol khai mơ bol khai ñòp ro, mơ càl wac brồng cèng pơrdô bol khai kung be rhe.

Jeremi 25:31

Jơnau nggồr rơp tus làm plai ù; bơh Yàng Jehôwa lơh nền glài tòmdră mơ ală lơgar, Bơh Yàng Jehôwa cahrña jơh ală poac să, mơ ală cau tìs glài Kơnràñ phi pềs tà in.’ Yàng Jehôwa đơs behơ̆.

Jeremi 25:32

Yàng Jehôwa Gơnap Gơnoar đơs be do: ‘Sền tĕ, bơta rung rài neh rsìh làm jơh, Bơh lơgar do tus hơ lơgar ne; Mơ càl rbut dờng neh gơlơnggac. Bơh tiah ngài rlau jơh plai ù dê.’

Jeremi 30:23

Ne sền, càl rbut dờng Yàng Jehôwa dê! Bơta gơjrañ dờng Kơnràñ dê neh tơngguh, Dô nơm càl wàl bong, gơ rơp khồm druh hơđang bồ cau iơh.

Jeremi 30:24

Bơta gơhào gơjrañ Yàng Jehôwa dê ò ruc wơl Jơl tus di tŭ Kơnràñ neh lơh wil tơl, Nùs kòñ Kơnràñ dê. Tòm ală ngai lồi dut, Bol mê rơp wă wơng ală bơta hơ̆.

Jeremi 4:11

Tòm tŭ hơ̆, rơp gơs jơnau đơs mơ làng bol do mơ Jerusalem lah: “Càl duh tus bơh Añ rơp khồm ală dòr kơlờl tòm ƀlàng bràs tus hơ làng bol rƀah Añ jê, mơya ò di nàng tòmpơr kòi, hala puh goh kòi.

Jeremi 51:1

Yàng Jehôwa đơs be do: “Ne, Añ rơp chồl dô nơm càl tơnroh guh tòmdră mơ Babilôn, Tòmdră mơ ală cau ơm tòm Lep Kamai.

Ejekiel 1:4

Añ rmê sền mơ gŏ dô ròs càl rbut tus bơh đah đang, dô puk mhwal dờng gơs ồs puhlèp, mơ gơs bơta àng gơcrà ngan gòm gơrwàng gùt dar. Digùl ồs gơlơh be lòs neh ồs sa hơng,

Ejekiel 13:13

Behơ̆ gen, Jehôwa Yàng Tom Trồ đơs be do: ‘Tòm bơta gơjrañ dờng Añ jê, Añ rơp sồr càl rbut dờng, mơ tòm bơta gơhào gơjrañ Añ jê, Añ rơp dùh lŭ piar mơ mìu dờng tơnroh lề lac jơh.

Amôs 1:14

Behơ̆ Añ rơp sing ồs chu ală dơrñang ƀòn Rapbah, ồs hơ̆ rơp sa loan jơh ală gơlang kơ̆ cê gơ dê bal mơ ală jơnau hòi driau tòm ngai tòmlơh, bal mơ càl pràn tòm ngai càl rbut dờng.

Sacari 7:14

Mơ Añ neh rsìh bol khai bơh dô nơm càl wac brồng digùl ală lơgar mơ bol khai òhềt tŭ lơi git. Ù tiah bol khai lòi wơl rơp gơkòl sang lòi ngềt ngơt tian gơs ò gơs cau lơi rgơi lòt rê, mơ dô nơm lơgar niam mơnĕ neh gơlik gơs lơgar sang lòi ngềt ngơt.”

Sacari 9:14

Gen Yàng Jehôwa rơp tơlik mat hơđang bol khai, kam Kơnràñ rơp àng gơcrà kung be puhlèp. Jehôwa Yàng Tom Trồ Gơnap Gơnoar Làm Jơh rơp uh kơlwòk; Kơnràñ rơp lòt tòm ală càl rbut đah đơm.