Jeremi 23:14 - Sră Goh 2018

¹⁴ Mơya, tòm mpồl cau gơnoar hwơr tòm Jerusalem, Añ gŏ dô bơta cù kìr rlau tai; Bol khai tìs glài rềs àr bơrnàn, cơnđòa jat bơta ma blac; Bol khai lơh pràn kơldang tê cau lơh iơh in, Tian gơs ò gơs cau lơi pơrlac sang bơta iơh. Añ sền jơh ală bol khai gơlik kung be Sôdôm, Mơ làng bol gơ dê kung be Gômôrơ.”

Jeremi 23:14 Mawu Ofanana

Sơnròp Gơlik Gơs 13:13

Mơ tai, làng bol Sôdôm la iơh bơsak mơ gơs glài dờng ngan tòmdră mơ Yàng Jehôwa.

Sơnròp Gơlik Gơs 18:20

Yàng Jehôwa đơs lah: “Tài bơh jơnau hòi driau bơh Sôdôm mơ Gômôrơ la oă ngan, tồi glài ală ƀòn hơ̆ la kơnjơ̆ ngan,

Sơnròp Gơlik Gơs 19:24

Chòp Yàng Jehôwa tơndùh mìu siau mơ ồs bơh hơđang trồ tus tòm Sôdôm mơ Gômôrơ,

Sơnròp Gơlik Gơs 19:25

tơnroh bàr ƀòn hơ̆, jơh làm ƀlàng, jơh ală làng bol bal mơ jơh ală chi ñhơt hòn tòm ù hơ̆.

Esai 9:15

Bồ hơ̆ la ală cau kwang kra mơ cau màng ryŭ; tiang hơ̆ la ală cau gơnoar hwơr bơto jơnau blac chừt.

Jeremi 14:14

Yàng Jehôwa đơs tai mơ añ lah: “Ală cau gơnoar hwơr ai sơnđan Añ mơ đơs hwơr blac, Añ ò tŭ lơi sồr bol khai, hala òhềt ai gơnoar sồr mơ òhềt đơs mơ bol khai. Bol khai đơs hwơr bol mê in bơh dô bơta gơtơnggŏ ma blac, bơta juh proh roh lơm, mơ bơta blac pơrlồm bơh nùs is bol khai dê!”

Jeremi 18:13

Behơ̆ gen, Yàng Jehôwa đơs be do: “Lùp tĕ tòm ală lơgar Gơs cau lơi neh kơno bơta behơ̆ sơl? Cau ơruh dềt Israel neh lơh broă cù kìr rlau jơh.

Jeremi 20:16

Lòi cau hơ̆ in kung be ală ƀòn Mơ Yàng Jehôwa neh phà tơrlah ò nđàc sơngit! Lòi khai in kơno jơnau ñìm rac tòm àng drim, mơ tòm tŭ nggùl ngai kơno driau tòmlơh;

Jeremi 23:17

Bol khai kư̆ yal mơ cau sền òsơp di Añ lah: ‘Yàng Jehôwa đơs, bol mê rơp geh lơngap lơngai.’ Kung đơs mơ ală cau cơnđòa jat bơta kơldang nùs he dê lah: ‘Ò gơs bơta rung rài lơi rơp gơtơntus hơđang bol mê.’

Jeremi 23:22

Dilah bol khai neh ntào tòm bơta bơyai Añ, Gen bol khai neh ràng tơlik jơnau Añ jê làng bol Añ in Mơ lơh bol khai in sang gùng iơh bol khai dê mơ broă iơh bol khai lơh.”

Jeremi 23:32

Yàng Jehôwa đơs: “Do, Añ tòmdră mơ ală cau ai bơta mpau ma blac mơ đơs hwơr Yàng Jehôwa đơs, ală cau sồr bol khai mơ ală cau tề lam làng bol Añ lòt tìs gùng bơh bơta pơrlồm mơ đơs jòng să bol khai dê; bơh Añ ò sồr mơ ò bơtào bol khai; behơ̆ bol khai ò lơh kwơ dô êt lơi làng bol do in.” Yàng Jehôwa đơs behơ̆.

Jeremi 29:21

“Yàng Jehôwa Gơnap Gơnoar, Yàng Tom Trồ Israel dê, đơs be do bơh Ahap, kòn klau Kôlayah, mơ Jedekia, kòn klau Maaseyah, la ală cau ai sơnđan Añ đơs hwơr ma blac: ‘Añ rơp phi bol khai tòm tê Nebukatnessar, bơtau Babilôn, khai rơp tơnchơt bol khai di đap mat bol mê.’

Jeremi 29:23

Tài bơh bol khai neh lơh bơta tồi glài iơh rmơh tòm Israel, neh tìs glài rềs àr bơrnàn mơ bau ùr ală cau gơp ƀòn he, mơ neh ai sơnđan Añ đơs ală jơnau ma blac mơ Añ ò tŭ lơi sồr bol khai. Să tòm Añ la Bơtau git loh mơ lơh cơng bơh bơta hơ̆.” Yàng Jehôwa đơs behơ̆.

Jeremi 36:2

“Ai tĕ dô dap sră, cih wơl tòm hơ̆ ală jơnau Añ neh đơs mơ mê tòmdră mơ Israel, Juda, mơ jơh ală lơgar, bơh ngai Añ rơp sơntòm đơs mơ mê, bơh rài Jôsia, jơl tus ngai do.

Jeremi 49:18

Gơ rơp tòm toh be bơta roh rui Sôdôm mơ Gômôrơ, mơ ală ƀòn ơm rềp mơ gơ, Yàng Jehôwa đơs behơ̆. Edôm rơp ò gơs cau ơm tai, rơp ò gơs dô nă cau ơm tềng hơ̆.

Ñìm Rac 4:6

Bơta tồi glài làng bol añ jê dờng rlau mơ bơta tồi glài Sôdôm dê, La ƀòn kong tơrlah tơrling tòm dô ơthoa, ò gơs dô nơm tê lơi ơn hơđang gơ.

Ejekiel 13:16

hơ̆ la ală cau gơnoar hwơr Israel dê neh đơs hwơr mơ Jerusalem, sền ală bơta gơtơnggŏ ring lơngai gơ in tòm tŭ ò gơs ring lơngai, Jehôwa Yàng Tom Trồ đơs behơ̆.”’

Ejekiel 13:19

Bol ai neh sền òsơp di Añ digùl ală làng bol bơh dô sơmbat kòi brà mơ dô êt piang lă. Bơh jơnau đơs blac mơ làng bol Añ jê la cau iat ală jơnau đơs blac, bol ai tơnchơt ală cau ò di pal chơt mơ lòi kis ală cau ò di pal kis.’

Ejekiel 22:25

Ală cau gơnoar hwơr gơ dê neh bơyai bơtào kai gơrmơ̆i kung be klìu triă ơluh ơhùm kap crè phan kup geh gơ dê; bol khai crè sa làng bol, tòmpìt ai ală đam jàr mơ ală phan màng, lơh gơlik gơs oă cau ùr bơnrau tòm gơ.

Sră Ôse 6:10

Tòm hìu Israel Añ neh sền gŏ dô bơta cù kìr; mơ Epraim lơh bơta dri tơlàr tềng hơ̆, Israel gơlik ƀơ̆ ƀơl.

Amôs 4:11

“Añ neh tuh tơlup cau ƀà tòm bol mê, kung be Añ neh tuh tơlup Sôdôm mơ Gômôrơ. Bol mê kung be dô nơm ntê chi neh cau sơmbat tơlik bơh di ồs, bulah behơ̆ bol mê kung ò rê wơl mơ Añ.” Yàng Jehôwa đơs behơ̆.

Mice 1:5

Jơh ală bơta hơ̆ tài bơh bơta tìs glài Jakôp dê, mơ tài bơh ală bơta tồi glài hìu Israel dê. Bơta tìs glài Jakôp dê la ñchi taih? Hơ̆ ò di la Samari ò ơ? Tiah jơnhoa hơđang Juda dê la ñchi taih? Hơ̆ ò di la Jerusalem ò ơ?

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Sôphôni 3:4

Ală cau gơnoar hwơr gơ dê pơnhừ să; la ală cau blac chừt. Ală cau gơnoar ơn phan duh khoai gơ dê lơh ƀơ̆ ƀơl tiah sàng goh mơ lơh rkwet rkwe di bơta boh lam.

Sacari 13:2

Yàng Jehôwa Gơnap Gơnoar Dờng Làm Jơh đơs lah: “Tòm ngai hơ̆, Añ rơp tă sang sơnđan ală rùp ràk bơh di lơgar, cau rơp ò tai kah bol gơ. Añ rơp tă tơlik ală cau gơnoar hwơr mơ hwềng bơta ƀơ̆ ƀơl bơh di lơgar.

Malaci 1:1

Dô jơnau gơnoar hwơr. Jơnau Yàng Jehôwa đơs mơ Israel bơh Malaci.

Mathiơ 11:24

Mơya Añ đơs mơ bol mê, tòm ngai cahrña, Sôdôm rơp kong nggòc rlau mơ mê.”

Yal Wơl 32:32

Chi ño bol khai dê tus bơh tòm ño Sôdôm, bơh di ală suơn ño Gômôrơ dê. Ală plai ño bol khai dê la plai bih khih, mơ ală dơrkum plai ño bol khai dê sràt bơtang.

I Timôthe 4:2

bơh bơta ma blac cau đơs blac dê, ma blac cau gơs nùs tồr tul kră.

II Pier 2:6

Dilah Kơnràñ neh lơh nền glài ƀòn dờng Sôdôm mơ Gômôrơ gơlik gơs bùh, nàng lòi krơh ală cau in ò duh rngòt tòm rài tơnơ̆.

Jude 1:7

Be Sôdôm, Gômôrơ mơ ală ƀòn dờng gùt dar kung neh jat behơ̆ mơ lơh bơta rềs àr bơrnàn mơ ting jat bơta hàm kòñ poac să dê la bơta cau ò òs lơh, gen neh kong lơh glài jàm tòm ồs gam sùm sùm, mơ lòi krơh di đap bol he.

Yal Tơlik 11:8

Ƀồc bol khai dê rơp tơmbic tòm gùng me ƀòn dờng dê, jat rùp sơnio gen sơnđan la Sôdôm mơ Ejiptơ, la tiah Yàng bol khai dê kung neh kong pơng di chi pơng.

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.