Jeremi 23:1 - Sră Goh 2018

¹ “Bòl glar ngan ală cau ê la cau tơnroh mơ lơh gơprah mpồl belàt tòm ƀlàng ñhơt Añ jê.

Jeremi 23:1 Mawu Ofanana

Jeremi 10:21

Ală cau ê belàt la tùl gơla, Ò jòi jat Yàng Jehôwa. Gen tàng bol khai ò geh bơtào tơngguh, Mơ jơh ală mpồl belàt bol khai dê gen gơprah gơpring jơh.

Jeremi 12:10

Oă cau ê belàt neh tơnroh suơn ño Añ jê, Jă trơm pơnah sre brê Añ jê, Lơh pơnah ù tiah Añ kòñ gơboh Gơlik gơs dô bă tiah srau gòi ngềt ngơt.

Jeremi 13:17

Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Jeremi 2:26

Be dô nă cau ntung kơñau ƀàssìl, tòm tŭ gơkòl kup geh, Behơ̆ sơl hìu Israel kung rơp gơkòl ƀàssìl, Bol khai, ală cau bơtau bol khai dê, ală cau kwang bol khai dê, Ală cau gơnoar ơn phan duh khoai bol khai dê, mơ ală cau gơnoar hwơr bol khai dê, kung rơp ƀàssìl behơ̆.

Jeremi 2:8

Ală cau gơnoar ơn phan duh khoai kung ò lùp: ‘Ntềng đah Yàng Jehôwa taih?’ Ală cau bơto bơta boh lam kung ò git Añ. Ală cau ê gàr neh pơrlơ̆ dră di Añ. Ală cau gơnoar hwơr ai sơnđan Baal mơ đơs hwơr, mơ lòt jat ală bơta ò gơs kwơ.”

Jeremi 22:22

Jơh ală cau ê belàt bol mê rơp kong càl khồm pơrdô ngài, Ală cau kòñ gơboh mê rơp kong kup cèng pơrdô; Gen mê rơp kong bơta ƀàssìl mơ rngòt rngơt, Bơh jơh ală broă iơh mê dê.

Jeremi 23:2

Behơ̆ gen, gơwèt hơ ală cau ê gàr làng bol Kơnràñ, gen Jehôwa Yàng Tom Trồ Israel dê đơs be do: ‘Bol mê la ală cau lơh nrah nring mpồl belàt la làng bol Añ jê mơ neh bơtrơh bol gơ, ò kơlôi rcang bơh bol gơ. Añ rơp lơh glài bol mê bơh ală broă iơh bol mê neh lơh,’ Yàng Jehôwa đơs behơ̆.

Jeremi 50:6

Làng bol Añ jê ngan la dô mpồl belàt tìs nrah; ală cau ê lam bol gơ tìs gùng, wĕ bol gơ lòt ngài hơđang ală mơnơm, lòt bơh mơnơm tus di dòr, bol gơ hŭi mpồl bol gơ dê.

Ejekiel 13:3

Jehôwa Yàng Tom Trồ đơs be do: ‘Bòl glar ngan ală cau gơnoar hwơr tùl gơla, ne la ală cau đơs jat hwềng nùs is bol khai dê, mơ ò gŏ bơta lơi ò!

Ejekiel 34:1

Gơs jơnau Yàng Jehôwa đơs mơ añ lah:

Ejekiel 34:21

Tài bơh bol mê ai wĕ ai pơnì mơ chồl, ai ngke mơ gĕ jơh ală belàt lơbơn òsô jơl tus di tŭ bol mê neh lơh gơprah gơpring jơh bol khai làm tiah ngài.

Ejekiel 34:31

Bol mê la belàt Añ jê, la belàt ƀlàng ñhơt Añ jê, mơ Añ la Yàng Tom Trồ bol mê dê,’ Jehôwa Yàng Tom Trồ đơs behơ̆.”

Ejekiel 36:38

Be mpồl belàt lơh gơs phan ơn pơdơng, be mpồl belàt tòm Jerusalem tòm ală ngai pơjum sa neh lơh nền gơ dê, behơ̆ ală ƀòn dờng tơrlah tơrlơm rơp geh bềng lìu ală mpồl làng bol. Gen bol khai rơp git Añ la Yàng Jehôwa.’”

Sacari 10:3

Bơta gơjrañ mañ Añ jê neh gơguh tòmdră mơ ală cau ê, mơ Añ rơp lơh glài ală cau at bồ; bơh Yàng Jehôwa Gơnap Gơnoar Dờng Làm Jơh rơp kơlôi rcang bơh mpồl belàt Kơnràñ dê la hìu Juda, mơ lơh bol khai in gơlik gơs kung be ơseh jak tòm bơta tòmlơh.

Mathiơ 15:14

Lòi tĕ dò bol khai; bol khai la cau jơngo mơ lam gùng. Dilah cau jơngo lam cau jơngo, gen jơh bàr nă rơp dùh tòm trồm tơrluh.”

Mathiơ 9:36

Dơ̆ Kơnràñ gŏ mpồl làng bol gen gơs nùs nđàc sơngit, bơh bol khai bòl glar, mơ nrah nring be belàt ò gơs cau ê.

Jang 10:10

Cau kơñau mìng tus nàng kơñau, hàl mơ tơnroh; ai Añ neh tus tồ belàt in geh bơta kis mơ bơta kis tơngkah tơngkañ.

Jang 10:12

Cau ê ơpah ò di la cau ê; belàt ò bal mơ khai, gen tàng tŭ gŏ so rhau tus, gen khai sang belàt mơ dô. So rhau kap belàt mơ lơh gơprah gơpring jơh.

Jang 10:8

Jơh ală cau neh lòt tus lài mơ Añ hơ̆ la ală cau ntung, cau kơñau, mơya belàt ò iat bol khai.