Jeremi 22:3 - Sră Goh 2018

³ Yàng Jehôwa đơs be do: ‘Lơh tĕ bơta song ngan mơ song ring; dong cau kong kup bơklơn klàs bơh tê cau rồn bơklơn; bañ lơh tìs mơ bañ rồn bơklơn cau ơm tòp, cau kòn đòi hala cau ùr bơnrau, mơ bañ lơh gơtuh mhàm ò gơs glài tòm tiah do.

Jeremi 22:3 Mawu Ofanana

II Samuel 23:3

Yàng Tom Trồ Israel dê neh đơs, Pơnai Lŭ dờng Israel dê neh đơs mơ añ lah: ‘Tòm tŭ cau lơi at bồ làng bol dô bă song ring, hơ̆ la khai at bồ tòm bơta duh rngòt di Yàng Tom Trồ,

II Ală Bơtau 24:4

mơ kung tài bơh mhàm ò gơs glài mơ khai neh lơh gơtuh; bơh khai neh lơh Jerusalem in bềng mhàm ò gơs glài, gen Yàng Jehôwa ò toh glài khai in.

Sră Jop 22:9

Ồng neh bơtrơh ală cau ùr bơnrau rê mpàng tê gòi, Mơ bơta gơn kơnòm ală cau kòn đòi dê ồng neh tơnlề.

Sră Jop 24:9

Gơs cau tòmpìt kòn đòi tòm tŭ ơm pô toh; mơ kup bơrkòl kòn cau rƀah.

Đơs Crih 68:5

Yàng Tom Trồ ơm tòm tiah sàng goh Kơnràñ dê, La Bèp ală cau kòn đòi dê, mơ la Cau cahrña song ring ală cau ùr bơnrau in.

Đơs Crih 82:4

Dong tă tĕ cau rƀah lơòi mơ cau siơ̆u siar, Dong tĕ bol khai klàs bơh di tê cau iơh bơsak.”

Đơs Crih 94:21

Bol khai gơs dô bă bal tòmsò di bơta kis cau song ring dê, Mơ lơh nền glài chơt di cau ò gơs glài.

Đơs Crih 94:6

Bol khai tơnchơt cau ùr bơnrau mơ cau crih mat, Mơ tơnchơt ală cau kòn đòi.

Lik Ejiptơ 22:21

Bañ gơwèt ò niam hala rồn bơklơn dô nă cau làng bơdìh, bơh bol mê neh la cau làng bơdìh tòm Ejiptơ.

Lik Ejiptơ 22:22

Bañ bơklơn dô nă cau ùr bơnrau hala dô nă cau kòn đòi nàng lơh gơlik cồng nha he in.

Jơnau Pơnđik 23:10

Bañ ntròn ală jrong tềl nhàr yau, bañ mut tòm ƀlàng sre cau kòn đòi dê;

Jơnau Pơnđik 6:17

Gar mat pơnhừ să, lơmpiat lac lèo, tê lơh gơhòr mhàm ò gơs glài;

Esai 1:23

Ală cau kwang at bồ ai dê la cau pơrlơ̆ dră, lơh yô mơ cau ntung kơñau, jơh tơl nă bol khai hàm kòñ phan sa loă, mơ jòi ală phan ai gòi. Bol khai ò dong tò cau kòn đòi, ò pơnring bơta cau yă cau ùr bơnrau.

Esai 58:6

Hơ̆ la bơta mơ bol mê sơnđan la bơta ơt sa, la dô ngai geh Yàng Jehôwa niam nùs dòp rò, sơl ơ? Hơ̆ ò di la bơta ơt sa mơ Añ neh sac rwah: Nàng hồ ală che sreng ò song ring, hồ ală che kơt di yô, nàng lòi ală cau kong rồn bơklơn lòt khat gơboh, mơ dơrpă kòp nơm yô ò ơ?

Esai 58:7

Hơ̆ ò di la tòmpà phan sa bol mê dê cau jơgloh in, mơ cèng cau rƀah ò gơs hìu ơm mut tòm hìu bol mê dê, tòm tŭ bol mê gŏ cau ơm kuh lòi rồ gen tơnsoh khai in, mơ ò pồn mat bơh di ală cau gơp bơtiàn bol mê dê ò ơ?

Jeremi 19:4

Tài bơh làng bol neh sang lòi Añ, neh lơh ƀơ̆ ƀơl tiah do tòm tŭ bol khai ơn phan duh khoai yàng ndai in tềng hơ̆, mơ bol khai hala ồng pàng bol khai dê, hala ală bơtau Juda dê kung òhềt git, mơ tài bơh bol khai neh lơh gơtuh bềng mhàm ò gơs glài tềng do.

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 22:17

Mơya mat mơ nùs mê Mìng jòi cồng nha ƀơ̆ ƀơl, Lơh gơtuh mhàm cau ò gơs glài, Mơ lơh bơta rồn bơklơn iơh rmơh.’”

Jeremi 26:16

Ală kwang at bồ mơ jơh làng bol, đơs mơ ală cau gơnoar ơn phan duh khoai mơ ală cau gơnoar hwơr lah: “Cau do ò di pal chơt; bơh khai ai sơnđan Jehôwa Yàng Tom Trồ bol he dê mơ đơs mơ bol he.”

Jeremi 5:28

Bol khai lơmă mơ gơlik dờng. Bol khai git ò gơs lơh nền nhàr bơta iơh bol khai dê. Bol khai ò cahrña song ring gơrê mơ kòn đòi, nàng geh kwơ! Bol khai ò dong tò bơta song ring ală cau siơ̆u siar in.”

Jeremi 7:23

Mơya, gơnoar sồr do Añ neh ai bol khai: ‘Iat tĕ jơnau Añ, gen Añ rơp lơh gơs Yàng Tom Trồ bol mê dê, bol mê rơp lơh gơs làng bol Añ jê; mìng lòt tĕ tòm gùng dà Añ neh sồr bol mê, nàng bol mê in geh lơngai lơngò.’

Jeremi 9:24

Mơya cau lơi jòng să la jòng să tòm bơta do, hơ̆ la bol khai wă wơng mơ đal git Añ la Yàng Jehôwa, Añ lơh broă mơ bơta kòñ gơboh kơ̆ dơn, Song ngan, mơ song ring hơđang plai ù; Bơh Añ kòñ gơboh ală bơta hơ̆.” Yàng Jehôwa đơs behơ̆.

Ñìm Rac 3:36

Tòm tŭ bơta gơlik tus mơ dô nă cau gơkòl lơh iơh - gen Yàng Jehôwa ò sền gŏ ơ?

Ejekiel 18:12

Khai rồn bơklơn cau rƀah lơòi mơ cau siơ̆u siar, mơ khai tìs glài ntung kơñau. Khai ò ai wơl phan ai bồ cau ai khai in, khai wèt sền di ală rùp ràk mơ lơh ală bơta cù kìr.

Ejekiel 18:7

Khai ò rồn bơklơn cau lơi ndai, mơya tơm wơl phan ai bồ cau kòl dồs mơ khai. Khai ò kơñau phan lơi cau dê, mơya pà phan sa khai dê cau jơgloh in mơ ai phan soh cau ơm kuh in.

Ejekiel 22:7

Digùl ai, cau neh sền òsơp di mè bèp, digùl ai cau neh rồn bơklơn cau lơgar ndai; digùl ai cau gơwèt ò niam mơ cau kòn đòi bal mơ cau ùr bơnrau.

Ejekiel 45:9

Jehôwa Yàng Tom Trồ đơs be do: ‘Tơl rau, Ơ ală cau bơtau Israel dê! Sang tĕ bơta jàñ bơsak mơ bơta rồn bơklơn ngài bơh làng bol Añ jê mơ lơh tĕ bơta song ring mơ di ngan. Dơh tĕ, bañ bơtrơh tơlik tai làng bol Añ jê, Jehôwa Yàng Tom Trồ đơs behơ̆.’”

Jôel 3:19

Mơya Ejiptơ rơp gơlik gơs tiah sang lòi ngềt ngơt, Edôm rơp gơlik gơs ƀlàng ngềt ngơt srau gòi, tài bơh bol khai lơh bơta iơh bơsak gơwèt hơ làng bol Juda mơ lơh gơtuh mhàm ò gơs glài tòm ù tiah hơ̆.

Lebi 19:15

Bañ lơh rkwet rkwe bơta song ring; bañ bơklơn cau rƀah lơòi hala dong tò cau pas sơm, mơya cahrña tĕ song ring cau gơp ƀòn mê in.

Amôs 5:15

Gơjrañ kơuềng tĕ di bơta iơh mơ kòñ gơboh tĕ di bơta niam; mơ bơt bơtào tĕ bơta song ring di mpồng ƀòn dờng. Digơlan Jehôwa Yàng Tom Trồ Gơnap Gơnoar Dờng Làm Jơh rơp ai bơta nđàc gơwèt hơ ală cau gam wơl Jôsep dê.

Amôs 5:24

Mơya lòi tĕ bơta song ngan hòr lik kung be dà, mơ bơta song ring kung be croh dà hòr sùm sùm!

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 23:23

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê ơn pơnah jơt tòm biap trau, biap ƀô mơ biap krồng, mơ sang lòi bơta dờng màng rlau tòm bơta boh lam, la bơta song ring bơta kòñ nđàc, mơ bơta dòn. Ală bơta do bol mê pal lơh, mơ kung ò di lơh ñhòt ală bơta ne sơl.

Yal Wơl 10:18

Kơnràñ dong tò ală cau kòn đòi mơ ală cau ùr bơnrau, kòñ gơboh làng bol bơdìh, ai khai in phan sa mơ ào soh.

Yal Wơl 24:17

Bañ gơwèt ò song ring mơ cau làng bơdìh hala cau kòn đòi, hala ai ào jrùh cau ùr bơnrau dê nàng lơh gơs phan cơng tàng.

Yal Wơl 24:7

Dilah dô nă cau gơkòl kup tòm tŭ khai kup òm dô nă oh mi cau Israel khai dê, mơ lơh di khai kung be cau dĭ hala tac khai, gen cau kup khai pal kong tơnchơt. Bol mê pal tă sang bơta iơh bơsak bơh digùl bol mê.

Yal Wơl 25:1

Tòm tŭ bàr đah gơs bơta tòmlah tòmring bal, bol khai pal cèng bơta hơ̆ tus dê tiah cahrña mơ ală cau kwang rơp cahrña, dong tò cau ò gơs glài mơ lơh nền glài cau tìs glài.

Yal Wơl 27:19

‘Pal srat sơntơm cau lơi ò lơh bơta song ring gơwèt hơ cau làng bơdìh, cau kòn đòi hala cau ùr bơnrau.’ Gen jơh làng bol rơp đơs lah: ‘Amen!’

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.