29 Ơ ù tiah, ù tiah, ù tiah! Iat tĕ jơnau Yàng Jehôwa dê.
Ơ ală lơgar, tus rềp tĕ mơ ơm iat; ơ ală làng bol, ơn tĕ tồr iat; Plai ù mơ jơh ală phan tòm gơ, dunnia mơ jơh ală phan geh tơnggơs bơh gơ, iat tĕ!
Ơ ù tiah, iat tĕ! Do, Añ rơp cèng bơta rung rài tus hơđang làng bol do, cồng nha bơh ală kai gơrmơ̆i bol khai dê, Tài bơh bol khai ò bài ai tồr iat ală jơnau Añ jê, Mơ bơh bơta bơto sồr Añ jê bol khai neh sang lòi gơ.
Gen Kơnràñ đơs mơ añ lah: “Đơs hwơr tĕ mơ ală ntìng do mơ đơs mơ bol gơ lah: ‘Ơ ală ntìng ro, iat tĕ jơnau Yàng Jehôwa dê.’
“Ơ jơh ală làng bol, iat tĕ! Ơ plai ù mơ jơh ală cau ơm tòm plai ù, ơm iat tĕ! Lòi tĕ Jehôwa Yàng Tom Trồ lơh cơng tòmdră mơ bol mê, Yàng Jehôwa bơh Hìu Duh Khoai Sàng Goh Kơnràñ dê.
Tŭ do cih tĕ mê in jơnau đơs chò do, mơ bơto ală cau Israel in; mơ sồr bol khai đơs chò jơnau hơ̆ tồ gơlik gơs dô jơnau lơh cơng tòmdră mơ làng bol Israel.
“Ơ ală tap trồ, ơm iat tĕ, mơ añ rơp đơs; Ơ plai ù, ai tồr iat tĕ ală jơnau đơs bơr añ jê.
Añ hòi trồ mơ tiah lơh cơng tòmdră mơ bol mê tòm ngai do la bol mê rơp kong roh rui mhar bơh di ù tiah mơ bol mê neh tiă Jordan nàng dòp lơh gơs sre brê. Bol mê rơp ò kis jŏ tòm lơgar hơ̆ mơ ngan la rơp kong tơnroh.
