Jeremi 22:26 - Sră Goh 2018

²⁶ Añ rơp bơtrơh mê bal mơ mè neh deh mê tus tòm dô nơm lơgar ndai, ò di la tiah neh deh mê, mơ mê rơp chơt tềng hơ̆.

Jeremi 22:26 Mawu Ofanana

II Ală Bơtau 24:15

Khai cèng Jehôyakin tus hơ Babilôn; mè bơtau, ală bau ùr bơtau, ală cau kwang, ală cau jak chài tòm lơgar dê, khai kup cèng jơh hơ Babilôn.

II Ală Bơtau 24:8

Jehôyakin neh jơt phàm sơnam tòm tŭ khai sơntòm at bồ; khai at bồ pe kơnhai tòm Jerusalem. Mè khai sơnđan la Nehusta, kòn ùr Elnathan ơm tòm Jerusalem.

II Ală Bơtau 25:27

Tòm nam dơ̆ pe jơt poh Jehôyakin bơtau Juda kòl kup cèng, ngai bàr jơt poh kơnhai jơt bàr, Ebilmerodak bơtau Babilôn, tòm nam hơ̆ khai sơntòm at bồ, khai hồ toh Jehôyakin bơtau Juda lik bơh hìu jàm.

II Ală Bơtau 25:29

Behơ̆ Jehôyakin hồ ào jàm, kòp ngai tòm rài kis khai geh sa hơđang cơnòng bal mơ bơtau.

II Ală Bơtau 25:30

Bơh bơta ai gơnoar bơtau dê, kòp ngai bơtau rcang ai phan ngui sa khai in jơl jơh rài kis Jehôyakin dê.

Esai 22:17

Yàng Jehôwa rơp sơrbì mê jàñ bơsak ngan, ơ cau klau añ jê! Kơnràñ rơp gơrwàng mê kơ̆ ngan.

Jeremi 10:18

Bơh Yàng Jehôwa đơs be do: “Di di tŭ do, Añ rơp sang sơrbì làng bol lơgar do, Añ rơp cèng bơta bòl glar hơđang bol khai, Nàng bol khai kah rngal wơl.”

Jeremi 13:18

Đơs tĕ mơ bơtau mơ mè bơtau dê lah: “Nggui tĕ tòm tiah liah; Bơh sơgơn bơtau hàng mơnĕ, neh gơdùh bơh bồ bol mê dê rau.”

Jeremi 16:13

Gen tàng Añ rơp sơrbì bol mê lik bơh lơgar do, mut tòm dô nơm lơgar mơ bol mê bal mơ ồng pàng bol mê dê kung òhềt tŭ lơi git, tềng hơ̆ bol mê rơp duh broă ală yàng hơ̆ mang mơ ngai; bơh Añ ò yal tơlik bơta nđàc bol mê in tai.’”

Jeremi 22:27

Mơya bol khai rơp ò geh rê wơl hơ lơgar mơ bol khai kơp kòñ rê wơl.”

Jeremi 28:4

Yàng Jehôwa đơs: ‘Añ kung rơp cèng Jekônia, kòn klau Jehôyakim, bơtau Juda, mơ kòp nă cau Juda gơkòl kup cèng lơh dĭ tus tòm lơgar Babilôn, gen kung rê wơl tòm tiah do tai sơl; bơh Añ rơp dơrpă yô bơtau Babilôn dê.’”

Jeremi 29:2

tơnơ̆ mơ tŭ Jekônia, mè cau bơtau, kwang kơndời, ală kwang dờng at bồ Juda mơ Jerusalem dê, cau chài lơh broă mơ cau chài tiar neh lik lòt ngài bơh Jerusalem rau.

Jeremi 44:14

tian gơs tòm ală cau Juda gam wơl lòt tus ơm tòm Ejiptơ, gen ò gơs cau lơi lik klàs, hala gam kis, nàng rê wơl hơ lơgar Juda. Bulah bol khai kòñ ngan rê wơl kis tềng hơ̆, bol khai rơp ò rê wơl, mìng la dô êt nă cau neh dô klàs lơm.’”