Jeremi 22:23 - Sră Goh 2018

²³ Mê la cau ơm tòm Liban lơh rsòn tòm chi pơnggŏ ne, Ngan mê rơp rơnđơh tòm tŭ bơta jê sồt tus hơđang mê, Jê sồt kung be cau ùr jê deh.”

Jeremi 22:23 Mawu Ofanana

Jeremi 21:13

Yàng Jehôwa đơs: ‘Do, ơ ală cau ơm tòm thòng, Ơ pơnai lŭ tòm ƀlàng ring ne, Añ tòmdră mơ bol mê, La ală cau khin đơs lah: Ñcau rơp mù tòmdră mơ bol he? Ñcau rgơi mut tòm tiah bol he ơm crŭ taih?’”

Jeremi 22:6

Do la jơnau Yàng Jehôwa đơs bơh gơlang bơtau Juda dê: ‘Añ sền mê kung be Galaat, Kung be bồ mơnơm Liban, Mơya Añ srat să lah Añ rơp lơh mê in gơlik gơs ƀlàng bràs, gơlik gơs dô nơm ƀòn dờng ò gơs cau ơm.

Jeremi 3:21

Gơs jơnau đơs bơh hơđang ală dòr kơlờl: Hơ̆ la sap kòn sau Israel ñìm rac, Tài bơh bol khai neh lơh rkwet rkwe gùng bol khai dê; bol khai neh hŭi Jehôwa Yàng Tom Trồ bol khai dê.

Jeremi 48:28

Ơ làng bol Môap, Sang lòi tĕ ală ƀòn, mơ lòt ơm tòm trồm lŭ; Kung be sềm ntòp Lơh rsòn hơđang bơr cìr jrô.

Jeremi 49:16

Ơ cau ơm tòm rgồng lŭ dờng, Neh sơmbat geh bồ mơnơm ne, Kòp he la pal rngòt, Nùs pơnhừ să neh pơrlồm mê; Bulah mê lơh rsòn mê hơđang kung be rsòn klàng bung, Añ kung lơh mê in bơh hơ̆ dùh hơđơm, Yàng Jehôwa đơs behơ̆.

Jeremi 6:24

“Bol he neh kơno jơnau yal bơh bol khai, Tê bol hi gơrung ò gơs bơta dong kòl; Bơta jê sồt sơmbat kup bol hi, Bơta jê sồt be dô nă cau ùr deh kòn.

Ejekiel 17:3

Đơs tĕ lah: ‘Jehôwa Yàng Tom Trồ đơs be do: Gơs dô nơm klàng bung dờng gơs ală pơnđar dờng mơ sơnò jòng, să gơ gơs sơnò oă bơnga; gơ par tus di Liban. Gơtă cèng cồng chi nho rề,

Sră Ôse 5:15

Gen Añ rơp rê wơl hơ tiah ơm Añ jê, jơl tus di tŭ bol khai đal git tồi glài bol khai dê, mơ jòi jat muh mat Añ; Tòm bơta bòl glar, bol khai rơp jơh nùs rac dan bơta niam nùs Añ jê.

Sră Ôse 7:14

Bol khai ò hòi dan mơ Añ bơh nùs bol khai dê, mơya bol khai pơt wòl hơđang cơnòng bic bol khai dê. Bol khai còr să tòm bol khai nàng dan kòi mi mơ tơrnòm, bol khai pơrlơ̆ dră di Añ.

Amôs 9:2

Bulah bol khai tò jrô tòm tiah bơtô ƀồc, tềng hơ̆ tê Añ rơp tă tơlik bol khai; bulah bol khai hào guh tus hơđang trồ, Añ rơp cèng tơmù bol khai bơh tềng hơ̆.

Apdia 1:4

Bulah mê par jơnhoa hơđang kung be klàng bung, bulah mê lơh rsòn mê dê digùl ală sơmañ, Añ kung rơp cèng tơmù mê bơh tềng hơ̆,” Yàng Jehôwa đơs behơ̆.

Habakuk 2:9

Bòl glar ngan cau lơi in bơt hìu khai dê kơnòm di cồng nha iơh bơsak, lơh rsòn khai dê hơđang tiah jơnhoa, tồ geh klàs bơh di ală bơta tơnroh tus.

Khà Làng Bol 24:21

Gen khai gŏ ală cau Kenit mơ đơs jơnau đơs hwơr khai dê lah: “Tiah ơm sùm mê dê la kơ̆ cê, Rsòn mê dê neh ơm hơđang lŭ klềr;