Jeremi 22:22 - Sră Goh 2018

²² Jơh ală cau ê belàt bol mê rơp kong càl khồm pơrdô ngài, Ală cau kòñ gơboh mê rơp kong kup cèng pơrdô; Gen mê rơp kong bơta ƀàssìl mơ rngòt rngơt, Bơh jơh ală broă iơh mê dê.

Jeremi 22:22 Mawu Ofanana

Esai 64:6

Bol hi jơh tơl nă neh gơlik gơs kung be dô nă cau ƀơ̆ ƀơl, mơ jơh ală broă song ring bol hi dê la kung be ală ào ƀơ̆ ƀơl; bol hi jơh tơl nă ñòp ro kung be dô nơm nha, mơ tồi glài bol hi dê kung be càl khồm pơrdô bol hi roh thit.

Esai 65:13

Behơ̆ tàng Yàng Jehôwa la Yàng Tom Trồ đơs be do: “Ală cau duh broă Añ rơp sa, mơya bol mê rơp kong jơgloh; ală cau duh broă Añ rơp hùc, mơya bol mê rơp kong tơhìr; ală cau duh broă Añ rơp hòn chò, mơya bol mê rơp kong ƀàssìl ƀàsso.

Jeremi 10:21

Ală cau ê belàt la tùl gơla, Ò jòi jat Yàng Jehôwa. Gen tàng bol khai ò geh bơtào tơngguh, Mơ jơh ală mpồl belàt bol khai dê gen gơprah gơpring jơh.

Jeremi 12:10

Oă cau ê belàt neh tơnroh suơn ño Añ jê, Jă trơm pơnah sre brê Añ jê, Lơh pơnah ù tiah Añ kòñ gơboh Gơlik gơs dô bă tiah srau gòi ngềt ngơt.

Jeremi 2:36

Ñchi bơh tài mê mhar ngan tòmgơl gùng dà mê dê. Bol mê rơp gơkòl ƀàssìl bơh Ejiptơ, kung be bol mê neh ƀàssìl bơh Asiri.

Jeremi 2:37

Bơh tềng hơ̆ bol mê rơp lik lòt ngài, Mơ tê bol mê dê ơn hơđang bồ; Bơh Yàng Jehôwa sang lòi ală cau mơ mê neh dòn kơnòm, Mơ mê rơp ò geh bơtoah bơtoài bơh di bol khai.”

Jeremi 2:8

Ală cau gơnoar ơn phan duh khoai kung ò lùp: ‘Ntềng đah Yàng Jehôwa taih?’ Ală cau bơto bơta boh lam kung ò git Añ. Ală cau ê gàr neh pơrlơ̆ dră di Añ. Ală cau gơnoar hwơr ai sơnđan Baal mơ đơs hwơr, mơ lòt jat ală bơta ò gơs kwơ.”

Jeremi 20:11

Mơya Yàng Jehôwa ơm bal mơ añ kung be dô nă cau ling jak pal rngòt; Gen tàng ală cau kup kơryan añ rơp gơtup pừ, mơ bol khai rơp ò geh pha lin. Bơh bol khai rơp kong ƀàssìl dờng ngan Bol khai rơp ò geh cồng nha, Bơta sền òsơp bol khai dê sùm sùm Ò gơs tŭ lơi hŭi.

Jeremi 30:14

Ală cau kòñ gơboh mê neh hŭi mê, Ò kơlôi rcang mê in dô êt lơi; Bơh Añ neh lơh mê kong sồt kung be cau sò tơm lơh, Lơh glài mê kung be cau rhung rhang lơh glài, Tài bơh bơta tìs glài mê dờng ngan, Tồi glài mê oă ngan.

Jeremi 4:30

Ai ai, ơ cau kong sang lòi. Ñchi ai kòñ soh ào dà gur, bơka să mơ màh, Ai dà cih pih mat nàng dờng ơnàng taih? Lơh he in gơlik hàng mơnĕ, kung la ò kwơ; Cau kòñ gơboh ai sền ai òsơp, bol khai kòñ tă bơta kis ai.

Jeremi 5:13

Ală cau gơnoar hwơr mìng la càl khồm lòt gan, bơh ò gơs jơnau Yàng ơm tòm bol khai; Ală bơta hơ̆ rơp lơh gơlik gơs bol khai in.

Jeremi 7:19

Yàng Jehôwa đơs: “Añ la cau bol khai bơrcek di sơl? Hơ̆ ò di să tòm bol khai, cèng wơl bơta jê sồt bol khai in ò ơ?”

Sră Ôse 12:1

Epraim ai bơta đơs blac, hìu Israel ai bơta blac pơrlồm mơ gơrwàng Añ; mơya Juda gam lòt bal mơ Yàng Tom Trồ, mơ prap gàr bơta dòn song mơ Bơtau Sàng Goh.

Sră Ôse 13:15

Bulah khai tơnggơs oă jơi bơtiàn digùl oh mi khai, càl đah mattơngai lik rơp tus, dô nơm càl khồm tus bơh Yàng Jehôwa, guh bơh ƀlàng ngềt ngơt, mơ croh dà khai dê rơp soat mơ hiòng dà khai dê rơp rañ. Đam jàr khai dê gen cau rơp tòmpìt ai jơh ală phan màng neh prap lòi.

Sră Ôse 4:19

Dô nơm càl neh pùt bol khai tòm ală pơnđar gơ dê, mơ bol khai rơp kòl ƀàssìl tài bơh ală cơnòng duh khoai bol khai dê.

Sacari 11:17

“Bòl glar ngan cau ê ò kwơ in, la cau ê sang lòi mpồl belàt! Dan đào srơp tơwòr tê khai dê mơ gar mat đah ma khai dê! Dan tơwòr tê khai dê rơp siar tơn, mơ gar mat đah ma khai dê jơngo tơn!”

Sacari 11:8

Tòm dô kơnhai Añ neh tơlik pe nă cau ê. Mpồl belàt cù kìr di Añ, mơ Añ sơlo ngai sơlo ò jai kong tai bơh di bol gơ.