Jeremi 22:20 - Sră Goh 2018

²⁰ Guh tĕ hơ Liban mơ driau, Ai jơnau driau nggà tòm Basan; Driau tĕ bơh mơnơm Abarim! Bơh jơh ală cau kòñ gơboh mê neh kong jă tơnlề.

Jeremi 22:20 Mawu Ofanana

II Ală Bơtau 24:7

Mơ tai, bơtau Ejiptơ ò khin lik bơh lơgar khai dê tai, tài bơh bơtau Babilôn neh tòmpìt ai lơgar gơrê bal mơ bơtau Ejiptơ, bơh croh Ejiptơ jơl tus hiòng Ơphrat.

Esai 57:13

Tòm tŭ bol mê hòi dan, lòi tĕ ală rùp ràk mơ bol mê neh tơrgòm dong tă bol mê! Càl rơp cèng pơrdô jơh ală rùp ràk hơ̆, dô nhơm tă rơp khồm pơrdô bol gơ. Mơya cau lơi kìng crŭ tòm Añ rơp pơrdòn ù, mơ geh mơnơm sàng goh Añ jê lơh gơs sre brê.

Jeremi 2:25

Kơrmap gàr tĕ jơng mê bañ lòt jơng gòi, Mơ ngko rnồng mê bañ tơhìr! Mơya mê đơs lah: ‘Hơ̆ la ò gơs gơn kơnòm! Bơh añ neh kòñ gơboh ală cau crih mat, Mơ añ rơp jat bol khai.’

Jeremi 2:36

Ñchi bơh tài mê mhar ngan tòmgơl gùng dà mê dê. Bol mê rơp gơkòl ƀàssìl bơh Ejiptơ, kung be bol mê neh ƀàssìl bơh Asiri.

Jeremi 2:37

Bơh tềng hơ̆ bol mê rơp lik lòt ngài, Mơ tê bol mê dê ơn hơđang bồ; Bơh Yàng Jehôwa sang lòi ală cau mơ mê neh dòn kơnòm, Mơ mê rơp ò geh bơtoah bơtoài bơh di bol khai.”

Jeremi 22:22

Jơh ală cau ê belàt bol mê rơp kong càl khồm pơrdô ngài, Ală cau kòñ gơboh mê rơp kong kup cèng pơrdô; Gen mê rơp kong bơta ƀàssìl mơ rngòt rngơt, Bơh jơh ală broă iơh mê dê.

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 3:1

Yàng Jehôwa đơs: “Dilah dô nă cau klau sang lòi bau ùr khai dê, Mơ bau ùr lòt bau mơ cau klau ndai, Gen bau klau rơp rê wơl bau mơ cau ùr hơ̆ sơl? Bơta hơ̆ ò lơh lơgar in ngkòr ngkàc dờng ngan sơl ơ? Mê neh lơh gơlềng gơlàng mơ oă ngan cau gơboh, mơ mê kòñ rê wơl mơ Añ ơ?

Jeremi 4:30

Ai ai, ơ cau kong sang lòi. Ñchi ai kòñ soh ào dà gur, bơka să mơ màh, Ai dà cih pih mat nàng dờng ơnàng taih? Lơh he in gơlik hàng mơnĕ, kung la ò kwơ; Cau kòñ gơboh ai sền ai òsơp, bol khai kòñ tă bơta kis ai.

Ñìm Rac 1:19

Añ neh hòi ală cau kòñ gơboh añ jê, mơya bol khai pơrlồm añ. Ală cau gơnoar ơn phan duh khoai mơ kwang kra añ jê neh roh rui tòm ƀòn dờng. Tòm tŭ jòi phan sa nàng geh wơl bơta pràn kơldang bol khai dê.

Ñìm Rac 1:2

Khai ñìm rac sràt bơtang tòm trồ mang, dà mat hòr hơđang tơrmồ khai dê. Digùl ală cau khai kòñ gơboh ò gơs cau lơi pơndòm pơniang khai. Jơh ală cau bơyô khai dê tòmdră wơl mơ khai, bol khai gơlik gơs ală cau sò tơm khai dê.

Ejekiel 23:22

Behơ̆ gen, ơ Ôhôlibah, Yàng Jehôwa đơs be do: ‘Añ rơp chồl bơchồt ală cau ai gơboh tòmsò mơ ai, la ală cau mơ ai neh pơrlac sang tòm bơta gơjrañ mañ, mơ Añ rơp cèng bol khai bơh di kòp ală đah tus tòmsò mơ ai.

Ejekiel 23:9

Behơ̆ añ neh jào khai tòm tê cau kòñ gơboh khai la ală cau Asiri, ală cau mơ khai neh hàm kòñ.

Ejekiel 27:6

ai chi gus Basan dê lơh gơs ală gai wàs ơhò mê dê; ai chi rmit rò gah dàlềng Kittim dê lơh gơs mpàn tìm, ƀềp mơ bla rwas.

Khà Làng Bol 27:12

Gen Yàng Jehôwa đơs mơ Môise lah: “Guh tĕ hơđang mơnơm Abarim do mơ sền gŏ ù tiah Añ neh ai ală cau Israel in.

Yal Wơl 32:49

“Guh tĕ hơđang mơnơm Abarim, di bồ mơnơm Nebô tòm Môap đah ne Jerikô mơ sền gŏ Kanaan la lơgar mơ Añ ai ală cau Israel in lơh gơs sre brê tòm bol khai dê.