Jeremi 22:15 - Sră Goh 2018

¹⁵ Mê la bơtau Tài bơh gơs oă chi pơnàng ơ? Ò di bèp mê neh sa neh hùc, Lơh broă song ring, song ngan Gen tàng gơlik niam khai in.

Jeremi 22:15 Mawu Ofanana

II Samuel 8:15

Dabit at bồ làm jơh Israel, lơh jat jơnau song mơ ring bal gơwèt mơ jơh làng bol khai dê.

I Ală Bơtau 10:9

Pal jòng ro Jehôwa Yàng Tom Trồ bơtau dê, bơh Kơnràñ niam nùs bơtào bơtau hơđang sơbàn Israel dê! Tài bơh Yàng Jehôwa kòñ gơboh Israel sùm sùm, gen Kơnràñ neh bơtào bơtau lơh gơs bơtau at bồ jat bơta song ngan mơ song ring.”

II Ală Bơtau 22:2

Khai lơh bơta niam di đap Yàng Jehôwa, lòt jat jơh gùng dà Dabit, ồng pàng khai dê, ò wèt đah ma, hala đah kiau.

II Ală Bơtau 23:25

Lài mơ Jôsia, ò gơs bơtau lơi be khai, khai neh wèt hơ Yàng Jehôwa jơh nùs, jơh hwềng soàn, jơh pràn, lơh jat jơh ală bơta boh lam Môise dê; kung ò gơs cau lơi tơnơ̆ mơ khai tòm toh be khai tai.

I Yal Yau 3:15

Ală kòn klau Jôsia la: Jôhanan kòn tơnhoa, Jehôyakim kòn dơ̆ bàr, Jedekia kòn dơ̆ pe, Salum kòn dơ̆ poan.

II Yal Yau 34:2

Khai lơh bơta di niam di đap mat Yàng Jehôwa mơ lòt jat ală gùng dà ồng pàng khai dê la Dabit, ò pleh đah ma hala đah kiau.

II Yal Yau 35:22

Mơya Jôsia ò bài pleh ngài bơh khai, soh mơ ồi ào lơh be cau ndai nàng tòmlơh mơ Nekô. Khai ò bài iat jơnau Nekô neh tus bơh di bơr Yàng Tom Trồ dê, mơya mut tòm bơta tòmlơh mơ khai tòm ƀlàng ring Megidô dê.

II Yal Yau 35:26

Ală bơta ndai tòm rài at bồ Jôsia dê mơ bơta dòn song khai dê, jat bơta neh cih tòm sră bơta boh lam Yàng Jehôwa dê,

Jơnau Pơnđik 20:28

Bơta kơ̆ dơn mơ bơta song ngan ê gàr bơtau; khai ai nùs kơ̆ dơn mơ yò đo sơbàn lơgar he.

Jơnau Pơnđik 21:3

Lơh jat bơta song ring mơ song ngan geh niam nùs Yàng Jehôwa rlau mơ phan ơn duh khoai.

Jơnau Pơnđik 25:5

Pơndut tĕ cau iơh klàs bơh di đap cau bơtau, gen sơbàn khai rơp geh bơt bơtào kơ̆ nền tòm bơta song ring.

Jơnau Pơnđik 29:4

Cau bơtau kơnòm di bơta song ring mơ lơh lơgar bơtào kơ̆; mơya cau lơi dòp phan sa loă phà tơnroh gơ.

Jơnau Pơnđik 31:9

Pò tĕ bơr kòn cahrña dô bă song ring, mơ cahrña cau moat jrùng mơ cau rƀah lơòi in.

Cau Bơto 10:17

Ơ lơgar, lơngai mê in tòm tŭ cau bơtau la dô nă cau dờng màng, mơ ală cau kwang dờng at bồ mê sa di di jơ, nàng geh pràn, mơ ò di nàng bơñul lơmbè!

Cau Bơto 2:24

Ò gơs bơta lơi niam rlau kòn mơnus in la sa mơ hùc, mơ jòi bơta hòn chò tòm broă lơh bòl glar bol khai dê. Añ sền gŏ bơta hơ̆ kung bơh tê Yàng Tom Trồ mơ tus.

Esai 3:10

Yal tĕ cau ò gơs glài in git lah bơtoah ngan bol khai in, bơh bol khai rơp sa bơh cồng nha broă lơh bòl glar bol khai dê.

Esai 33:16

Bol khai rơp ơm tòm tiah jơnhoa; tiah kìng crŭ bol khai dê tòm tiah kơp gàr hơđang pơnai lŭ klềr; phan sa bol khai dê rơp geh ai bơtơl, mơ dà hùc bol khai dê rơp ò tŭ lơi siơ̆u.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 22:18

Gen tàng, bơh Jehôyakim, kòn klau Jôsia, bơtau Juda dê, Yàng Jehôwa đơs be do: “Cau rơp ò ñìm khai in lah: ‘Ơ oh mi añ!’ hala ‘Ơ ruh añ!’ Kung rơp ò pơt wòl khai lah: ‘Ơ hơh! Ơ yàng añ’ hala ‘Ơ hơh! Bơta gơklŏ kơnràñ dê!’

Jeremi 22:3

Yàng Jehôwa đơs be do: ‘Lơh tĕ bơta song ngan mơ song ring; dong cau kong kup bơklơn klàs bơh tê cau rồn bơklơn; bañ lơh tìs mơ bañ rồn bơklơn cau ơm tòp, cau kòn đòi hala cau ùr bơnrau, mơ bañ lơh gơtuh mhàm ò gơs glài tòm tiah do.

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Jeremi 42:6

Bulah bơta niam hala bơta iơh, bol hi rơp lơh jat jơnau Jehôwa Yàng Tom Trồ bol hi dê, la Bơtau mơ bol hi sồr ồng hòi dan; nàng tòm tŭ dòn bơr Jehôwa Yàng Tom Trồ bol hi dê, gen bol hi rơp geh lơngai.”

Jeremi 7:5

Bơh dilah bol mê rcang wơl gùng dà mơ broă lơh bol mê dê, dilah ngan bol mê lơh broă dô bă song ring bal mơ gơp,

Luka 11:41

Mơya bol mê ai tĕ bơta gơs tòm dơlam mơ pà gòi dờng ơnàng cau rƀah lơòi in, gen ală bơta la goh bol mê in.

Broă 2:46

Kòp ngai bol khai ngac ngar mơ kơ̆ nùs pơjum sùm tòm hìu duh khoai; bơh hìu do tus hìu ne, bol khai dơrkă piang lă, mơ sào bal dô bă chò hòp mơ nùs song ngan,

I Kôrintô 10:31

Behơ̆ dilah oh mi sa, hala hùc, hala broă lơi oh mi lơh, gen bơh bơta gơklŏ Yàng Tom Trồ dê mơ lơh tĕ jơh ală bơta.

Yal Wơl 4:40

Prap gàr tĕ ală bơta lơh nền mơ ală bơta sồr lam Kơnràñ dê mơ añ ai bol mê in tòm ngai do, tồ ală bơta rơp gơlik gơs niam bol mê in mơ ală kòn sau bol mê in tơnơ̆ mơ bol mê, nàng bol mê rgơi geh kis jŏ jòng tòm lơgar mơ Jehôwa Yàng Tom Trồ bol mê dê ai bol mê in gam sùm sùm.