Jeremi 22:13 - Sră Goh 2018

¹³ Bòl glar cau lơi in bơt hìu jat bơta ò song ring, Bơtào ơdŭ tap hơđang bơh bơta ò song ngan; cau ngui cau gơp ƀòn he lơh broă gòi, Ò tơm jền tơngai;

Jeremi 22:13 Mawu Ofanana

II Yal Yau 36:4

Bơtau Ejiptơ bơtào oh khai la Eliakim lơh bơtau at bồ hơđang Juda mơ Jerusalem, mơ tòmgơl sơnđan khai la Jehôyakim. Mơya Nekô kup bi Eliakim la Jôaca mơ cèng khai tus hơ Ejiptơ.

II Yal Yau 36:5

Jehôyakim neh bàr jơt pram nam tòm tŭ khai sơntòm at bồ; mơ khai at bồ jơt dùl nam tòm Jerusalem. Khai lơh bơta iơh bơsak di đap mat Jehôwa Yàng Tom Trồ khai dê.

Sră Jop 31:39

Dilah añ neh sa plai đo gơ dê mơ ò tơm priă, mơ lơh bơta chơt cau tòm gơ in,

Esai 5:8

Bòl glar bol mê in la cau bơtơl hìu tòm hìu, bơtơl sre tòm sre, jơl tus di tŭ ò gam tiah pah tai, mơ bol mê ơm is dô nă tòm lơgar.

Jeremi 17:11

Cau lơi geh pas gơs ò jat bơta song ring, Kung be sềm tap tra krơm tap mơ gơ ò tap; Tus di nggùl rài, khai kong roh jơh, mơ tòm ngai lồi dut khai gơlik gơs cau bơrngơl gơla.

Jeremi 22:18

Gen tàng, bơh Jehôyakim, kòn klau Jôsia, bơtau Juda dê, Yàng Jehôwa đơs be do: “Cau rơp ò ñìm khai in lah: ‘Ơ oh mi añ!’ hala ‘Ơ ruh añ!’ Kung rơp ò pơt wòl khai lah: ‘Ơ hơh! Ơ yàng añ’ hala ‘Ơ hơh! Bơta gơklŏ kơnràñ dê!’

Lebi 19:13

Bañ pơrlồm cau ơm rềp di bol mê hala tòmpìt ai phan khai dê. Bañ prap lòi wơl jền tơngai dô nă cau lơh ơpah dê jơl tus di ngai hìng.

Mice 3:10

la ală cau bơt Siôn bơh mhàm, mơ bơtào Jerusalem bơh bơta tìs nrah.

Habakuk 2:12

Bòl glar cau lơi in ai mhàm bơt ƀòn dờng, mơ ai bơta iơh bơsak bơt ƀòn dờng.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Yal Wơl 15:13

Mơ tòm tŭ bol mê hồ toh khai, bañ lòi khai lik lòt mpàng tê gòi.

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.