Jeremi 21:9 - Sră Goh 2018

⁹ Cau lơi kư̆ ơm wơl tòm ƀòn dờng do rơp chơt bơh pềs tà, jơgloh rung, mơ pluh plàng; mơya cau lơi lik, kong alah mơ cau Kalde, hơ̆ la cau ơm gơrwàng bol mê; gen rơp kis, mơ bol khai rơp geh bơta kis.’

Jeremi 21:9 Mawu Ofanana

Jeremi 14:12

Bulah bol khai ơt sa, Añ rơp ò iat jơnau hòi dan bol khai dê; tŭ bol khai ơn phan ơn chu mơ phan ơn kòi mbo, Añ ò dòp bol khai sơl; mơya Añ rơp tơnroh bol khai mơ đào, jơgloh rung, mơ pluh plàng.”

Jeremi 21:7

Yàng Jehôwa đơs: ‘Tơnơ̆ mơ hơ̆, Añ rơp jào Jedekia, bơtau Juda, dĭ gơna mơ làng bol khai dê, hơ̆ la ală cau gam wơl tòm ƀòn dờng, neh klàs bơh pluh plàng, pềs tà, jơgloh rung, Añ rơp phi bol khai tòm tê Nebukatnessar, bơtau Babilôn, tòm tê ală cau sò tơm bol khai dê mơ ală cau kòñ jòi bơta kis bol khai dê. Nebukatnessar rơp tơnchơt bol khai mơ đào, ò pơlai, ò kòñ nđàc, ò git nđàc sơngit.’

Jeremi 24:10

Añ rơp sồr pềs tà, jơgloh rung, pluh plàng tus hơđang bol khai, jơl tus di tŭ bol khai kong tơnroh jơh hir bơh lơgar Añ neh ai bol khai in bal mơ ồng pàng bol khai dê.’”

Jeremi 27:11

Mơya làng bol lơi ơn yô bơtau Babilôn dê di ngko he mơ duh broă bơtau hơ̆, gen Añ rơp ai bol khai in kư̆ ơm wơl tòm lơgar nàng troă lơòr mơ ơm kis tềng hơ̆,’ Yàng Jehôwa đơs behơ̆.”

Jeremi 27:12

Añ kung neh đơs mơ Jedekia, bơtau Juda dê behơ̆ sơl lah: “Ơn tĕ ngko bol mê hơđơm yô bơtau Babilôn dê, duh broă tĕ khai mơ làng bol khai, gen bol mê geh kis.

Jeremi 27:13

Ñchi bơh tài bơtau mơ làng bol bơtau dê pal chơt bơh pềs tà, jơgloh rung, pluh plàng, kung be Yàng Jehôwa neh đơs bơh lơgar lơi ò duh broă bơtau Babilôn taih?

Jeremi 38:2

“Yàng Jehôwa đơs be do: ‘Cau lơi ơm wơl tòm ƀòn gen kong chơt bơh pềs tà, jơgloh rung, hala pluh plàng; mơya cau lơi lik jào să cau Kalde in gen rơp geh kis, khai rơp geh klàs bơh bơta chơt be phan pà, khai rơp kis.’

Jeremi 38:3

Yàng Jehôwa đơs be do: ‘Ƀòn do ngan rơp jào tòm tê mpồl ling bơtau Babilôn dê, khai rơp tòmpìt ai.’”

Jeremi 39:18

Bơh Añ ngan rơp dong klàs mê, mê rơp ò gơpừ hơđơm lơmpiat đào; mê rơp geh lik klàs bơh bơta chơt be phan dòp geh bơh bơta tòmlơh, bơh mê neh ơn nùs dòn kơnòm di Añ,’ Yàng Jehôwa đơs behơ̆.”

Jeremi 45:5

Ai mê, mê gam jòi broă dờng he in ơ? Bañ jòi tai, bơh do, Añ rơp tơndùh bơta rung rài hơđang jơh ală jơi poac să in; ai mê, bulah mê lòt tiah lơi, Añ kung rơp sền gàr bơta kis mê be phan dòp geh bơh bơta tòmlơh.’” Yàng Jehôwa đơs behơ̆.

Ejekiel 5:12

Dô pơnah pe làng bol mê dê rơp chơt pluh, hala roh rui bơh bơta jơgloh rung tòm mê; dô pơnah pe rơp pừ bơh đào gùt dar mê; mơ dô pơnah pe tai Añ rsìh tòm kòp nơm càl, mơ tă đào bơh sơmprồm ting jat bơh ngkòi.