Jeremi 21:7 - Sră Goh 2018

⁷ Yàng Jehôwa đơs: ‘Tơnơ̆ mơ hơ̆, Añ rơp jào Jedekia, bơtau Juda, dĭ gơna mơ làng bol khai dê, hơ̆ la ală cau gam wơl tòm ƀòn dờng, neh klàs bơh pluh plàng, pềs tà, jơgloh rung, Añ rơp phi bol khai tòm tê Nebukatnessar, bơtau Babilôn, tòm tê ală cau sò tơm bol khai dê mơ ală cau kòñ jòi bơta kis bol khai dê. Nebukatnessar rơp tơnchơt bol khai mơ đào, ò pơlai, ò kòñ nđàc, ò git nđàc sơngit.’

Jeremi 21:7 Mawu Ofanana

Esai 27:11

Tòm tŭ ală ntê ro neh pă, ală cau ùr tus dòñ nàng sing ồs. Bơh do la dô nơm làng bol ò git wă, gen tàng Bơtau neh crơng gơs bol khai ò kòñ nđàc di bol khai, Bơtau neh mòn gơs bol khai ò yal tơlik bơta nđàc bol khai in.

Esai 47:6

Añ neh gơhào gơjrañ di làng bol Añ jê, Añ lơh ƀơ̆ ƀơl sre brê Añ, Añ jào bol khai tòm tê ai dê, mơ ai ò yal tơlik bơta nđàc sơngit, Ai ơn dô nơm yô kơnjơ̆ rlau ir hơđang cau kra krồñ.

Jeremi 13:14

Yàng Jehôwa đơs: ‘Añ rơp lơh cau do in tòmdră mơ cau ne, mè bèp mơ kòn sò tơm bal; Añ rơp ò sơnđàc, ò pơlai hala nđàc sơngit, tòm tŭ Añ tơnroh bol khai.’”

Jeremi 14:12

Bulah bol khai ơt sa, Añ rơp ò iat jơnau hòi dan bol khai dê; tŭ bol khai ơn phan ơn chu mơ phan ơn kòi mbo, Añ ò dòp bol khai sơl; mơya Añ rơp tơnroh bol khai mơ đào, jơgloh rung, mơ pluh plàng.”

Jeremi 15:5

Ơ Jerusalem, ñcau rơp nđàc sơngit di mê taih? Ñcau rơp ñìm rac pơt wòl bơh mê taih? Ñcau rơp wèt wơl nàng lùp còp mê taih?”

Jeremi 15:9

Cau ùr neh tơnggơs poh nă kòn, neh lơbơn òsô. Tă nhơm lồi; Mattơngai khai neh ñơp tŭ trồ ngai; Khai kong dơñŏ tơnhial mơ ƀàssìl ƀàsso; Ai ală cau gam wơl bol khai dê, Añ rơp jào đào ală cau sò tơm bol khai in.” Yàng Jehôwa đơs behơ̆.

Jeremi 19:7

Tòm tiah do Añ rơp lơh roh bơta rơndap Juda dê mơ Jerusalem dê. Añ rơp lơh bol khai in gơpừ bơh đào di đap cau sò tơm, mơ bơh tê ală cau kòñ tơnroh bơta kis bol khai dê; Añ rơp phi ƀồc bol khai ală sềm trồ mơ jơi phan poan jơng tòm ù lơh gơs phan sa.

Jeremi 20:4

Bơh Yàng Jehôwa đơs be do: ‘Añ rơp phi mê lơh gơs bơta rngòt rngơt să tòm mê in mơ jơh ală cau bơyô mê dê sơl; bol khai rơp chơt bơh đào cau sò tơm bol khai dê, mat mê rơp sền gŏ. Añ rơp phi jơh làng bol Juda tòm tê bơtau Babilôn, khai rơp cèng bol khai tus tòm Babilôn gơs dĭ, mơ ngui đào tơnchơt bol khai.

Jeremi 22:25

Añ rơp jào mê tòm tê ală cau kòñ jòi bơta kis mê, tòm tê ală cau mơ mê rngòt, hơ̆ la tòm tê Nebukatnessar, bơtau Babilôn, mơ tòm tê cau Kalde.

Jeremi 27:6

Tŭ do, Añ neh phi ală lơgar do tòm tê Nebukatnessar, bơtau Babilôn dĭ gơna Añ; Añ kung ai ală phan poan jơng tòm brê nàng dong broă khai sơl.

Jeremi 32:4

Jedekia, bơtau Juda, rơp ò pleh klàs bơh tê cau Kalde, mơya ngan rơp kong jào tòm tê bơtau Babilôn, rơp đơs mơ bơtau hơ̆ bơr mơ bơr, mat sền mat;

Jeremi 34:3

Să tòm mê rơp ò klàs bơh tê khai; mơ ngan rơp kong kup, mơ kòl jào tòm tê khai. Mê rơp sền gŏ bơtau Babilôn; mat tòm mat, mơ mê rơp lòt tus hơ lơgar Babilôn.’

Jeremi 36:29

Ai bơh să tòm Jehôyakim, bơtau Juda, gen mê pal đơs lah: Yàng Jehôwa đơs be do: ‘Mê neh chu dap sră do mơ đơs lah: Ñchi bơh tài mê neh cih lah bơtau Babilôn ngan rơp tus, phà lơgar do mơ tơnroh kòn mơnus mơ phan poan jơng?’

Jeremi 37:17

Gen, bơtau Jedekia sồr hòi Jeremi, mơ dòp rò khai. Cau bơtau lùp òm khai tòm gơlang bơtau, lah: “Yàng Jehôwa neh đơs jơnau lơi sơl?” Jeremi ho lah: “Gơs!” mơ pơnjat tai lah: “Bơtau rơp kong jào tòm tê bơtau Babilôn.”

Jeremi 50:17

Israel la dô mpồl belàt tìs nrah, gơkòl klìu triă ting jat. Lài ngan bơtau Asiri neh brồ kup sa loan gơ; lồi dut Nebukatnessar, bơtau Babilôn, neh kơnjah ntìng gơ.”

Ñìm Rac 2:20

Khoai Yàng Jehôwa, dan wèt sền! Kơnràñ neh lơh bơta do mơ cau lơi taih? Di pal sơl cau ùr sa plai bơh kơndul he, hơ̆ la kòn sau bol khai neh deh ơ? Di pal sơl cau gơnoar ơn phan duh khoai bal mơ cau gơnoar hwơr kong tơnchơt tòm tiah sàng goh Yàng Jehôwa dê ơ?

Ñìm Rac 2:22

Kơnràñ neh hòi jà ală cau sò tơm añ jê bơh ală tiah gùt dar, kung be dô ngai pơjum sa chò hòp. Mơ tòm ngai gơjrañ dờng Yàng Jehôwa dê, ò gơs cau lơi geh klàs hala gam kis. Hơ̆ la ală cau añ neh deh mơ ròng siam, cau sò tơm añ jê neh tơnroh jơh.

Ejekiel 23:28

Bơh Jehôwa Yàng Tom Trồ đơs be do: ‘Añ rơp jào phi ai tòm tê ală cau mơ ai gơjrañ kơuềng, tòm tê ală cau mơ ai neh pơrlac sang tòm bơta cù kìr.

Ejekiel 7:9

Añ rơp ò nđàc sơngit di mê hala ò pơlai di mê. Añ rơp tơm wơl mê in jat bơta lơh lòt mơ jat ală bơta iơh mơ mê neh lơh digùl bol mê. Bol mê rơp git lah să tòm Añ, Yàng Jehôwa, la Bơtau tuh ală bơta rung rài hơ̆.

Ejekiel 8:18

Behơ̆ gen Añ rơp lơh di bol khai jat bơta gơhào gơjrañ; Añ rơp ò nđàc sơngit di bol khai hala pơlai bol khai. Bulah bol khai nggà driau dờng di tồr Añ, Añ kung rơp ò bài iat bol khai.”

Ejekiel 9:10

Behơ̆, Añ rơp ò nđàc sơngit di bol khai hala pơlai bol khai ò; mơya Añ rơp tuh wơl hơđang bồ bol khai dê bơta bol khai neh lơh.”

Yal Wơl 28:50

dô nơm làng bol gơs muh mat jàñ bơsak, ò ki ngàm di cau kra hala nđàc sơngit di cau pơnu.