Jeremi 21:6 - Sră Goh 2018

⁶ Añ rơp pù lơh làng bol ơm tòm ƀòn dờng do, kòn mơnus bal mơ phan poan jơng; bol khai rơp chơt bơh pluh plàng dờng ngan.’

Jeremi 21:6 Mawu Ofanana

Sơnròp Gơlik Gơs 6:7

Yàng Jehôwa đơs lah: “Añ rơp tơnroh bơh di ù kòn mơnus mơ Añ neh crơng gơs tus dê phan poan jơng, phan wìn nsròng, sềm hơđang trồ bơh Añ tòmgơl nùs neh crơng gơs ală jơi hơ̆.”

Esai 6:11

Gen añ đơs lah: “Khoai Yàng Jehôwa, jơl tus di tŭ lơi taih?” Mơ Kơnràñ ho lah: “Jơl tus di tŭ ală ƀòn dờng sang srau gòi, ò gơs cau ơm, mơ ală hìu ò gơs cau ơm, mơ ù tiah gơlik ngềt ngơt;

Jeremi 14:12

Bulah bol khai ơt sa, Añ rơp ò iat jơnau hòi dan bol khai dê; tŭ bol khai ơn phan ơn chu mơ phan ơn kòi mbo, Añ ò dòp bol khai sơl; mơya Añ rơp tơnroh bol khai mơ đào, jơgloh rung, mơ pluh plàng.”

Jeremi 16:4

“Bol khai rơp kong pluh plàng mơ chơt; bol khai rơp ò gơs cau ñìm ƀồc mơ kung ò gơs cau tơp; ƀồc bol khai gam wơl kung be phan jă brê hơđang ù. Bol khai rơp kong tơnroh bơh pềs tà mơ jơgloh rung; ƀồc bol khai dê rơp lơh gơs phan sa sềm trồ mơ jơi phan poan jơng hơđang ù in.”

Jeremi 20:4

Bơh Yàng Jehôwa đơs be do: ‘Añ rơp phi mê lơh gơs bơta rngòt rngơt să tòm mê in mơ jơh ală cau bơyô mê dê sơl; bol khai rơp chơt bơh đào cau sò tơm bol khai dê, mat mê rơp sền gŏ. Añ rơp phi jơh làng bol Juda tòm tê bơtau Babilôn, khai rơp cèng bol khai tus tòm Babilôn gơs dĭ, mơ ngui đào tơnchơt bol khai.

Jeremi 32:24

Ne, ală theng gơrwàng kơ̆ cê neh geh bơt gùt dar ƀòn nàng tòmpìt ai gơ. Tài bơh pềs tà, jơgloh rung, pluh plàng, gen tàng ƀòn kong phi tòm tê cau Kalde tòmlơh mơ bol khai. Bơta Kơnràñ đơs neh gơlik gơs, be Kơnràñ neh gŏ!

Jeremi 33:12

Yàng Jehôwa Gơnap Gơnoar đơs be do: ‘Tòm tiah do la tiah lòi srau, ò gơs cau ơm, kung ò gơs phan poan jơng, mơ tòm ală ƀòn gơ, rơp gơs wơl ală ƀlàng ñhơt cau ê in lòi mpồl he ơm bic rlô.

Jeremi 34:17

Behơ̆ gen, Yàng Jehôwa đơs be do: ‘Bol mê neh ò iat Añ, kòp nă yal oh mi he in, cau gơp ƀòn he geh khat gơboh.’ Yàng Jehôwa đơs: ‘Do, Añ yal bơta khat gơboh bol mê in, hơ̆ la lòi bol mê in khat gơboh tòm pềs tà, pluh plàng, jơgloh rung, lòi bol mê kong rngòt rngơt digùl ală lơgar tòm dunnia.

Jeremi 36:29

Ai bơh să tòm Jehôyakim, bơtau Juda, gen mê pal đơs lah: Yàng Jehôwa đơs be do: ‘Mê neh chu dap sră do mơ đơs lah: Ñchi bơh tài mê neh cih lah bơtau Babilôn ngan rơp tus, phà lơgar do mơ tơnroh kòn mơnus mơ phan poan jơng?’

Jeremi 42:22

Tŭ do, pal git loh lah oh mi rơp chơt bơh pềs tà, jơgloh rung, pluh plàng, tòm tiah mơ oh mi kòñ tus mơ ơm.”

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Ejekiel 12:16

Mơya Añ rơp lòi wơl dô êt tòm bol khai klàs bơh di pềs tà, jơgloh rung, mơ kòp jê pluh plàng, nàng digùl ală làng bol mơ bol khai rơp tus, bol khai rơp đal git jơh ală bơta cù kìr mơ bol khai neh lơh. Gen bol khai rơp git lah Añ la Yàng Jehôwa.”

Ejekiel 14:13

“Ơ kòn mơnus, dilah dô nơm lơgar tìs glài mơ Añ tài bơh ò dòn song, mơ Añ pò tê tòmdră mơ gơ, pơndut phan sa gơ dê, dùh bơta jơgloh rung hơđang gơ, mơ tơnroh ală kòn mơnus bal mơ ală phan poan jơng,

Ejekiel 14:17

Hala dilah Añ sồr đào tus hơđang lơgar, mơ đơs lah: ‘Lòi tĕ pềs đào lòt gan lơgar, mơ Añ tơnchơt ală kòn mơnus mơ ală phan poan jơng bol khai dê,’

Ejekiel 14:19

Hala dilah Añ sồr bơta kòp jê pluh plàng tus tòm lơgar hơ̆, mơ Añ tuh bơta gơjrañ dờng Añ jê hơđang gơ mơ lơh gơtuh mhàm, nàng tơnchơt ală kòn mơnus bal mơ ală phan poan jơng bol khai dê,

Ejekiel 14:21

Bơh Jehôwa Yàng Tom Trồ đơs lah: ‘Tơ ài lah Añ rơp ngui poan bơta cahrña lơh glài kơnjơ̆ hơđang Jerusalem, hơ̆ la đào, jơgloh rung, phan poan jơng tòm brê, mơ pluh plàng nàng tơnchơt jơh kòn mơnus bal mơ phan poan jơng gơ dê.

Ejekiel 33:27

Đơs tĕ bơta do mơ bol khai lah: Jehôwa Yàng Tom Trồ đơs be do: ‘Ngan be Añ kis, ală cau gam ơm tòm tiah sang lòi ngềt ngơt rơp gơpừ bơh đào, mơ ală cau ơm tòm ƀlàng gen Añ rơp jào phan brê in kap crè; mơ ai ală cau ơm tòm ală theng kơ̆ cê mơ tòm ală rgồng lŭ gen rơp chơt pluh.

Ejekiel 33:29

Gen bol khai rơp git Añ la Yàng Jehôwa, tòm tŭ Añ neh lơh lơgar do gơlik tiah sang lòi srau gòi tài bơh jơh ală bơta iơh rmơh mơ bol khai neh lơh.’

Ejekiel 7:15

Đào đah bơdìh, pluh plàng mơ jơgloh rung đah dơlam; ală cau ơm tòm ƀlàng rơp chơt bơh đào; ală cau ơm tòm ƀòn dờng rơp kong bơta jơgloh rung mơ kòp jê pluh plàng sa loan.

Sră Ôse 4:3

Behơ̆ tàng, lơgar rac ròc, làng bol chơt roh, ală phan poan jơng tòm brê mơ ală sềm hơđang trồ, bal mơ ală ka tòm dàlềng kung roh rui sơl.

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Sôphôni 1:3

“Añ rơp pơs jơh kòn mơnus bal mơ ală phan poan jơng, añ rơp pơs jơh sềm hơđang trồ bal mơ ală ka tòm dàlềng. Añ rơp lơh cau iơh bơsak in gơtup pừ. Añ rơp tơnroh jơi kòn mơnus bơh di plai ù.” Yàng Jehôwa đơs behơ̆.

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.