Jeremi 21:5 - Sră Goh 2018

⁵ Să tòm Añ rơp tòmlơh tòmdră mơ bol mê, mơ tê pò tơlik, mơ tơwòr tê pràn kơldang, tòm bơta gơjrañ, tòm bơta gơhào gơjrañ mơ bơta gơjrañ dờng.

Jeremi 21:5 Mawu Ofanana

Lik Ejiptơ 6:6

Behơ̆, mê đơs tĕ mơ cau Israel lah: ‘Añ la Yàng Jehôwa, mơ Añ rơp tă tơlik bol mê klàs bơh di yô cau Ejiptơ dê. Añ rơp toh bol mê klàs bơh di bơta ơm dĭ bol khai, mơ Añ rơp pò tơwòr tê Añ lơh ală broă gơnap gơnoar nàng cahrña mơ tơwài bol mê.

Lik Ejiptơ 9:15

Mơ tŭ do, dilah Añ kòñ gen Añ rgơi pò tê Añ jê nàng đùh hơđang mê bal mơ làng bol mê dê dô bơta pluh plàng rgơi tơnroh mê bơh di plai ù.

Esai 10:4

Bol khai mìng kun tơnliah să digùl ală cau ơm jàm, hala gơpừ digùl ală cau gơkòl tơnchơt. Bơh jơh ală bơta hơ̆, bơta gơjrañ Kơnràñ dê kung ò wèt ngài, tê Kơnràñ dê gam pò tơlik.

Esai 5:25

Tài behơ̆ tàng bơta gơjrañ Yàng Jehôwa dê gơhào khuh tòmdră mơ làng bol Kơnràñ dê; Kơnràñ neh pò tơlik tê sòdră mơ lơh bol khai. Ală mơnơm gơlơnggơr, mơ ală ƀồc cau chơt kung be sù siă tòm ală gùng. Bơh bơta hơ̆, bơta gơjrañ Kơnràñ dê ò pleh ngài, mơ tê Kơnràñ gam pò tơlik.

Esai 63:10

Bulah behơ̆, bol khai neh tòmdră, mơ lơh Hwềng Goh Kơnràñ dê moat jrùng. Gen tàng Kơnràñ gơlik gơs cau sò tơm di bol khai, mơ să tòm Kơnràñ tòmlơh nàng tòmdră mơ bol khai.

Esai 9:12

Cau Siri đah mattơngai lik mơ cau Philistin đah mattơngai mut neh ha bơr sa loan Israel. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài; tê Kơnràñ gam pò tơlik.

Esai 9:17

Behơ̆ tàng, Yàng Jehôwa ò niam nùs di ală cau pơnu, mơ Kơnràñ kung rơp ò nđàc sơngit cau kòn đòi mơ cau ùr bơnrau, bơh kòp nă bol khai la cau ò duh rngòt mơ iơh bơsak, bơr lơi kung đơs jơnau bơrngơl gơla. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Esai 9:21

Manase rơp sa loan Epraim, mơ Epraim rơp sa loan Manase; bol khai lơh gơs dô bă bal nàng tòmdră mơ Juda. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Jeremi 32:17

‘Khoai Yàng Jehôwa, Kơnràñ neh ngui gơnap gơnoar dờng làm jơh mơ pò tơlik tơwòr Kơnràñ dê mơ crơng gơs ală tap trồ mơ tiah; ò gơs bơta lơi la kalke Kơnràñ in.

Jeremi 32:37

‘Añ rơp pơjum tơrgòm bol khai wơl bơh ală lơgar mơ Añ neh bơtrơh bol khai tài bơh gơhào gơjrañ, mơ gơjrañ dờng; Añ rơp cèng bol khai rê wơl tòm tiah do, lòi bol khai in ơm lơngap lơngai.

Jeremi 36:7

Digơlan bol khai rơp hòi dan Yàng Jehôwa, mơ pleh bơh gùng iơh he; bơh bơta gơjrañ mơ bơta gơjrañ dờng Yàng Jehôwa neh yal tòmdră mơ làng bol do.”

Jeremi 37:10

Bulah bol mê tơnroh jơh mpồl ling Kalde dê, la cau neh tus tòmlơh mơ bol mê, tòm mpồl bol khai mìng gam wơl ală cau kong sồt rmàñ ơm wơl tòm sàl, bol khai kung bơtào wơl mơ ngui ồs chu ƀòn do.”

Jeremi 6:12

Ală hìu bol khai dê rơp gơrê mơ cau ndai, ală sre bol khai dê mơ ală bau ùr dô bă bal sơl; Bơh tê Añ rơp pò tơlik tê Añ jê, tòmdră mơ làng bol ơm tòm ù tiah do.” Yàng Jehôwa đơs behơ̆.

Ñìm Rac 2:3

Tòm bơta gơhào gơjrañ dờng, Kơnràñ koh tơmù jơh ală gơnoar pràn Israel dê. Kơnràñ neh tă tê ma Kơnràñ dê bơh di bol khai di đap mat cau sò tơm. Kơnràñ neh chu ồs sa hơng digùl Jakôp, pơrguc jơh ală bơta gùt dar.

Ejekiel 39:3

Gen Añ rơp tă tơlik àtak bơh di tê kiau mê, mơ tơndùh ală kam bơh di tê ma mê dê.

Ejekiel 5:8

Gen tàng, Jehôwa Yàng Tom Trồ đơs be do: ‘Añ, să tòm Añ tus tòmdră mơ mê, Añ rơp cahrña mê di đap ală làng bol.

Yal Wơl 4:23

Kơrhia hàñ bañ hŭi bơta ho bal Jehôwa Yàng Tom Trồ bol mê dê mơ Kơnràñ neh bơtào gơs mơ bol mê; bañ lơh să tòm bol mê in dô nơm rùp ràk gơlơh kung be phan lơi mơ Jehôwa Yàng Tom Trồ bol mê dê neh bơkơ̆u.

Yal Wơl 4:34

Gơs yàng lơi ndai neh lòng tă tơlik khai in dô nơm làng bol bơh di dô nơm làng bol ndai kơnòm di bơta pơrlòng, ală bơta krơi tềl is, bơta tòmlơh, bơh dô nơm tê gơnoar pràn mơ tơwòr tê pò ơnàng, hala bơh ală broă dờng mơ pal rngòt rngơt, be jơh ală bơta Yàng Tom Trồ bol mê dê neh lơh bol mê in tòm Ejiptơ di đap mat tòm bol mê dê sơl ơ?