Jeremi 21:13 - Sră Goh 2018

¹³ Yàng Jehôwa đơs: ‘Do, ơ ală cau ơm tòm thòng, Ơ pơnai lŭ tòm ƀlàng ring ne, Añ tòmdră mơ bol mê, La ală cau khin đơs lah: Ñcau rơp mù tòmdră mơ bol he? Ñcau rgơi mut tòm tiah bol he ơm crŭ taih?’”

Jeremi 21:13 Mawu Ofanana

Đơs Crih 125:2

Ală mơnơm gơrwàng gùt dar Jerusalem be lơi, Gen Yàng Jehôwa kung gơrwàng làng bol Kơnràñ dê behơ̆ sơl Bơh do jơl sùm sùm.

Lik Ejiptơ 13:20

Tơnơ̆ mơ tŭ neh lòt bơh Sukôt, bol khai bơtào sàl tòm Etham, di gah ƀlàng ngềt ngơt.

Lik Ejiptơ 13:8

Tòm ngai hơ̆ yal tĕ kòn klau bol mê in lah: ‘Añ lơh behơ̆ tài bơh bơta Yàng Jehôwa neh lơh añ in tòm tŭ añ lik lòt bơh di Ejiptơ.’

Esai 22:1

Jơnau đơs hwơr bơh thòng bơta gơtơnggŏ: Bơta lơi neh lơh mê in dơrcul, jơh tơl nă bol mê neh hào hơđang rkàng hìu taih?

Jeremi 17:3

Ơ mơnơm Añ jê tòm lơgar, Añ rơp jào bơta pas sơm, mơ jơh ală phan màng mê lơh gơs phan phà kup; Be jền tơngai bơh tồi glài mê neh tìs tòm làm jơh lơgar bol mê dê.

Jeremi 21:5

Să tòm Añ rơp tòmlơh tòmdră mơ bol mê, mơ tê pò tơlik, mơ tơwòr tê pràn kơldang, tòm bơta gơjrañ, tòm bơta gơhào gơjrañ mơ bơta gơjrañ dờng.

Jeremi 49:16

Ơ cau ơm tòm rgồng lŭ dờng, Neh sơmbat geh bồ mơnơm ne, Kòp he la pal rngòt, Nùs pơnhừ să neh pơrlồm mê; Bulah mê lơh rsòn mê hơđang kung be rsòn klàng bung, Añ kung lơh mê in bơh hơ̆ dùh hơđơm, Yàng Jehôwa đơs behơ̆.

Jeremi 50:31

Yàng, la Yàng Jehôwa Gơnap Gơnoar, đơs: “Ơ làng bol pơnhừ să ne! Añ tòmdră mơ mê; Bơh ngai mê neh tus, Hơ̆ la tŭ Añ rơp lơh glài mê.

Jeremi 51:25

Yàng Jehôwa đơs: “Ơ mơnơm bơta tơnroh ne, Añ tòmdră mơ mê, La cau neh tơnroh jơh dunnia! Añ rơp pò tê Añ tòmdră mơ mê, rơp pơrlă mê dùh bơh hơđang lŭ klềr, Lơh mê in gơlik gơs mơnơm kong chu.

Jeremi 7:4

Bañ dòn kơnòm di ală jơnau blac pơrlồm lah: “Do la hìu duh khoai Yàng Jehôwa dê, hìu duh khoai Yàng Jehôwa dê, hìu duh khoai Yàng Jehôwa dê.”

Ñìm Rac 4:12

Ală cau bơtau hơđang ù ò bài dòn, hala ală làng bol ơm hơđang plai ù kung ò dòn, Cau sò tơm mơ cau tòmdră rgơi mut tòm ală mpồng ƀòn dờng Jerusalem.

Ejekiel 13:8

Gen tàng, Jehôwa Yàng Tom Trồ đơs be do: ‘Tài bơh ală jơnau tìs mơ ală bơta gơtơnggŏ blac bol mê dê; do, Añ tòmdră mơ bol mê,’ Yàng Jehôwa đơs behơ̆.

Ejekiel 21:3

mơ đơs mơ ù tiah Jerusalem lah: ‘Yàng Jehôwa đơs be do: Añ tus nàng tòmdră mơ mê. Añ rơp tă đào Añ jê bơh di sơmprồm nàng tơnroh bơh di mê ală cau song ring mơ ală cau iơh bơsak.

Ejekiel 34:10

Jehôwa Yàng Tom Trồ đơs be do: ‘Añ tòmdră mơ ală cau ê mơ Añ rơp lùp belàt Añ jê bơh di tê bol khai; mơ ò ngui bol khai ròng siam belàt tai, nàng ală cau ê rơp ò gam ròng siam să tòm bol khai tai. Añ rơp dong tă mpồl belàt Añ jê klàs bơh di bơr bol khai nàng belàt ò lơh gơs phan sa bol khai in tai.’

Ejekiel 5:8

Gen tàng, Jehôwa Yàng Tom Trồ đơs be do: ‘Añ, să tòm Añ tus tòmdră mơ mê, Añ rơp cahrña mê di đap ală làng bol.

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Nahum 2:13

Yàng Jehôwa Gơnap Gơnoar Dờng Làm Jơh đơs lah: “Añ tòmdră mơ mê, Añ rơp chu pơrguc ală rơndeh mê tòm ñhŭ, mơ đào rơp sa loan ală klìu triă brồ dam; Añ rơp tơnroh phan kup geh bơh di ù, mơ sap đơs ală cau kong sồr mê dê rơp ò gam kơno tai.”