Jeremi 21:10 - Sră Goh 2018

¹⁰ Yàng Jehôwa đơs: ‘Bơh Añ ơn mat Añ tòmdră mơ ƀòn dờng do, bơta iơh ò di la bơta niam; gơ rơp kong phi tòm tê bơtau Babilôn, mơ khai rơp chu gơ mơ ồs.’

Jeremi 21:10 Mawu Ofanana

II Yal Yau 36:19

Bol khai ai ồs chu hìu duh khoai Yàng Tom Trồ dê mơ lơh tơrlah dơrñang ƀòn dờng Jerusalem dê; chu jơh ală gơlang bơtau mơ tơnroh jơh ală phan kas màng.

Đơs Crih 34:16

Muh mat Yàng Jehôwa dê gơtòmsò mơ cau lơh iơh, Nàng tơnroh bơta kir yau bol khai dê bơh ù.

Jeremi 17:27

Mơya dilah bol mê ò bài iat Añ nàng ơn is ngai Saƀat gơlik gơs ngai sàng goh, mơ tòm ngai Saƀat tui ơnòng mơ mut tòm mpồng ƀòn dờng Jerusalem, gen Añ rơp ơn ồs di mpồng theng, ồs hơ̆ rơp chu pơrguc gơlang bơtau tòm Jerusalem, mơ rơp ò geh đơp chơt ò.’”

Jeremi 26:6

gen Añ rơp lơh hìu do gơlik gơs kung be Silô, mơ rơp lơh ƀòn do gơlik gơs bơta srat rma jơh ală lơgar hơđang plai ù in.’”

Jeremi 33:5

‘Cau Kalde neh tus nàng tòmlơh, nàng lơh bềng lìu ƀồc ală cau mơ Añ neh tơnchơt tòm bơta gơjrañ mơ bơta gơjrañ dờng Añ jê; hơ̆ la tài bơh làng bol do iơh rmơh ngan mơ Añ neh pồn mat Añ jê bơh ƀòn do.

Jeremi 34:2

Jehôwa Yàng Tom Trồ Israel dê, đơs be do: “Lòt yal tĕ mơ Jedekia, bơtau Juda lah: Yàng Jehôwa đơs lah: ‘Do, Añ rơp phi ƀòn do tòm tê bơtau Babilôn, khai rơp ai ồs chu gơ.

Jeremi 34:22

Yàng Jehôwa đơs: ‘Añ rơp ai gơnoar sồr mơ lơh bol khai in rê wơl hơ ƀòn do; bol khai rơp lơh, rơp tòmpìt ai, mơ ai ồs chu pơrguc gơ. Añ rơp lơh ală ƀòn Juda gơlik gơs tiah sang lòi ngềt ngơt, ò gơs làng bol ơm.’”

Jeremi 38:17

Gen Jeremi yal mơ Jedekia lah: Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: “Dilah mê kong alah mơ ală kwang at bồ bơtau Babilôn dê, gen mê rơp geh kis, mơ ƀòn do rơp ò kong chu mơ ồs; mê rơp kis bal mơ jơh hìu nhă he dê.

Jeremi 38:18

Mơya dilah mê ò kong alah mơ ală kwang at bồ bơtau Babilôn dê, gen ƀòn do rơp phi tòm tê cau Kalde, bol khai rơp ngui ồs chu pơrguc gơ, mơ mê rơp ò klàs bơh tê bol khai.”

Jeremi 38:23

Jơh ală bau ùr, bau cồng, kòn klau kòn ùr bơtau dê rơp kong cèng tus hơ cau Kalde; ai să tòm bơtau, rơp ò klàs bơh tê bol khai, mơya rơp kong tê bơtau Babilôn kup, mơ ƀòn do rơp kong chu mơ ồs.”

Jeremi 38:3

Yàng Jehôwa đơs be do: ‘Ƀòn do ngan rơp jào tòm tê mpồl ling bơtau Babilôn dê, khai rơp tòmpìt ai.’”

Jeremi 39:16

“Lòt tĕ yal Ebetmelet, cau Ethiôpi, lah: ‘Yàng Jehôwa Gơnap Gơnoar, Yàng Tom Trồ Israel dê, đơs be do: Tus di ngai hơ̆ Añ rơp lơh gơlik gơs di đap mê ală jơnau mơ Añ neh đơs tòmdră mơ ƀòn do, lòi gơ in àñ bơta rung rài mơ ò geh lơngai ò.’

Jeremi 39:8

Cau Kalde ngui ồs chu gơlang bơtau mơ hìu làng bol dê, phà tơrlah dơrñang ƀòn Jerusalem.

Jeremi 44:11

Tài bơh hơ̆, Yàng Jehôwa Gơnap Gơnoar, Yàng Tom Trồ Israel dê đơs be do: ‘Añ neh lơh nền cèng bơta rung rài tơndùh hơđang bol mê, mơ tơnroh jơh Juda.

Jeremi 44:27

Añ rơp drơng kơp nàng tơndùh bơta rung rài bol khai in mơ ò tơndùh bơta lơngai; kòp nă cau Juda ơm tòm lơgar Ejiptơ rơp kong tơnroh bơh pềs tà mơ jơgloh rung jơl tus neh tơnroh jơh.

Jeremi 52:13

Khai chu hìu Yàng Jehôwa, gơlang bơtau, mơ jơh ală hìu ơm tòm Jerusalem. Ală hìu dờng cau màng ryŭ dê khai chu jơh.

Ejekiel 15:7

Añ rơp wèt mat tòmdră mơ bol khai. Bulah bol khai neh lik klàs bơh ồs, ồs rơp gam chu pơrguc bol khai. Mơ mê rơp git Añ la Yàng Jehôwa, tòm tŭ Añ wèt mat tòmdră mơ bol khai.

Ejekiel 24:11

Ơn tĕ glah gòi hơđang ồs rnga jơl tus di tŭ ồs sa duh ngan mơ gơ hơng gơcrà nàng ală phan ƀơ̆ ƀơl gơlề lac jơh mơ ală è sa gơ kong ồs sa jơh.

Lebi 17:10

‘Cau Israel lơi hala cau làng bơdìh lơi ơm digùl cau Israel sa mhàm lơi gen Añ rơp wèt mat tòmdră mơ cau hơ̆ la cau sa mhàm, mơ rơp tă sang khai bơh di làng bol khai dê.

Lebi 26:17

Añ rơp wèt mat Añ jê tòmdră mơ bol mê, lòi bol mê kong alah di đap ală cau sò tơm bol mê dê, ală cau gơjrañ kơuềng di bol mê rơp at bồ hơđang bol mê, mơ bol mê rơp ntoat dô bulah ò gơs cau ting jat bol mê.

Amôs 2:5

Añ rơp sồr ồs tus hơđang Juda, gơ rơp chu pơrguc ală hìu gơlang kơ̆ cê Jerusalem dê.”

Amôs 9:4

Bulah bol khai gơkòl cau sò tơm kup cèng krơ̆ jàm, tềng hơ̆ Añ rơp sồr đào, mơ gơ rơp tơnchơt bol khai. Añ rơp ơn mat Añ sền hơđang bol khai nàng lơh tơnroh, ò di la bơta niam.”

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”