Jeremi 20:8 - Sră Goh 2018

⁸ Kòp dơ̆ añ đơs gen pal ai jơnau hòi driau; añ pal driau lah: “Jàñ bơsak mơ phà tơnroh!” Bơh jơnau Yàng Jehôwa dê lơh añ in jơh ngai kong bơtat bơtròh mơ dơñŏ tơnhial.

Jeremi 20:8 Mawu Ofanana

II Ală Bơtau 2:23

Bơh tềng hơ̆, Elise guh tus hơ Betel; mơ tòm tŭ khai gam lòt rò gùng, gơs ală cau kơnòm klau lik bơh ƀòn dờng bơrsèl tơnhial khai, lah: “Lòt ngài tĕ ơ cau lòl bồ! Lòt ngài tĕ ơ cau lòl bồ!”

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Esai 57:4

Bol mê sền òsơp di ñcau taih? Bol mê hel lơmpiat dơñŏ tơnhial di ñcau taih? Bol mê ò di la jơi bơtiàn cau jak tòmdră, kòn sau ală cau đơs blac ò ơ?

Jeremi 15:10

Bòl glar añ in! Mè añ jê, mè neh tơnggơs añ Dô nă cau bơta tòmlah tòm pơndang tòm jơh lơgar! Añ neh ò ai cau in jồm, mơ kung ò càn mơ cau lơi; Bulah behơ̆, jơh tơl nă bol khai srat rma añ.

Jeremi 15:15

Ơ Yàng Jehôwa! Kơnràñ git. Dan kah añ mơ còp añ, mơ cèng wơl bơta sal tê añ in hơđang ală kup kơryan añ. Tòm bơta kong ơt Kơnràñ dê bañ cèng añ ngài; Dan git lah añ bơh Kơnràñ mơ kong jê sồt bơrsèl tơnhial.

Jeremi 17:27

Mơya dilah bol mê ò bài iat Añ nàng ơn is ngai Saƀat gơlik gơs ngai sàng goh, mơ tòm ngai Saƀat tui ơnòng mơ mut tòm mpồng ƀòn dờng Jerusalem, gen Añ rơp ơn ồs di mpồng theng, ồs hơ̆ rơp chu pơrguc gơlang bơtau tòm Jerusalem, mơ rơp ò geh đơp chơt ò.’”

Jeremi 20:7

Ơ Yàng Jehôwa, Kơnràñ neh bơto pơndòm añ, Mơ añ neh geh bơto pơndòm; Kơnràñ pràn rlau mơ añ mơ Kơnràñ neh geh pha. Jơh ngai añ gơlik bơta dơñŏ tơnhial, Cau lơi kung bơtat bơtròh añ.

Jeremi 28:8

Ală cau gơnoar hwơr lài mơ Añ mơ lài mơ mê, bơh lài neh đơs hwơr bơh bơta kơlìn gơtoă, rung rài, mơ pluh plàng ală ƀòn dờng mơ ală lơgar in.

Jeremi 5:1

Ntoat mơ lòt yơng tĕ làm ală gùng ƀòn dờng Jerusalem, Sền gùt dar mơ kah prap. Jòi tĕ tòm ală hìu dờng jơnum mơ sền, Dilah mê rgơi jòi bàn dô nă cau, lơh bơta song ring, jòi bơta song ngan, Gen Añ rơp toh glài Jerusalem in.

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Jeremi 6:10

Añ rơp đơs mơ ñcau, mơ sồr cau lơi kơrhia, Nàng bol khai rgơi kơno taih? Ne, tồr bol khai neh sềt, bol khai ò rgơi kơno. Jơnau Yàng Jehôwa dê gơwèt mơ bol khai be phan sền òsơp, Bol khai ò lơh niam nùs tòm gơ.

Jeremi 7:9

Bol mê ngan ò di ntung kơñau, tơnchơt cau, tìs glài rềs àr bơrnàn, srat să blac, chu kơlhô Baal in, lòt jat yàng ndai, la yàng bol mi ò git.

Habakuk 1:3

Ñchi Kơnràñ lòi añ in sền gŏ bơta lơh tìs, mơ lòi añ sền di bơta bòl glar tai taih? Bơta phà tơnroh mơ bơta rhung rhang ơm di đap añ; bơta tòmpìt tòmhà mơ tòm pơndang bal gơtơngguh.

Luka 11:45

Digùl ală cau bơto bơta boh lam, gơs dô nă cau đơs mơ Kơnràñ lah: “Ơ Cau Bơto, ồng đơs behơ̆ kung gơlơh ƀàssìl di bol hi sơl.”

Hebrơ 11:26

Khai sền bơta bơtat bơtròh bơh Bơtau Krist la kas rlau mơ phan màng Ejiptơ dê, bơh khai kơp gơn phan ƀàn.

Hebrơ 13:13

Behơ̆ gen, bol he lik lòt tĕ tus hơ Kơnràñ hơ bơdìh sàl mpồl jơnum dê, nàng kong bơta bơtat bơtròh bal mơ Kơnràñ.

I Pier 4:14

Dilah oh mi bơh sơnđan Bơtau Krist mơ kong bơtat bơtròh, gen oh mi geh lơngai, tài bơh Hwềng gơklŏ Yàng Tom Trồ dê ơm hơđang oh mi.