Jeremi 20:7 - Sră Goh 2018

⁷ Ơ Yàng Jehôwa, Kơnràñ neh bơto pơndòm añ, Mơ añ neh geh bơto pơndòm; Kơnràñ pràn rlau mơ añ mơ Kơnràñ neh geh pha. Jơh ngai añ gơlik bơta dơñŏ tơnhial, Cau lơi kung bơtat bơtròh añ.

Jeremi 20:7 Mawu Ofanana

II Ală Bơtau 2:23

Bơh tềng hơ̆, Elise guh tus hơ Betel; mơ tòm tŭ khai gam lòt rò gùng, gơs ală cau kơnòm klau lik bơh ƀòn dờng bơrsèl tơnhial khai, lah: “Lòt ngài tĕ ơ cau lòl bồ! Lòt ngài tĕ ơ cau lòl bồ!”

Sră Jop 12:4

Añ la bơta dơñŏ tơnhial ală cau bơyô añ jê; Añ neh hòi guh tus hơ Yàng Tom Trồ, mơ Kơnràñ ho wơl añ; Dô nă cau song ring mơ ò gơs tiah geh lah pơrhơng, añ neh gơkòl cau dơñŏ tơnhial!

Sră Jop 30:9

Mơ tŭ do bol khai dơñŏ tơnhial di añ tòm bơta đơs crih; Añ la jơnau pơnđik bol khai dê.

Đơs Crih 119:51

Cau pơnhừ să ò pơlai jơnau dơñŏ tơnhial añ, Mơya añ ò pơrlac ngài bơh bơta boh lam Yàng dê.

Esai 8:11

Bơh Yàng Jehôwa neh đơs bơta do añ in tòm tŭ tê Kơnràñ dê pràn ngan ơn hơđang añ, mơ bơto pơhìn añ bañ cơnđòa lòt tòm gùng làng bol do dê, mơ đơs lah:

Jeremi 15:10

Bòl glar añ in! Mè añ jê, mè neh tơnggơs añ Dô nă cau bơta tòmlah tòm pơndang tòm jơh lơgar! Añ neh ò ai cau in jồm, mơ kung ò càn mơ cau lơi; Bulah behơ̆, jơh tơl nă bol khai srat rma añ.

Jeremi 15:18

Ñchi bơh tài bơta jê sồt añ jê ò dơh? Bơta sồt rmàñ añ jê ò rgơi sơm, mơ gơ ò bài bòi? Kơnràñ gơwèt mơ añ kung be dô nơm croh dà ma blac, dô nơm hiòng soat dà ơ?

Jeremi 17:16

Ai añ, añ ò sang gơnoar broă ê gàr tòm bơta duh broă Kơnràñ. Añ kung ò kơp gơn tơngai bòl glar, Kơnràñ ngan neh git. Jơnau lik bơh bơr añ jê.

Jeremi 20:9

Dilah añ đơs: “Añ rơp ò đơs bơh Kơnràñ tai, hala ai sơnđan Kơnràñ mơ đơs tai,” gen tòm dơlam nùs añ kung be ồs sa hơng, gơkrơ̆ kơ̆ tòm ntìng añ, Mơ añ bòl glar bơh ơm mŏ mŏ, mơ añ ò jai kong tai.

Jeremi 29:26

Yàng Jehôwa neh bơtào mê lơh gơs cau gơnoar ơn phan duh khoai ala Jehôyada, la cau gơnoar dờng ơn phan duh khoai, sền gàr tòm hìu Yàng Jehôwa, dilah cau lơi gơla bơrngơl sơnđan he la cau gơnoar hwơr, gen kup tĕ, dò gơsàng mơ kơt sreng wơl.

Jeremi 38:19

Bơtau Jedekia đơs mơ Jeremi lah: “Añ rngòt cau Juda neh kong alah mơ cau Kalde, rơp phi añ tòm tê bol khai, mơ añ pal kong bol khai dơñŏ tơnhial sơl.”

Ñìm Rac 3:14

Añ neh gơlik gơs bơta dơñŏ tơnhial jơh làng bol añ jê, jơnau đơs crih bol khai dê jơh ngai mho.

Ejekiel 3:14

Chòp Yàng Hwềng cèng añ guh mơ cèng añ tus tiah ndai, mơ añ lòt tòm bơta sràt bơtang mơ tòm bơta gơjrañ mañ tòm hwềng añ, gơs tê Yàng Jehôwa dê ơn hơđang añ pràn kơldang.

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Jôna 4:2

Khai hòi dan mơ Yàng Jehôwa lah: “Ơ Yàng Jehôwa, hơ̆ ò di la bơta mơ añ neh đơs tòm tŭ añ gam ơm tòm lơgar tòm añ jê ò ơ? Tài behơ̆ tàng añ sơrbac sơrbang dô pleh tus hơ Tarsi. Bơh añ git Kơnràñ la Yàng Tom Trồ gơs nùs kòñ nđàc, òbat gơjrañ, bềng bơta kòñ gơboh kơ̆ dơn, mơ tòmgơl nùs ò lơh glài.

Mice 3:8

Mơya đah mơ añ, añ geh bềng lìu gơnap gơnoar, bal mơ Hwềng Yàng Jehôwa dê, bal mơ bơta song ring mơ gơnoar pràn, nàng yal tơlik Jakôp in bơh bơta lơh tìs khai dê, mơ Israel in bơh tồi glài khai dê.

Luka 16:14

Ală cau Pharisi la cau hàm kòñ jền priă, kơno ală jơnau hơ̆ gen dơñŏ tơnhial di Kơnràñ.

Luka 23:11

Herôt mơ mpồl ling khai dê sền òsơp mơ dơñŏ tơnhial di Kơnràñ, tơnsoh ào bơnga gơcrà Kơnràñ in, gen sồr cèng wơl Kơnràñ hơ Pilat.

Broă 17:18

Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

Broă 17:32

Dơ̆ kơno đơs bơh bơta kis wơl cau chơt dê, gen cau ƀà dơñŏ tơnhial, cau ƀà tai đơs lah: “Bol he kòñ iat ồng đơs jơnau do dô dơ̆ tai.”

I Kôrintô 9:6

Hala mìng dô nă añ mơ Banaba pal lơh broă nàng kis sơl ơ?

Hebrơ 11:36

Gơs ală cau ƀà kong gơlòng bòl glar be kong cau dơñŏ tơnhial, pòng pù, kơt mơ che sreng mơ kup jàm sơl.