Jeremi 20:6 - Sră Goh 2018

⁶ Ai mê, ơ Pasur, să tòm mê bal mơ ală cau ơm tòm hìu mê, rơp cèng lơh dĭ hơ Babilôn, mơ mê rơp chơt mơ tơp tềng hơ̆, bal mơ jơh ală cau bơyô mê dê, hơ̆ la ală cau mơ mê neh đơs hwơr ma blac bol khai in.’”

Jeremi 20:6 Mawu Ofanana

Esai 9:15

Bồ hơ̆ la ală cau kwang kra mơ cau màng ryŭ; tiang hơ̆ la ală cau gơnoar hwơr bơto jơnau blac chừt.

Jeremi 14:13

Gen añ đơs lah: “Ô! Yàng Jehôwa, do ală cau gơnoar hwơr đơs mơ bol khai lah: ‘Bol mê rơp ò gŏ đào tà, hala mê rơp ò gơs jơgloh rung; mơya añ rơp ai bol mê in bơta lơngap lơngai song ngan tòm tiah do.’”

Jeremi 14:16

Ală cau mơ bol khai yal jơnau đơs hwơr hơ̆ in, bal mơ bau ùr, kòn klau, kòn ùr bol khai rơp gơkòl sơrbì tòm gùng ƀòn dờng Jerusalem dê kong đào tà mơ jơgloh rung. Tềng hơ̆ ò gơs cau lơi tơp bol khai, să tòm bol khai, ală bau ùr bol khai dê, ală kòn klau mơ ală kòn ùr bol khai dê. Añ rơp tuh bơta iơh bol khai dê hơđang bol khai!

Jeremi 20:1

Tŭ hơ̆ Pasur cau gơnoar ơn phan duh khoai, kòn klau Imer la cau sền gàr hìu Yàng Jehôwa dê, neh kơno Jeremi đơs hwơr ală bơta do.

Jeremi 20:4

Bơh Yàng Jehôwa đơs be do: ‘Añ rơp phi mê lơh gơs bơta rngòt rngơt să tòm mê in mơ jơh ală cau bơyô mê dê sơl; bol khai rơp chơt bơh đào cau sò tơm bol khai dê, mat mê rơp sền gŏ. Añ rơp phi jơh làng bol Juda tòm tê bơtau Babilôn, khai rơp cèng bol khai tus tòm Babilôn gơs dĭ, mơ ngui đào tơnchơt bol khai.

Jeremi 23:32

Yàng Jehôwa đơs: “Do, Añ tòmdră mơ ală cau ai bơta mpau ma blac mơ đơs hwơr Yàng Jehôwa đơs, ală cau sồr bol khai mơ ală cau tề lam làng bol Añ lòt tìs gùng bơh bơta pơrlồm mơ đơs jòng să bol khai dê; bơh Añ ò sồr mơ ò bơtào bol khai; behơ̆ bol khai ò lơh kwơ dô êt lơi làng bol do in.” Yàng Jehôwa đơs behơ̆.

Jeremi 29:32

gen tàng Yàng Jehôwa đơs be do: ‘Añ rơp lơh glài Semaya, cau Nehelam, mơ jơi bơtiàn khai. Bơh jơi bơtiàn khai, khai rơp ò gơs cau lơi ơm digùl làng bol do gŏ bơta niam Añ rơp lơh làng bol Añ in, bơh khai neh đơs bơta tòmdră mơ Yàng Jehôwa,’” Yàng Jehôwa đơs behơ̆.

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Ñìm Rac 2:14

Ală cau gơnoar hwơr ai yal ai in ală bơta ma blac mơ gơtơnggŏ blac pơrlồm. Bol khai ò yal tơlik tồi glài ai, nàng tơm wơl bơta lơngai lơngò bol ai dê, Mơya mìng yal ai in git ală jơnau đơs hwơr ma blac mơ tìs nrah.

Ejekiel 22:28

Ală cau gơnoar hwơr gơ dê pih bò ală broă lơh hơ̆ bol khai in kơnòm di ală bơta gơtơnggŏ roh lơm mơ bơta sền dà ma blac bol khai in mơ đơs lah: “Do la jơnau đơs Jehôwa Yàng Tom Trồ dê,” tòm tŭ Yàng Jehôwa ò đơs behơ̆.

Lebi 26:17

Añ rơp wèt mat Añ jê tòmdră mơ bol mê, lòi bol mê kong alah di đap ală cau sò tơm bol mê dê, ală cau gơjrañ kơuềng di bol mê rơp at bồ hơđang bol mê, mơ bol mê rơp ntoat dô bulah ò gơs cau ting jat bol mê.

Mice 2:11

Dilah gơs dô nă cau đơs blac pơrlồm tus đơs lah: “Añ rơp bơto bol mê in bơh tơrnòm mơ phan ñô lơh bơñul,” gen cau hơ̆ rơp lơh gơs cau bơto làng bol do in!

Sacari 13:3

Mơ dilah gơs cau lơi gam đơs hwơr, gen mè mơ bèp khai dê la cau neh deh khai, rơp đơs mơ khai lah: ‘Mê rơp ò geh kis, tài bơh mê neh ai sơnđan Yàng Jehôwa mơ đơs ală jơnau blac.’ Mơ mè bèp tòm khai dê la cau neh deh khai rơp sreh tơnchơt khai tòm tŭ khai đơs hwơr.

Yal Wơl 28:25

Yàng Jehôwa rơp lòi bol mê kong alah di đap ală cau sò tơm bol mê dê. Bol mê rơp bơh dô đah brồ lơh bol khai mơya rơp ntoat dô tòm poh đah, mơ bol mê rơp gơlik gơs dô nơm phan cù kìr di đap jơh ală lơgar hơđang ù.