Jeremi 20:5 - Sră Goh 2018

⁵ Añ kung phi jơh ală bơta pas sơm ƀòn dờng do, bal mơ ală cồng nha neh lơh gơlik gơs, jơh ală phan màng gơrê mơ ƀòn dờng; ngan Añ rơp phi ală phan màng ală bơtau Juda tòm tê ală cau sò tơm bol khai dê, bol khai rơp ai kung be phan phà kup mơ cèng hơ Babilôn.

Jeremi 20:5 Mawu Ofanana

II Yal Yau 36:10

Tòm kơnhai bơkào chi che bơtau Nebukatnessar sồr cau kup khai cèng tus hơ Babilôn, bal mơ ală phan ngui kas màng bơh di hìu duh khoai Yàng Jehôwa dê, mơ bơtào wa khai la Jedekia gơs bơtau at bồ hơđang Juda mơ Jerusalem.

Esai 39:6

‘Ală ngai rơp tus, tòm tŭ jơh ală phan tòm gơlang bơtau dê mơ jơh ală phan mơ ồng pàng bơtau dê neh prap lòi jơl tus di ngai do rơp cèng pơrdô jơh hơ Babilôn; ò gam dô nơm phan lơi!’ Yàng Jehôwa đơs behơ̆.

Jeremi 12:12

Hơđang jơh ală dòr kơlờl tòm ƀlàng bràs; Cau phà kơñau neh tus; Bơh đào Yàng Jehôwa dê loan lơgar do Bơh bồ do tus hơ bồ ne, Ò gơs dô nă lơi geh lơngap lơngai.

Jeremi 15:13

Añ rơp jào bơta pas sơm mơ phan màng bol mê dê, cau phà kơñau in mơ ò tơm jền. Tài bơh jơh ală tồi glài bol mê dê, Tòm làm jơh ù tiah bol mê dê.

Jeremi 17:3

Ơ mơnơm Añ jê tòm lơgar, Añ rơp jào bơta pas sơm, mơ jơh ală phan màng mê lơh gơs phan phà kup; Be jền tơngai bơh tồi glài mê neh tìs tòm làm jơh lơgar bol mê dê.

Jeremi 3:24

Mơya bơh tŭ bol hi gam kơnòm să, Rùp ràk ƀàssìl neh loan jơh ală phan mơna ồng pàng bol hi dê kong lơh broă bòl glar, Mpồl belàt, mpồl kơnrồ, Kòn klau, kòn ùr bol khai dê.

Jeremi 32:24

Ne, ală theng gơrwàng kơ̆ cê neh geh bơt gùt dar ƀòn nàng tòmpìt ai gơ. Tài bơh pềs tà, jơgloh rung, pluh plàng, gen tàng ƀòn kong phi tòm tê cau Kalde tòmlơh mơ bol khai. Bơta Kơnràñ đơs neh gơlik gơs, be Kơnràñ neh gŏ!

Jeremi 39:2

Nam dơ̆ jơt dùl rài Jedekia, kơnhai poan, ngai dơ̆ sin, ƀòn kong phà tơrlah.

Jeremi 39:8

Cau Kalde ngui ồs chu gơlang bơtau mơ hìu làng bol dê, phà tơrlah dơrñang ƀòn Jerusalem.

Jeremi 4:20

Bơta rung rài ting bàn bơta rung rài, jơh tòm lơgar kong srau gòi; Nisơna ală sàl añ jê neh kong tơnroh, Ală bài kơrnìng añ jê gơcrè tòm dô ơthoa lơm!

Ñìm Rac 1:10

Cau sò tơm neh pò tê bol khai dê hơđang ală phan kas màng khai dê; tian gơs khai neh gŏ ală làng bol phà tơnroh tiah sàng goh khai dê. La làng bol Kơnràñ neh bơkơ̆u ò geh mut tòm mpồl jơnum Kơnràñ dê.

Ñìm Rac 1:7

Tòm ală ngai jê sồt moat jrùng mơ nrah nring, Jerusalem kah wơl jơh ală phan màng mơ khai neh dòp geh tòm ngai yau òr; Tòm tŭ làng bol khai dê gơdùh tòm tê cau sò tơm, mơ ò gơs cau lơi tus dong kòl khai. Cau sò tơm sền gŏ, dơñŏ tơnhial dê bơta tơrlah tơrlơm khai dê!

Ñìm Rac 4:12

Ală cau bơtau hơđang ù ò bài dòn, hala ală làng bol ơm hơđang plai ù kung ò dòn, Cau sò tơm mơ cau tòmdră rgơi mut tòm ală mpồng ƀòn dờng Jerusalem.

Ejekiel 22:25

Ală cau gơnoar hwơr gơ dê neh bơyai bơtào kai gơrmơ̆i kung be klìu triă ơluh ơhùm kap crè phan kup geh gơ dê; bol khai crè sa làng bol, tòmpìt ai ală đam jàr mơ ală phan màng, lơh gơlik gơs oă cau ùr bơnrau tòm gơ.

Daniel 1:2

Yàng Jehôwa jào Jehôyakim bơtau Juda tòm tê Nebukatnessar bal mơ dô pơnah ală phan ngui tòm hìu duh khoai Yàng Tom Trồ dê. Bơtau Babilôn sồr cèng ală phan ngui hơ̆ tus tòm tiah Sinar, mơ prap tòm đam jàr hìu duh khoai ală yàng khai dê.

Sră Ôse 13:15

Bulah khai tơnggơs oă jơi bơtiàn digùl oh mi khai, càl đah mattơngai lik rơp tus, dô nơm càl khồm tus bơh Yàng Jehôwa, guh bơh ƀlàng ngềt ngơt, mơ croh dà khai dê rơp soat mơ hiòng dà khai dê rơp rañ. Đam jàr khai dê gen cau rơp tòmpìt ai jơh ală phan màng neh prap lòi.